Otogizoushi (تقرير)

[sensei]

السلام عليكم ورحمة الله

مرت فترة طويلة وما سويت تقرير... فقلت بسوي تقرير سريع لأن عندي امتحانات وما أقدر أطول وايد عالكمبيوتر
هالانيمي حلو وايد وعاجبني حده وكنت بسوي له تقرير من العام "بس تكيسلت >.<"
أخليكم مع التقرير...

اسم المسلسل: Otogizoushi<<< بس ما أعرف معناه
سنة الانتاج: 2004
تبع ستوديو: Production I.G
عدد الحلقات: 26

راح أجزء التقرير نصفين...

أولا.. من حلقة 1 إلى حلقة 13
التصنيف: تاريخي، ساموراي، دراما، مغامرة
القصة:
وحدة اسمها هيكارو طرشها الامبراطور من العاصمة تدور عن أحجار لها قوة خارقة على أن هالاحجار راح تسوي الأمان وتحل مشكلة الحروب... اصلا اخوها رايكو هو اللي لازم يطرشونه لأنه هو الرجال بس اخوها مريض فسوت نفسها صبي وأخذت مكانه واسمه علشان تساعده لأن هالأحجار ممكن تساعده بعد وترجع له صحته... وهي تتنقل من مكان لين مكان ومعاها حارسها الشخصي تسونا وهو الوحيد اللي يعرف أنها بنت... وهم في رحلتهم راح يتعرفون على ناس بساعدونهم وبيترحلون معاهم ويسوون قروب...

الحلقات

1
Raikou


2
Sadamitsu


3
Tsuchigumo


4
Rashou gate


5
Urabe


6
Noroi-Gima


7
Mansairaku


8
Red Demon


9
Darkness


10
Shuten


11
Relationship of Enmity


12
Seimei


13

Hikaru



يتبع...

[sensei]

ثانيا... من حلقة 14 إلى حلقة 26
التصنيف: غموض، خيالي، وفيه شوي كوميديا
القصة:
نفسها هيكارو بس هني بقصة غير... رايكو اخو هيكارو مفقود وهي تدور عنه... وهالفترة هي عايشة مع صديق اخوها تسونا في البيت "وذالها مذلة على كل شي" وفجأة قامت تصير لها أشياء غريبة وتشوف أشياء ما يشوفونها الناس ولا يحسون فيها



الحلقات

14
Shibuya


15
Shinjuku


16
Shiba Park


17
Kourakuen


18
Ueno


19
Shibuya


20
Azabu


21
Ikebukuro


22
Ookubo


23
Marunouchi


24
Manseibashi


25
Kimon


26
The Capital



يتبع...

[sensei]

الشخصيات...


هيكارو ميناموتو
من 1-13
لها شخصية باردة وجدية... نادر ما تبتسم وكل حاسة بحزن علشان أخوها المريض وبعدها زاد حزنها لأن رايكو مات... تحب تعزف بالمزمار... تعرفت على واحد اسمه مانسايراكو وحبته بس أغلب لقائاتها معاه كانت بالصدفة وهو دايما يساعدها لما تطيح في مصايب حتى كان أول لقاء بينهم يوم أنقذها
من 14-26
بنية لسانها متبري منها... دايما تتهاوش مع تسونا على أتفه الأسباب... تلبس سلسلة على شكل كرستالة حمرة ما تفارق رقبتها لأنها هدية من أخوها الضايع وهي تدور عنه مع تسونا على أمل أنها تلقاه... قابلت واحد اسمه مانسايراكو وكان يعرف اسمها بس هي ما تعرفه... كان فيه غموض ويطلع لها فجأة وبعدها يختفي!! وهو تقريبا سبب كل الأوهام والأشياء الغريبة اللي تشوفها


