3 لمبات حمراء كافيه للاطاحه باي 360

[Prozac]

اليوم اخترب الجهاز ... بدون سبب وبدون مقدمات وبدون ما اتهنى في الجهاز
شي يخلي اي انسان فاهم وعاقل ومنطقي يحتار ... ليه جهازي تحديدا اخترب ؟
نبذه عن جهازي الراحل ....

كان رحمه لله جهاز مدلع كنت العب فيه كل خميس فقط من اليوم الي شريته فيه 10-2006 والمولود مصنعيا بتاريخ 3-2006 بحكم اني طبيب ومتزوج وعندي من الانشغالات مالايعلمها الا الله ثم الاشخاص الي بنفس عمري الاجتماعي ... كان الجهاز لايتحرك ولايتنقل وكان موضعه تحت المكيف ابو طنين ونصف من شركه دايكن اليابانيه كوحده مركزيه ... كان الجهاز + الشاشه ذات الـ46 LCD رافيا 1080p ينظفون ويمسحون من قبل الشغاله يوميا في موقعهم القابع بالدور السفلي من ابعد مايصل اليه الاولاد او المتطفلين منطقيا كان في غرفه خاصه به

طبعا جربت وشف وسئلت وقريت عن هالمشكله واطلعت على انواع الفديوهات من اليوتوب .. والخلاصه ان الجهاز خلاص ماله اي حل حتى بيت الكمبيوتر عرض على هاتفيا سعر 400 ريال ويمكن يتصلح بس فنيا مستحيل ...
طيب وش الحل ؟
محتاج رايكم في ...

1- اشتري نظام PAL من الوكيل اذا فتح بالسعوديه ؟
2- انتظر الجهاز الاسود الجديد ؟
3- اتكل على لله واشتري مثل الجهاز وابتلش بالهاردسك وباقي الملحقات ؟
4- اشتري جهاز كورسيستم ؟ بس منين ؟

عادن بي الذاكره الي سنه 1988 ايام جهاز الاميجا مرورا بانواع الاجهزه الي لازلت احتفض فيها ولازالت تعمل بكفائه
حتى لو يقولي اي شخص ان اجهزه هالايام متطور وماتقارن بالننتندو 64 مثلا ... ارد عليه
لو المايكروسوفت عندها ذره فن واتقان صناعي كان تعلمت من الننتندو DS لي بيد بنتي عمرها 3 سنوات كل يوم وانا انقذ الجهاز من يدها .. اتوقع طبقت عليه جميع انواع التجارب ونجح او جهاز الجيم كيوب الي ناسيه بشنطه السياره من 7 شهور ...الخ

للاسف المايكروسوف حتى سبب منطقي للاعطال الغبيه ماقدمت او فسرت او لمحت ببعض الحلول ( راجعو افلام اليوتيوب واضحكو ) ولاسف تجربتي سيئه من عام 2002 من ايام الجهاز الاول اخترب على 3 مرات وغيرت فيهاجهازين
واليوم اخترب على الجهاز360 وانا في عز الحاجه له ...!

القهر اني تعلقت في للابعد حد واكيد بشتري 2 و3 و7 لو اضطريت للاني مقتنع باهميه الجهاز في حياتي وتسليتي الوحيده بعد يوم طويل ومتعب بغض النظر عن الاجهزه الاخرى الي بشتريها علشان لعبه وخلاص .. الاكس بوكس ادمان ...
بس يحز بخاطري اني اشتري جهاز ب 1700 ريال وانا اعرف انه 6 شهور الى سنه وبيخترب ( باعترف الاف الامريكان والاوربيين من اليوتيوب وقناه BC )
توني ادري ان العالم مسوين حمله ضد الجهاز بسبب سوء التصنيع ومايكروسوفت قالت ان الاجهزه القديمه 2005 فقط خربانه اصلا الكل خربان ... يعني شنسوي اذا مافيه ضمان ؟

انتظر تعليقاتكم او تعزياتكم

[Emperor-uae]

الله يعينك يا اخويه

هاي المشكله اصابت الكثير من الناس

الله يبعدها عن ال360 مالي

[Devil..S]

الله يعينك اخوي ويبعد العله هذي عني والقارئين اخوي empereor-uae ادعيلنا معاك بس خايف على نفسك

