Super Shadow .. Total Darkness

[Nighty]

السلام عليكم

اليوم و أخيراً ... صممت توقيع يديد ..

طبعاً ما صدقت اني رجعت اليوم البيت من وقت .. يعني قبل ما ينتهي الدوام ب3 ساعات اعتقد ..

و قلت لازم اصمم توقيع .. لـ شخص عزيز و غالي .. و هو عضو قدير في منتدى الأنيمي ..

Super Shadow

انا وعدته قبل فترة اني بسوي له توقيع .. لأنه طلب مني ..

بس لضيق الوقت ما قدرت اصممه في الفترة الماضية .. لكن اليوم حصلت الوقت .. و صممت

و حاب آخر رايكم فيه .. اذا ممكن طبعاً

::



::

بروفايل العمل :

الصور : شادو + 4 c4d
الفرش : 0
الفلاتر : 3
الوقت : ساعة واحده


طبعاً كالعادة .. اكثر شي قعدت عليه .. هو الخط .. و هالمرة حاولت اسوي حركه .. يمكن تكون متناسقة مع جو التصميم <<< فلسفة

بانتظار ردودكم

و على فكرة .. لا تنسونا بالدعاء .. بعد 3 اسابيع امتحانات الثانوية العامة عندنا في الإمارات ..

نرجو منكم مشكورين لا مغصوبين الدعاء لنا ..

و لكم مني جزيل الشكر ^_^

مع السلامة

Nighty

[LooreenA]

وعليكم السلام والرحمة^^"
كيف الحال نايتي
مم توقيع لشادو، عقبالي >> بنت طماعة xd

التصميم ابداع^^"
اعجبني كل شيء فيه واعجبتني العتمة الموجودة^^
تصميم الخط ووضعه جيد، بالنسبة لي ما عليه كلام ^.~
ياريت لو حطيت اضاءة جانبية، بعض النور لا يضر
مبروك على شادو يستحقه
وكل التوفيق لطلاب الثانوية ~.~"
الله يوفقكم ويساعدكم وان شاء الله نفرح بالتفوق، لا نقبل بأقل من 99,9
موفق نايتي وشد حيلك، يلا سلام

[Royal Slayer]

السلام عليكم ورحمة الله وبركاته

مرحبا اخى نايتى ^_^

توقيع رائع ما شاء الله اكثر ما عجبنى هو تناسق الالوان

ووضعية الخط ايضا مميزه

عندى بعض الملاحظات لو جملة total darkness جعلتها بخط صغير ووضعتها اسفل كلمة شادو

بيصير التوقيع احترافى اكثر

الحدود حول النيران الخارجه من يد الشخصيه حاده بعض الشىء وحاول تقلل الستروك من حولها

عذرا على طول النقد لكنه لصالح العمل المميز

ومبروك على اخونا ^_^

و على فكرة .. لا تنسونا بالدعاء .. بعد 3 اسابيع امتحانات الثانوية العامة عندنا في الإمارات ..

نرجو منكم مشكورين لا مغصوبين الدعاء لنا ..

الله يوفقك يا الغالى

دمتم فى حفظ الله ورعايته،،

[D3BOL]

ما اقدر اقول غير رائع

كل شي فيه رائع بس احس يبيله اضاءة

ويستاهل شادو ^^

[A/\/\A]

ناتي ناتي..مبدع بصراحة..تصميم ما عليه كلام ^.~
الخطوط وتوزيع العناصر في التوقيع رهيب ^^
الألوان حلوه ومميزه ومتناسقه..بس كل اللي محتاجه التصميم
شوية إضاءة يصير تحفة ^^"
موفق إن شاء الله،،،

[ناي]

:

اول شي واهم شي الله يوفقك في الاختبارات << تذكر اختبارات الثانويه العامه موت

نايتي ..

تصميم رايق وعجبني مره وبرضوو حركة الـــ خط حلوه ورايقه

ويستاهل الاخ Super Shadow

[sweet Mio]

هااي
اول شي الله يوفقك بامتحانات الثانويه العامه >> كانت تبي تموت من فترة الاختبارات XD
ثاني شي نروح للتصميم ^^"
صرااحه ما عليه كلام
بس اضاءة التصميم مو عاجبتني احس اني مخنوقه من العتمه >> انتي شكو >> اقصد ان العتمه زاايد شوي حبتين
والباقي سوبر كوول
والخط بعد عجبتني فلسفته خخخخخ
بالتوفيق لك ^.^
سي يااا

[TERBO]

الله يوفقك في الإختبارات وتكون من المتفوقين

بالنسبه للتصميم يعجز لساني عن وصفه

ولاكن عتبي زي الأخوان على الإضاءة

والى الأمام يابطل

[Super Shadow]

و عليكم السلام و رحمة الله و بركاته

تسلم يديك على التوقيع أخوي نايتي و الله يبارك في حياتكم يا اخوان ، و سوري على غيابي في الأونة الأخيرة

و هذا بسبب النت التعبان عندي ><

تصميم الخط و الاضائة الخفيفة روووووووعة

و بصراحة راكب على الشخصية

أنت حطيت الصورة المناسبة على ستايل الخلفية

الحين أنا بحط الصورة في التوقيع على طول بعد ما شفت الموضوع

هذا الشغل الكوول الي توقعته منك نايتي

بارك الله فيك أخوي ^^

[Dark-Side]

طريقة إخاف التصميم خلف مجموعة من الأضلال .. أعطت التصميم أكثر واقعية ^^

أحسه كأنه مصور من مجله قد صممت هذا التصميم .. أحسنت في إخراج التصميم عزيزي

بالتوفيق لك

[Ahmed Blight]

اهلين نيوت خخ

ادري انك يا النصاب ما تبغي ترد على الموضوع عشان ما تتعب بس مو مهم >> و لو انك قايل اذا انا رديت بترد على الردود خخخ

الموهيم نروح للتوقيع
صراحة مرة كوول هو و الخط ^^ بس احس لو كان في عمق اكبر خلف شادو تحديدا بيطلع احلى ^^
بس بشكل عام رهيب مرة

هذا مستواك الي احب اشوفه

موفق حبيبي
مع السلامة ^^