تسونا واتانابي
من 1-13
الحارس الشخصي لهيكارو وهمه الوحيد ان يحرسها فما يخلي أحد يجيسها... يحترمها احترام وكأنها أمه "ويمكن أكثر"... دايما جدي وتحسه جامد وماله مشاعر كأنه روبوت بس في الفترة الأخيرة بدا يحب رفيجتهم أورابي "مب من شي... من تلصقها فيه"... وهو عنده عين مبطوطة ما يشوف فيها
من 14-26
عصبي ومزعج وما عنده إلا يصارخ... دايما يتخانق مع هيكارو بس لمصلحتها "لأنها خريشة شوي" وهي أمانة عنده من رفيجه رايكو "أخوها" فلازم يحاتيها ويحميها بس هي ما تسمع الكلام


مانسايراكو
من 1-13
عنده مهارة في الرقص "هذا الرقص الياباني البارد مع المهفة" ودايما وحيد وما يقعد مع الناس بس لما تعرف على هيكارو تعود عليها بسرعة وكان يحب اللحن اللي تعزفه... وحبها "ما ادري صج حبها والا بس يستدرجها!!"
من 14-26
شخصية غامضة ويطلع فجأة في طريج هيكارو وكأنه يبي يفسر لها شي بس دايما تسونا يدخل في نقاشهم عرض فما يخليه يسوي عملته السودة... محد يعرف عنه شي ولا يعرفون من هو وايش يبي من هيكارو


ساداميتسو أوسوي
من 1-13
ساموراي يستخدم سيفين في القتال... سببه الرئيسي في الهواش هو الدفاع عن الحريم المساكين "وهو همه المغازل"... صج أنه يبط الجبد مرات بس له شخصية مرحة وحلوة ووايد ينكت فيعطي قروبهم جو حلو "وخاصة لما ينكت على تسونا... ذاك بارد وما عنده دم" يحب يقط نغزات وينرفز تسونا ودايما يتهاوش معاه
من 114-26
العلاقة بينه وبين تسونا ما تغيرت... دايما خناق بالكلام... ونفس الشي اهتمامه للحريم والمغازل ما تغير فيه شي... يحب الملاكمة وهو يلاكم... وأبوه كان ملاكم من قبل


كينتارو
من 1-13
ولد ماله أهل وعايش في الغابة بروحه "حركاته كأنه حيوان" بس حجمه ما يوحي بخطورته فهو خطير في الهواش ويقدر يشيل واحد وزنه عشرة أضعاف وزنه "يعني الولد مش طبيعي... سوبر هيرو" بس غبائه وكلامه المسبه يطلع طفولته... يحب ياكل وما يخلي للقروب أكل "مساكين"
من 14-26
طفولي أكثر من اللازم وبريء... شخصيته هني أحلى من قبل... يربيه ساداميتسو ومعيشه معاه... أغلب أوقاته يكون مع ساداميتسو "مثل قبل" حتى أن في حلقة من الحلقات فكر يتعلم الملاكمة


أورابي
من 1-13
حرمة حكيمة وذكية وفطينة وساعدت القروب وايد في القتال... فهي تعرف تسوي سموم ومتفجرات فكانت هي سبب نجاح كل هوشة يدخلونها... شخصيتها شوي كريهة بس ماشي حالها... تحب تسونا ودايما تستدرجه "ما ادري بالضبط وشو قصتها"
من 14-26
عرّافة!! <<من كيميائية لعرافة -_-"... نفس الشي شخصيتها ما تغيرت... البرود اللي فيها وطريقة كلامها "تسوي نفسها حرمة من مجتمع راقي" مرات تقرا لربعها المستقبل وتساعدهم



آخر شي تقييمي على الأنيمي
القصة أقدر أعطيكم اياها 10/10 لأنها وايد عاجبتني وهالانيمي من أحلى الأنيميات اللي شفتها
النهاية بعد كانت حلوة 10/10
اما الرسم فهو ما يثبت على رسم واحد ومرات يكون الرسم خايس فأعطيه 7/10
بس رسم الخلفيات أحلى رسم للخلفيات شفته في حياتي أعطيه 10/10
وانتهى التقرير... ما حبيت احط اشياء ما لها داعي وتفاصيل أكثر عن الأنيمي فحلو يكون مشوق ^_^
ان شاء الله عجبكم

[Snake-87]