اخوي Prozac
يمكن جهازك اخترب من الدلع الزايد .......اقصد انو انت تلعبه قليل والمكيف عليه هذا ياثر على الجهاز يخليه بارد مرررررره عشان كذا في طريقه ان شاء الله تنفع
شغل الجهاز لمده اعتقد ربع ساعه بس لفه بمنشفه يعني بالعربي خليه يعرف ان الله حق يعني يسخن
وبعدين ريحه حق ساعتين وشغله
بالتوفيق

بس اتمنى اي واحد من الشباب يتاكد من الطريقه لاني ماني مفتكركم الوقت الي يكون شغال وهو ملفوف

[Prozac]

الله يعينك اخوي ويبعد العله هذي عني والقارئين اخوي empereor-uae ادعيلنا معاك بس خايف على نفسك

اخوي Prozac
يمكن جهازك اخترب من الدلع الزايد .......اقصد انو انت تلعبه قليل والمكيف عليه هذا ياثر على الجهاز يخليه بارد مرررررره عشان كذا في طريقه ان شاء الله تنفع
شغل الجهاز لمده اعتقد ربع ساعه بس لفه بمنشفه يعني بالعربي خليه يعرف ان الله حق يعني يسخن
وبعدين ريحه حق ساعتين وشغله
بالتوفيق

بس اتمنى اي واحد من الشباب يتاكد من الطريقه لاني ماني مفتكركم الوقت الي يكون شغال وهو ملفوف

هههههههه
صحيح مدلع بس مااعتقد المكيف له علاقه او سبب خرابه من الدلع الزايد لانه وقت مايشتغل الاوبليفيون مايطفي الا نهايه اليوم او مجرد ما اشغل الويننج اليفن مااطفيه والمكيف مهب عليه مباشره بس حبيت اعطيكم فكره ان المكان بارد جدا ...

وحركه الفوطه على قوله الناس الي سووها باليوتيوب سويتها امس !! ولله ان الدخان طلع منه مده 30 دقيقه
وبعدها برد 30 دقيقه ... واشتغل OK طفيته وشغلته مره ثانيه وما اشتغل ابدا لان هالطريقه تنفع مؤقتنا

بس اليوم بعد ماصليت الفجر شغلته واشتغل طفيته وشغلته 6 مرات ولازال يشتغل تمام

بس في قراره نفسي ادري ان الجهاز خربان او بيخترب يعني مافيه ثقه في الجهاز .... كلمت بيت الكمبيوتر وقالو مشكلته الحراره الزايده !!! لازم نركب له مروحه ومدري اش بيسوون ب 500 ريال ... وانشاء لله يبضبط ؟؟
اش رايكم ياشباب

[ابـ الدحمي ـو]

الآن اذا استغلت الثلاث لمبات .. معناها خلاص الجهاز انتهى !
يعني ما تريحة شوي بعدين يشتغل عادي ؟

[hamad_007]

انا سمعت ان مايكروسوفت بتنتج معالج 65 nm و بتصلح فيه كل المشاكل .
عاد مادري متى بينزل .

[XFCE]

Prozac ايش الـ gamertag مالك؟

[ADEEEL]

والله ياخوي جهازي تاريخ تصنيعه مثل جهازك وشاريه قبلك ب 3 ايام ويعلم الله الجهاز شغال طول اليوم مايطفي .. بحكم عندي 3 اخوان حارقين الجهاز حرق بالايف ولين يومك هذا شغال 100% بس انا مركبله مراوح تبريد نوع نيكو لكن مع تغذيه كهربائيه خارجيه ... ويشهد الله قبل تركيب المراوح كان الجهاز كل يوم يطفي ويطلع لمبات حمر .. بسبب الحراره بالرغم من جو الغرفه بارد حيل يكسر العظام ... وذا جهازك محد قدر يسويه انصحك بالجهاز الاسود وان شاالله يكون خالي من المشاكل

[Reinu]

هههههههه
صحيح مدلع بس مااعتقد المكيف له علاقه او سبب خرابه من الدلع الزايد لانه وقت مايشتغل الاوبليفيون مايطفي الا نهايه اليوم او مجرد ما اشغل الويننج اليفن مااطفيه والمكيف مهب عليه مباشره بس حبيت اعطيكم فكره ان المكان بارد جدا ...

