مشكلة باللابتوب..الشاشة ماتشتغل ولا المروحة!

[BoOoOo7a]

السلام عليكم..



ياشباب انا عندي لابتوب HP
صارت لي مشكلة فيه وهي انه كل ما اشغله ماتشتغل إلا لمبة البور ..والمروحة تشتغل معه ثواني وتطفي على طول..والشاشة ماتشتغل ابدأ..

وقبلها ما سوت بالجهاز شيء..الا اني سويت ريستارت للكمبيوتر وعلق ومارضى يطفي.. فأضطريت اطفيه ايتوماتيك من نفس الزر التشغيل .. وبعد ما طفى..رجعت اشغله وبدت معي المشكلة اللي ذكرتها فوق..


وش تتوقعون المشكلة يا اخواني؟

المذر بورد راح؟ البور سبلاي؟ او شيء اخر ؟

ومشكورين مقدماً..

[بـومــايـد]

وعليكم السلام ورحمة الله وبركاته

للاسف هذا العطل يدل على ان المذربورد راحت

اذا هو على الكفاله ممتاز واذا لا الله يعينك

[BoOoOo7a]

للأسف..الابتوب له اكثر من 6 سنوات ..اكيد خلص الضمان

ومشكور اخوي عالمساعدة وماقصرت لكن عندي سؤال اخير..

في طريقة اقدر من خلالها اني اسحب الملفات اللي كانت على هارديسك الابتوب الى هارديسك اخر او الى جهاز اخر ؟

[الجمس الحمر]

هذه المشكلة مشهورة في لابتوب HP ..... تكررت كثير مع اصحاب اللابتوب HP


و اظن ان بعض لابتوبات hp تخرج من المصنع وفيها هذا العيب


مع العلم اني استخدم لابتوب HP وما فيه الا العافية

يمكن مثل السيارات ^__^

بالنسبة لنقل الملفات

فيه وصلة ... توصل فيها جهاز اللابتوب الى التلفاز .... وبعدين تقدر تنقل ملفاتك على راحتك

[BoOoOo7a]

فيه وصلة ... توصل فيها جهاز اللابتوب الى التلفاز .... وبعدين تقدر تنقل ملفاتك على راحتك

ياريت توضح لي اخوي اكثر بالله..

وتر الابتوب كما تعلم مطفى ..لان المذربورد راح

فهل يعمل الهارديسك بدون مذربورد؟ يعني بس اشغل الجهاز؟

[TURKi]

توجد طريقة سهله،
إفتح جهازك الابتوب من الخلف و قم بفك الهاردسك من جهازك و نقله إلى لاب توب آخر مشابه لجهازك من نوع HP إن أمكن ،
و إنقل ملفاتك بكل سهولة

وطريقة فك الحاسب المحمول تجده في هذا الموضوع لصاحبنا ahmdatef
موضوع يفيدك إن شاء الله
http://montada.com/showthread.php?t=522545

والله الموفق

أخوك
م. تــــركي