شكل القصة حلوة .. والرسم كذلك ...
حسمتني .. ماشفت شي قديم وساموراي بعد كينشين ^^
بخليه حق العطلة الجاية ^^
الله يعطيك العافية
وتسلم على التقرير الحلو وأدري أكثر شي تعبت فيه اهو الـgifs ^^"
بس عندي سؤال .. الإنمي إنتهى ؟ وإلا له تكملة بالمانجا؟

[sensei]

شكل القصة حلوة .. والرسم كذلك ...
حسمتني .. ماشفت شي قديم وساموراي بعد كينشين ^^
بخليه حق العطلة الجاية ^^
الله يعطيك العافية
وتسلم على التقرير الحلو وأدري أكثر شي تعبت فيه اهو الـgifs ^^"
بس عندي سؤال .. الإنمي إنتهى ؟ وإلا له تكملة بالمانجا؟

قريت التقرير ما اظن -_-"
بس حلو.. تقدر تشوفه ومتأكدة أنه بيعجبك ^_^
بس هو مو بالكامل ساموراي لو لاحظت
وشكرا على مرورك ولأنك أول واحد ترد ^_^

[Snake-87]

قريت التقرير ما اظن -_-"

قريت القصة (اهم شي بالنسبة لي)
وشفت كم شخصية
ما احب احرق على نفسي اي شي إذا بشوف الانيمي ^^"
العفو
وماجاوبتني على سؤالي .. هل له تكملة بالمانجا ؟

[Dio-Sama]

السلام عليكم

هممم, اوتوجوشي . . .أذكر اني جفت خمس حلقات منه بس وقفت لانه الرسم متذبذب جدا, and i was fooled بالop song مالته لانها كانت واو رسما و لحنا على عكس رسم المسلسل نفسه (و اقصد الرسم) طبعا وقفت لانه كان عندي شي افظل اجوفه.
القصة زينة و نفس الشي بالنسبة للالحان بس استغربت من شي واحد, الخلفيات, هي اسوء ما في الموضوع!! و استغربت لما قلتو انه الخلفيات حلوة!! الشخصيات رسمها جيد (او بالنسبة لي great) اما الخلفيات فغالبا ما يبين انها skitch. ما ادري, هل سووا هذي الحركة عشان يبين كأنه قصة, او يعيشونا جو الhistorical settings. ماعرف؟+الالوان باهته في بعض الاحيان و يبين كانه مرسومة بألوان مائية, على عكس الop song اللي الالوان فيها rich و تشبه رسم واستايل hell girl.


شكرا على التقرير و لي رجعة اول ما اكمله.

[THE FANTOM]

السلام ...
Otogizoushi
أتذكر أني شاهدت الحلقة الأولى له من زمااااااااااااااااااااااان ..
وكان رسمه مره حلوو ومره كووول .. ومدري أحس خشة الكمبيوووتر قوية فيه وماعجبتني ..
هالأنيمي ماأقدر أعطي حكم فيه لأني ماشاهدت سوى الحلقة الأولى كما قلت ..
في أحتمالية أكمله في الصيف في أوقااات الفراغ الغير طبيعي وهذا شيء نادر ! >>>>>>> تحطيييم ~
والله قلت هالكلام لأني ماأبغى أنصب وأقول راح أشوفه قريب ...
على العموم مشكوره على التقرير المرتب ..

[sensei]

fist I wanna say... SORRY
I don't know wt happend 2 my pc so I'm using my Laptop know and there is no arabic ^.^"

قريت القصة (اهم شي بالنسبة لي)
وشفت كم شخصية
ما احب احرق على نفسي اي شي إذا بشوف الانيمي ^^"

yeah like me ^_^ I don't like to know everything 4b I watch it

وماجاوبتني على سؤالي .. هل له تكملة بالمانجا ؟

no i'ts finished and there is no manga

السلام عليكم

wa3alaikom alsalam

هممم, اوتوجوشي . . .أذكر اني جفت خمس حلقات منه بس وقفت لانه الرسم متذبذب جدا, and i was fooled بالop song مالته لانها كانت واو رسما و لحنا على عكس رسم المسلسل نفسه (و اقصد الرسم) طبعا وقفت لانه كان عندي شي افظل اجوفه.

can u tell me with series u watched better than this ^_^ please I wanna watch it too

القصة زينة و نفس الشي بالنسبة للالحان بس استغربت من شي واحد, الخلفيات, هي اسوء ما في الموضوع!! و استغربت لما قلتو انه الخلفيات حلوة!!