وحركه الفوطه على قوله الناس الي سووها باليوتيوب سويتها امس !! ولله ان الدخان طلع منه مده 30 دقيقه
وبعدها برد 30 دقيقه ... واشتغل OK طفيته وشغلته مره ثانيه وما اشتغل ابدا لان هالطريقه تنفع مؤقتنا

بس اليوم بعد ماصليت الفجر شغلته واشتغل طفيته وشغلته 6 مرات ولازال يشتغل تمام

بس في قراره نفسي ادري ان الجهاز خربان او بيخترب يعني مافيه ثقه في الجهاز .... كلمت بيت الكمبيوتر وقالو مشكلته الحراره الزايده !!! لازم نركب له مروحه ومدري اش بيسوون ب 500 ريال ... وانشاء لله يبضبط ؟؟
اش رايكم ياشباب

المروحة تقدر تشتريها وتركبها وهي زينه لمشكلة الحرارة بس يبالها عناية هالمروحة لانها ممكن تكون سبب في اللمبات الثلاث لو ما كانت نظيفة او اختربت

بالنسبة للحرارة مب شرط لو الغرفة باردة يعني إنه الجهاز ما بيحر ، فيه ألعاب ممكن يكون فيها جرافيك قوي ومؤثرات فيخلي الجهاز يحر بسرعة ، حاول إنه مثلا تلعب 5 ساعات وتريحها نصف ساعة

تأكد إنه الجهاز مب قريب من مصدر حرارة ويكون في مكان مفتوح

والله يعينك والله يعينا وياك في هالمشكلة

الآن اذا استغلت الثلاث لمبات .. معناها خلاص الجهاز انتهى !
يعني ما تريحة شوي بعدين يشتغل عادي ؟

بالغالب إذا طلعت يا إنه الجهاز يخترب على طول او انه يظل معك فترة وبعدين يخترب

[عاشق يوشي]

هلا اخوي انا واحد من الي اختربت اجهزتهم معني ماكنت العب

فيه الا كل يوم 3 ساعات واطفيه واشغله بعد اربع ساعات وكل يوم انظفه من الغبار

وجهازي شريته بتاريخ 1-1-2007 وبعد شهر بالضبط اختربت العدسه حقت الجهاز وصلحته ب400 ريال وجهازي كان اصلي وكل العابي اصلية وبعدها بشهر

طلعت مشكله جديده وهذا الموضوع
http://www.montada.com/showthread.php?t=528194
وبعد كم يوم توفى الجهاز ب3 لمبات حمر

[scaryface]

والله انا كنت بشتري الجهاز الاكس بوكس بس للاسف الواحد يوم يسمع سوالف الريد لايت يبتعد عن الجهاز
بس الحمد الله PS3 شغال وان مرتاح منه ومافي اي مشاكل ولا شي

خذلك كور سيستم

وشكرا

[zafira]

شكل مايكروسوفت يوم شافت ال ps2 خراباته كثير ظنت انه ميزه هاهاهاهاه (امزح شباب) الا انتوا ما تظنونه ان الحركة ذي يمكن تكون متعمده من مايكروسوفت عشان اذا خرب جهاز نروح نشتري غيره و بكذا تزيد المبيعات بصراحة خراباته فوق الوصف حتى ال ps2 كان يخرب بعقل (غالبا اذا حافظت عليه لن يخرب) يعني شوفوا انا معاي ps2 من اربع سنوات و مشغل كوبي و والعب انا و اخواني 7 ساعات يوميا وشغال مظبوط اصلا لو خرب ما يخترب فيه الا العدسة بس (عشان الكوبي) ام ال xbox360 كل اجزائه تخرب و قابة للتعطل؟؟؟؟؟؟؟؟؟

[مدمن جيمز]

والله عذاب الاكس بوكس
انا اقول جمعو الاجهزه الخربانه وففكوهم وبيعوهم جمله خخخخخخخ

[الشهري9]

طيب شوف يمكن المحول خربان

[عاشق يوشي]

شكل مايكروسوفت يوم شافت ال ps2 خراباته كثير ظنت انه ميزه هاهاهاهاه (امزح شباب) الا انتوا ما تظنونه ان الحركة ذي يمكن تكون متعمده من مايكروسوفت عشان اذا خرب جهاز نروح نشتري غيره و بكذا تزيد المبيعات

ههههههههههه ردك ضحكني بس لايكون صج مايكروسوفت سوتها واحنا ماندري

طيب شوف يمكن المحول خربان

اخوي شدخخل المحول