انحس يوم في حياتي......
اولاً اقوال السلام عليكم و ارجوا ان ترحبوا بي عضو جديداً في المنتدى
وابداء بان اقص لكم عن انحس يوم في حياتي
اول اليوم لمن صحيت من النوم صحيت على صوت سيارة البلديه الله يكفينا شرهم المهم قمت متأخر وقعدت استعد وادور اغراضي وكتبي بالقوة لقيتهم المهم طلعت بروح الجامعه<-----(احلى يا جامعه)
ما يكفي ان الطريق زحمه وتعرف المهابيل الي يسقط عليك واللي يحدك
المهم وصلت الجامعه متأخر رحت المحاضره ما دخلني الدكتور قلت يالله عادي ممكن تصير في اي مره يوم بعد ما خلصت رحت اسأل واحد من زملاي عن المحاضره والدرس وشوا عن ايش وفيه واجب ..ألخ المهم رد علي. بعدين سألني وش عندك محاضره الحين قلت ما عندي شي خلصت محاضرتي عاد جاني البلاء قالي يا حظك بس الكلمه الي قالها هي(يووه يا حلااالااات)عاد انت ترجمها انا على طول قلت له قل ماشاء الله هو قال بس يبدو ما قالها بنيه حسنه عاد يله اول ما جاني اني و نا طالع رايح السياره سكيت لك بعامود وانا مو منتبه ايييييييي<------(شوي ويصيح)
بعدها ما مشيت شوي الا واحد فجأه وقف الي قدامي انا ما قصرت وقفت على طول بس الي وراي الله يسامحه ما قصر عطاني وحده من ورا بس الحمد لله خفيفه نزلت الا وهو واحد من اصدقائي الي اعرفهم وشفت ان السياره ما تأثرت مره قلت خلاص مسامح ما صار شي الهم اكمل في طريقي الا و ذاك الصوت الا طلعت الدوريه وقف على جمب قالي
انا وقفت <-----(مواطن شريف) ولا يجيك ذاك الجيزاني الله لا يبلانا
جاني قال الرخصه والأستماره وعطيته اياها راح قالي ايش اسمك انت وكلام ثاني ما ينفهم رحت قلت له عندك الرخصه مكتوب فيها اسمي
راح قاليايه بس انا بعرف اسمك منك قلت طيب فلان بن فلان راح قالي اييييه زين رحت قلتله ليش موقفني راح قال انت حاط تظليله <---(اوريكم ان سيارتي مظلله) رحت قلت له ان السياره مظلل الي ورى بس وهو مسمح راح قالي بس التظليله ذي ما تقدر تشوف منها الي وراك قلت الا اشوف وقعدنا عليه لين ركبته السياره بعدين اقتنع قال ما دامك تشوف خلاص ميب مشكله يله اذلف المهم مشيت بطريقي وزي ما اقول مره ثانيه لازم واحد يحك ويسقط عليك هذي عاده يوميه المهم الحمد لله وصلت البيت بخير قعدت ابوس البيت ما صدقت على الله رجعت الا والوالد جاي ومعطيني لسته مقاضي قال رح اشترها عاد انا بعدها انهلكت بس قلت الواجب واجب واطلع ولو تصدقون لقيت كفر سيارتي مبنشر قلت اكتملت بعدين فكرت بالجانب المشرق قلت على الأقل ما بنشر علي بالطريق
اروح فيهارحت صلحت البنشر(رقعته) واوح اجيب المقاضي مريت سوق الخضار وتعرفون انه تسعود عاد انواع الهواش في المكاسره وا يمكن ينقص هلله ما صدقت ارجع البيت الا الوالد تقولي ودني لام صالح وقلنا واجب و اوديها رجعت البيت وتسدحت وارتحت مدري الا يجيك ذاك المغص ااااااااااااهه <-----(هالمره صحت صدق) واجيك اداوم في الحمام الله يكرمكم واسوي اشغال لا تغطر على البال واجيك اروح للمستشفى راحوا قالولي لازم موعد الا اذا الحاله طارئه وانت حالتك ميب طاارئه قلت بنفسي لو شافوا اشغلي الي سويتها بالحمام وديني الأنعاش المهم وروح لمستوصف المهم الدكتور ما قصر كشف علي وقالي انت ما فيك شي قلت والي فيني قال مجرد غازات و شويه سوء هضم قلت طيب عندك دواء قال ايه خذ الوصفه ذي واجيك الف 6 صيدليات لين لقيت الدواء وبديت استخدمه ونفع راح الألم المهم لمن رحت لفراشي بنام وارتاح من هاليوم المتعب طلع كل السالفه حلم صحيت منه .<---(يلعن ام الكوابيس الي زي كذا):غضب:
المهم ارجو ان القصه اعجبتكم بس اريد ان اخبر القراء ان ثلاثه ارباع القصه حدثت لي فعلاً
وشكراًً (ترى يمكن اتأخر في الرد لمن يريدني
وارجع اقول ارجوا ان تقبلوني عضواً بالمنتدى
[flash]http://mypage.ayna.com/mad_gamer/madgamer2.swf[/flash]
You dont need a reason to help people
mad_gamer@hotmail.com