Noooo it's amazing... i like it really but

الشخصيات رسمها جيد (او بالنسبة لي great) اما الخلفيات فغالبا ما يبين انها skitch. ما ادري, هل سووا هذي الحركة عشان يبين كأنه قصة, او يعيشونا جو الhistorical settings.

maybe u r right in this because the way they draw the backs in the second part (from ep 13 to 26) had changed
I loved the previos on ^_^

ماعرف؟+الالوان باهته في بعض الاحيان و يبين كانه مرسومة بألوان مائية, على عكس الop song اللي الالوان فيها rich و تشبه رسم واستايل hell girl.

maybe because the are in the forest where there is no light
but f u c the pic I had put the colors not that bad

شكرا على التقرير و لي رجعة اول ما اكمله.

u r welcome any time and I'm waiting 4 ur back

السلام ...

wa3alaikom alsalam

ومدري أحس خشة الكمبيوووتر قوية فيه وماعجبتني ..

??what does that mean

هالأنيمي ماأقدر أعطي حكم فيه لأني ماشاهدت سوى الحلقة الأولى كما قلت ..
في أحتمالية أكمله في الصيف في أوقااات الفراغ الغير طبيعي وهذا شيء نادر ! >>>>>>> تحطيييم ~
والله قلت هالكلام لأني ماأبغى أنصب وأقول راح أشوفه قريب ...

but it's great... maybe the first episods is really cold and make u feel sleepy but then the story will change
as u like f u don't wanna watch it I just want to tell u that the anime ian't that bad
^_^

على العموم مشكوره على التقرير المرتب ..

welcome

and thank u all 4 ur replies
bye

[kuru-neko]

مشكورة سينس على التقرير

بس أنا حاليا مالي نفس لسوالف الساموراي (كلايمور وما يسوي بالواحد)

ان شاء الله لمن أشتهي أنيمي من هذا النوع بحمله وبعطيج رايي فيه

[sensei]

مشكورة سينس على التقرير

بس أنا حاليا مالي نفس لسوالف الساموراي (كلايمور وما يسوي بالواحد)

ان شاء الله لمن أشتهي أنيمي من هذا النوع بحمله وبعطيج رايي فيه

العفو بس... الانيمي مب بس ساموراي؟؟؟ هاي نص المسلسل بس ^___^
المهم... as you like
وشكرا عالمرور
سلام

[Angel- lady]

السلام عليكم ، اشلونج سينسي ^^

اممم .. أعتقد هذي أول مرة يمر علي انمي بهذي الطريقه ، القصتين شكلهم حلوين

بجربه إن شالله

مشكورة و يعطيج العافيه على التقرير ^^

[sensei]

السلام عليكم

وعليكم السلام ورحمة الله وبركاته

اشلونج سينسي ^^

الحمد لله بخير ^____^ وانتي؟

اممم .. أعتقد هذي أول مرة يمر علي انمي بهذي الطريقه

حتى آنه... يعني ما شفت أنيمي جذي من قبل... هاي الوحيد

القصتين شكلهم حلوين

Yep... ^^... بس آنه حبيت الثانية أكثر بعكس اختي حبت الأول أكثر... الجزء الأول من اهتمامات الكبار والثاني يناسب المراهقين اكثر... بس في النهاية راح تكتشفون ان الجزئين لهم علاقة ببعض يعني هو مسلسل واحد بالأخير

بجربه إن شالله

أوكي... Have fun

مشكورة

العفو ^_^

و يعطيج العافيه على التقرير ^^

الله يعافيج حبيبتي... ومشكورة على مرورج
موفقة
سلام