بغيت أشتري X360 لكن من السعودية

[المبرمج الصغير]

السلام عليكمـ

انا ان شاء الله بعد الإمتحانات بروح العمرة والمدينة ،، وانا باخذ لي x360 لكن السعر عندنا صدمنى 220 دينار (2200 ريال ) " مع المودجيب / ريجون 3 / ntsc-j" .. وقلت أكيــد بحصل هالمواصفات في السعودية أرخص ..
فحبيت قبل ما أشتريها من السعودية أسألكم :

*تنصحوني أخذ أي جهاز امريكي أو أوربي أو ياباني ؟؟
* كم سعر الـX360 " ntsc-j / Region 3 / modchip " ؟؟
* وين أحسن مكان أقدر أشتريها في مكة و المدينة ؟؟
* جم سعر الألعاب الكوبي الموجودة عندكم ؟؟

[x360x]

تنصحوني أخذ أي جهاز امريكي أو أوربي أو ياباني ؟؟

امريكي لأن اكثر الالعاب تنزل له..

كم سعر الـX360 " ntsc-j / Region 3 / modchip

ماعندي فكرة بالتحديد ، لكن اسعار المودشيب بشكل عام مابين ال300 -250 ريال.

وين أحسن مكان أقدر أشتريها في مكة و المدينة ؟؟

ما أعرف ،،لكن عندك جدة فيه محل مشهور عندهم اسمه قيم تراك،، عند سوق حراء الدولي..

جم سعر الألعاب الكوبي الموجودة عندكم ؟؟

35-40،، اذا تبي نصيحتي اذا انت تبي تلعب اونلاين خليك على الاصلي وريح بالك لأن اذا
اخذت كوبي وعرفت مايكروسوف بتبند جهازك ،، قبل فتره قصيرة في مجموعة من الشباب تبندت اجهزتهم ،،
ويالله مبروك مقدما،،،

[caveat]

وعليكم السلام ورحمة الله وبركاته :

أخي الكريم : المبرمج الصغير ...

في البداية مبارك عليك الجهاز مقدماً وإن شاء الله يعطيك خيره ويكفيك شره ...

خيارك بشراء ال XBOX360 كبداية دخول للجيل الحالي موفق أن شاء الله ..."وهو نفس خياري"

أنا من الرياض لذا جوابي سيكون على قدر ما أعرف...

إذا كنت لا يهمك اللعب بالايف "أونلاين" خذ لك جهاز ياباني NTSC\J , ريجون 3 , وبسعر لا يتعدى ال 1450 \1400 ريال بالكثير"بل يمكن حتى 1350 ريال" ويكون الجهاز إنتاجه لا يقل عن هذا التاريخ 29\11\2006 ...
"أنصحك بشراء الجهاز الي يشتغل على 220 فولت"

أما إذا تبي تلعب لايف ويهمك كثيراً عندها خذ لك جهاز أمريكي النظام ويشغل أصلي بس "بس عشان يرتاح بالك من موضوع الكوبي منع سماح منع سماح ...إلخ... بس ترا من الممكن أن يتم تجاوز هذه المشكلة عاجلاً أم أجلاً بل أن البعض متأكد من ذلك"

ملاحظة : كل ما سبق ينطبق فقط على الجهاز المعدل بالبرنامج لتشغيل الكوبي "ليس مود شيب ,,,قطعة تركب بالجهاز,,,"...وأيضاً الجهاز هو من نوع بريميوم "أبيض مع هارد ديسك ويد لاسلكية"

وما أنصحك على الأطلاق بشراء الجهاز "elite" الأسود للسعر المرتفع مقارنة بالأبيض ...

وبالنسبة لسعر الألعاب الكوبي لا تزيد عن 30 ريال ...وممكن تحصلها 25 ريال ...

على فكرة هذه الأسعار تنطبق فقط في الرياض وليس بالضرورة في مكان أخر...

وشكراً ...وفي أمان الله...

[solid619]

في المدينه في جيم ماستر
اما من مكه لا تشتري إذا تقدر تروح جده احسن لك في جيم تراك و جيم ماستر و جيم إكس

[المبرمج الصغير]

مشكورين ع المرور وما قصرتوا ..

[المبرمج الصغير]

بس حبيت أستفسر بعد عن سعر الــXbob360 NTSC-J النظام الياباني كم سعره ؟؟ مع المودجيب أو بدون المودجيب ؟؟

[haseo]

أنصحك بدل كل هالاسئلة تشتريه من الوكيل الرسمي اللي بيكون قريبا بالسعودية

لان الجهاز فيه مشكلة الثلاث لمبات الحمرا اللي تقتل الجهاز ×_×

انتظر علشان تشتريه بدون ما يخرب عليك بدون سبب

[EBRAHIMINHO]

اخوي في اي شهر بيكون التوكيل في السعودية

[ramizak]

السعر الرسمي في الكويت نفس السعودية

الصدور في الكويت غير مؤكد بس اغلب الظن اخر يونيو

الكفالة في الخليج مشتركة يعني اللي تشتريه في الكويت مضون في السعودية. طبعا الكلام عن الرسمي بال

بالتوفيق

[ramizak]

الموعد الرسمي 8 يونيو