مضاربات باص المدرسه
كل يوم نروح مع السواق المدرسه في انيسه بيضه انا وبنات من مدرستي ومن مدرسه ثانيه عاد مسوين حزبين مدرستي والمدرسه الثانيه كل يوم مضاربات يوم وحده تفتح الطاقه من مدرستنا تجي بنت من المدرسه الثانيه وتقفلها حتى لو هي حرانه عناد اما في الصبح فترةالادب
الجنان
( ابو عبد الله ) السواق والله احزني حلقه انبح وهو يقول صلو على النبي يا بنات
(( صلى الله عليه وسلم )) ... طبعا يوم نضارب مع بنات المدرسه الثانيه يقعد يفرع بيننا ونحن ما نعطيه وجه طبعا مو انا البنات الثانين وهووالله مو مقصر معانا في الصبح يشتريلنا تميسه على حسابه وفي الظهر يشتريلنا ايس كريم كمان على حسابه يعني باختصار مدلعنا , حصل موقف قريب طلعنا من المدرسه مع السواق في الظهرعشان يرجعنا على بيوتنا ومرعلى المدرسه الثانيه عشان ياخذهم معانا ويوصلهم قمنا ما شاء الله عندنا حب استطلاع نزلو بنات من مدرستنا اتفرجوا على مدرسة الناس واتريقوا على العالم وعلى مدرستهم ويوم رجعوا وطلعو الباص لقيوا بنات المدرسه الثانيه جالسين في محلاتهم وهم ما لهم محل الا المقعده الاخيره قاموا
يقولوا : قومو عن محلاتنا ؟
والا بنات المدرسه الثانيه يحلفوا يمين : والله ما نقوم . بنات ابوكم قومونا .
بنات مدرستنا : اقول قومي انت وياها ولا والله شنطكم تلاقوها في اقرب زباله ؟
بنات المدرسه الثانيه : هذا اذا قدرتوا تاخذوها .
بنات مدرستنا : ترى والله نجلس فوقكم .
السواق : يا بنات استهدوا بالله المقعده اللي وره فاضيه يعني انا اجي ارتبكم .
بنات مدرستنا : يعني ايش نسويلك يا ابو عبدالله انت السبب المفروض تجيب لنا باص دورين .
واستمرت المضارباتطاخ ... طيخ
وبعد ما تنازلوا ركبنا وطول الخط ما خلينا شيء ولا انسان الا اتكلمنا عليه في الشارع اللي انزلوا فيه بنات المدرسه الثانيه الله يسامحنا بس يعني شوفنا عامود لمبه قالت وحده : شوفو شوفو برج ايفل برج ايفل . والثانيه : يا الله ايش هذي الكتمه يا ابو عبد الله معليش بكشف وجهي مره مره مكتومه ايش دا القرف ايش دي الريحه يا الله . ووحده ثالثه شافت حديقه كبييييييييييييييييره في الشارع حقهم ووسطها زباله قالت : هذي الحديقه حطوا فيها لمبات ومراجيح وشبك وباقي كبيره ما عرفوا كيف اصغروها قاموا من ذكائهم حطوا وسطها زباله .. وقعدنا نضحك وكل وحده تقول هرجه ونضحك .
طبعا انا فرحااااا
اانه لفوز مدرستي بالمركز الاول في مضاربات باص المدرسه أرجو الرد لأضيف الجزء 2 من مضاربات باص المدرسه .
<<< سياريه على وزن سياره >> بتكحلها عمتها 
على 7000363