اصابه كره القدم ارجو المساعده من كل من عاني او له خبره

[ecw]

ياشباب انا قدر الله علي
وجاني قطع في الرباط الصليبي لرجلي اليسار
والحمد الله سويت العمليه عند الدكتور خالد النعمان
والحمد الله الان صارلي خمس شهور ونصف وانا سويت علاج طبيعي
الحمد الله الان رجلي مثل الطبيعيه الا تكه
انصحوني الان بعد خمس شهور ونصف وش اسوي
هل العب كوره عادي
او هل هناك نصائح
في مشكله عندي انه الركبه احيانا تطقطق
فما ادري انا مشتاق للكوره
وش اسوي
اي واحد عنده معلومه لايبخل علينا
وباش تنصحونا

[anelka]

احسن شي اسأل دكتورك .. تراه دكتور نواف التمياط بعد

[VaSh ThE sTaMpEdE]

السلام عليكم
حياك الله ecw في قسم الGYM . ولكن مشكلتك ليس لها حل هنا ، أنصحك بطرح الموضوع في قسم الطب والصحة . وزي ما قال الأخ anelka اسئل الدكتور .

سلام

[القــعـقـاع]

اخوي توك على الكورة...

لازم توصل للمرحلة اللي تقدر تدور فيها على رجلك المصابة من دون مشاكل و انت تقول ما لك الا 5 شهور و نص فاعتقد انك لسى طالع من المرحلة اللي لازم تسكر فيها رجلك للاخير..والا؟

و مثل ما قالوا الاخوان...عندك الدكتور و عندك اخصائي العلاج الطبيعي..اسألهم

[adelpt]

بسم الله الرحمن الرحيم




مرضى الرباط الصليبي Anterior cruciate ligament بعد عملية اعادة الرباط
ACL Reconstruction مشكلتهم اول مايسألونا

يادكتور هل نقدر نلعب بعد الاصابه؟؟
متى نقدر نلعب ؟؟؟
طيب لو العب الحين هل فيه ضرر ؟؟

اممممممممممممممممممممم

بس ينسون اهم سؤال والي هو ...

هل اقدر امشي صح ( بدون ) عرج بدون مشاكل في المشي

لان المريض بعد العملية يكون خايف ان العملية تفشل
او ان الرباط ينقطع <<< وياكثر مايقولونها :>

اخوي الكريم

( انا ودي اسألك ) كيف المشي عندك هل هو طبيعي مثل اول ؟؟
هل مافيه اي عرج ؟؟
طيب كيف عضلاتك .... هل تقدر تساعدك على المشي او الجري الخفيف ؟؟؟
كم درجة الثني والمد عندك ؟؟
هل فيه انتفاخات حول الركبة ؟؟
هل فيه احمرار حول الركبة ؟؟
هل فيه الالم امام الركبة ؟؟
هل تقدر تثني رجليك مثل جلسة التشهد الاخير بدون الالم ؟؟

وياليت تعطيني programm الي تسويه مع الاخصائي وانا اقولك على كل شي ان شاء الله

تحياتي للجميع
اخوكم
عادل

[ecw]

يعطيكم الف عافيه لكل من رد
واخوي هذي الاجوبه واتمنى تفيدني
كيف المشي عندك هل هو طبيعي مثل اول ؟؟
المشي تقريبا طبيعي لا يوجد الم لاكن احيانا ونادرا احس بشد خلف الركبه اذا كنت مسوي مجهود قوي في السابق

هل مافيه اي عرج ؟؟
مافي اي عرج تقريبا

طيب كيف عضلاتك .... هل تقدر تساعدك على المشي او الجري الخفيف ؟؟؟
الحمد الله الان اقدر اجري في السير وعلى سرعه 7.00 لمده 10 دقايق متواصله دون انقطاع واقدر اكمل لو ابي بس ماجربت

كم درجة الثني والمد عندك ؟؟
تقريبا اقدر اثنيها وامدها كالرجل العاديه

هل فيه انتفاخات حول الركبة ؟؟
في السابق كان في انتفاخ في يسار الصابونه لاكنه خف الان والان موجود الان بس بشكل قليل

هل فيه احمرار حول الركبة ؟؟
مافي احمرار عادي

هل فيه الالم امام الركبة ؟؟
امام الركبه لايوجد الم لاكن احيانا يكون في الم وهو شد خلف الركبه اذا كنت مسوي مجهود طويل وقوي لاكن يروح مع الراحه

هل تقدر تثني رجليك مثل جلسة التشهد الاخير بدون الالم ؟؟
اقدر اثنيها واقعد لاكن في الم لاكن اقدر اقعد بمساعده يدي واحيانا العضلات تساعدني عالجلوس لاكن في الم بش اقدر اقعد \
طبعا البرنامج
سويت حوالي شهور
موازنه وبني عضلات وتمارين حوالي مده ساعتين ونصف لمده يومين في الاسبوع
وبعدها اتجهت للجيم وصرت اسوي تمارين بنفسي الا وهي
سيكل لمده 10 دقايق
ثم جري لمده ربع ساعه
ثم تمرين للفخذ رفع وتمرين للفخذ لاسفل العضلات وتمارين للركبه وبس
والان مستمر عليها بدون اخصائي
لانه الاخصائي بعد الاربع شهور قالي تقدر تروح تلعب كوره على خفيف ومايحتاج تكمل عندنا
اتمنى افادتي ووفقك الله اخوي