السلام عليكم
فيه مثل عربي شائع في بلدي بيقول "" مجبر أخاك لا بطلُ "" ويقال لمن الشخص يقوم بفعل عن طريق الغصب
وهيدا ما حصلي لمن اضطريت اني اصور منتجات شركتنا بسبب الكاتالوغ يلي عم اعملو
اذا ما صورت
ما رح يكون فيه كاتالوغ واذا جبت مصور بدي طلعلو عينو من كتر طلباتي فكان الخيار الاخير اني اصور بنفسي
وهيك لئيت نفسي في معمة تتعلق بفتحة العدسة وسرعة الغالق والتصحيح وكلام ونظريات
بالبداية قرفتني حياتي بس الحمد لله يعني تعلمت شوي
شوية اضاءة شوية معلومات من هون وهناك يعني ماشي الحال
طبعا لساني ما بحب التصوير نظراً لإرتفاع اسعار التجهيزات وعدم احترام الناس لهالنوع من العمل وظنن فيه انو مجرد كبسة زر ولكن كما يقول المثل
مجبر اخوكم لا بطل
بإنتظار حكمكم على الصور
كنت حابب اعرض اكتر بس الانترت مش مساعدني على العموم كلن نفس المستوى تقريبا
والكميرا سوني 828
والاضاءة لايت بوكس من اختراعيوفرت على الشركة حوالي 150$ تقريبا ثمن ديفيوزر وعملتهم من لمبات نيون وفيبر غلاس لون ابيض للي بيحب يعرف واستعملت قماش فترين (متل المخمل ) لحتى يمتص الضو وما يردو على الكميرا
