أبي أعرف أحسن لعبة على البي سي

[Kasser]

أبي أعرف وش أحسن لعبة على البي سي من وجهة نظرك؟

عشان أني زهقت من البلاي ستيشن وبا أشتري لعبة بي سي أصلية

[swat]

انت ماحددت اذا كان تبي افضل لعبه استراتيجيه او مغامره حدد و تلقى الأجابه

[RichMan]

السلام عليكم

Max Payne

افض لعبة عندي انا

بالتوفيق

[فاضل]

أحسن لعبة استراتيجية red alert 2
أحسن لعبة أكشن Max Payne
أحسن لعبة سيارات Driver
أحسن لعبة رياضة FIFA 2002

مع تحياتي لك أخي((( كاسر الألعاب)))

[PCman]

احسن لعبة اكشن > Return to Castle Wolfenstein
احسن لعبة RPG > هي EverQuest
احسن لعبة مغامرات > Myst III: Exile
احسن لعبة سيارات > Motor City Online
و شكراً > Thnx

[Kasser]

طيب:

ماكس بوني من شكلها صعبة التحكم بالكي بورد

لكن أبي أعرف عن لعبة : إج أوف إيمبري

هي لعبة عدلة أو لا؟

ووش هي أفضل جزء لها من سلستها؟

[عبدالله911]

أخوي كاسر الألعاب بالنسبه للعبة إيج أوف أمبايرز فهي لعبه أستراتيجيه جميله شبيهه بريد أليرت 2 ولكن الفرق هو في نوعية الجيش (ريد أليرت 2 أسلحه حديث دبابات وجنود وطائرات وحاملات الطائرات وصواريخ وغيرها ) أما أيج أوف أمباير راح تلقى فرسان وسفن و جمال وأسلحه قديمه ورماح وغيرها
لعبة أيج أو أمباير لعبه جميله سهلة التحكم رسومها ممتازه فيها مهمات طويله جدا لعبه مسليه وأحسن جزء فيها هو الجزء الجديد أو بالأصح التطوير conqueres.

[Kasser]

هو نزل بالأسواق أو لا؟

طيب فيه جولدن إدتن حلو؟

لأني ما أحب إلا الخيول والسيوف

[سلمان]

اخوي كاسر الالعاب ...

اللعبة موجودة في كل مكااااان ....

[بيولوجي]

هذي من افضل الالعاب الاستراتيجيه وافضل من ريد اليرت2 وهي : sudden strike2
هذي هي شف صوره عنها بس انها لعبه فيها صعوبه

[Kasser]

خلاص شباب ...


أمس ( يوم السبت ) رحت البحرين وبالتحديد تويز آر أص عشان أودي أخوي الضغير يشوف له لعبة وشفت ألعاب كمبيوتر واجد ولقيت MAX PAYNA وقلت لنفسي : فرصة !

و طالعت السسعر ولقيته ( 195 ) ريال !! سعر نار وماشريته

وبعدها طلت من السيف بكبره ورحت ( جيان ) ولقيت محل للكمبيوتر وشفت ألعاب واجد بعد وماكس بيني من ضمنهم فشريت ماكس بيني بسعر ( 160 ) ريال :واو: ( هذي ثاني وآخر مرة أدفع سعر هالكبر )

واليوم ( الأحد ) خلصت ثلاث أرباع اللعبة بدون مساعدة وأدمنتها وعجبتني واجد ملت كل أوقات فراغي وأكثر ...

استعدوا اليوم تكسير ( أي إنهاء ) ماكس بيني في الليل ":"

بصراحة ماكس بيني حلوة ومشكورين على اللي ردوا حق لا أرمي كل فلوسي

[Liquid Snake]

بسم الله الرحمن الرحيم

ابصراحة الاخوان اسبقوني عن لعبة ماك باين انا امس شفتها لقناة جيم نيتورك وتذكرتها لاني شفتها يمكن قبل سنه وابصراحة اعجبتني وايد وايد بس ما كنت اعرف اسمها فنسيتها ،،،، ومثل ما لت امس شفتها بالقنات وردين اًعجبت فيها اكثر ولمة شفت كلام الاخوان ازداد شوقي لها

واصواتها جداً رائعة ورسومات جميلة جداً ،، وفيها لقطات حلوة اثناء اللعب، مثلا لو شايف فلم ذ ماتركس او افلام الاكشن لمة البطل ينط على يمينه ويبطئون الكامرة ويرمي على هدفة
وما لمه تلعب راح تلاقي .......................... ما تيجو انشوف



هصورة مثل ما قلتلك تأثيرات الافلام





ومثل ما قلتلك شوف الرسومات اشلون حلوة وواضحة بس اعتقد لازم يبيلها جهاز يكون قوي شوي ورامات

واستغربت من احد الاخوة يقول ان هللعبة احلى من ريد الارت فحبيت احط صور عنها لان انا بعد ابي اشوف اشلون صايرة
[size=4]Sudden Strike[size/]


مممممممممممممممممممممممم رسمومات دقيقة



الرسوم شكلها حلوة وعالية الدقة ،،،، بس المشكلة ناقص نعرف اسلوب اللعب هل يشابة ريد الارت؟ يعني جمع المال والقوات غير محدودة يعني احط القوات الي ابيها على كيفي مو مثل ايج اوف امباير حد الاعب 200 مقاتل وعامل واغلب اللاعبين قادرين يلعبون بهلعدد ويفوزون ويوصلون بس انا ما احب جذي يعني هجومي ما يكون ساحق

واذا تبي تشوف صور اكثر عن الالعاب الي حطوها الاخوان فمالك الا هلموقع ign.com

يالله في امان الله

[Kasser]

خلاص لكويد سنيك شريت اللعبة

وهي بس أكشن مافيها تخطيط وفي نفس الوقت فيها ذكاء في المهاجمة و كيف الخروج من المكان الذي أنت فيه

ورسوماتها حلوة واجد

وشفت فلم ماتركس وهو يشبهه

وأحلى مافيه التصوير البطئ والحين لو يطبون علي أكثر من خمس وكلهم ببنادق قوية أقتلهم كلهم بدون مايضربوني وكله من التصوير البطئ لأنه يساعد على التصويب ...

بصراحة هذي ثاني و آخر مرة أحذف فلوسي على لعبة أكثر من 100 ريال