"بسم الله الرحمن الرحيم"
سلامو عليكم
صبحكم الله بالخير جميع
هذي قصيدهـ كتبتها قبل يومين واليوم ضبطتها شوي وادري بتطلع فيها أخطاء كالعادهـ ^^
انا كنت اعرف واحد كان فيهـ القلب ... و توفى الله يرحمه ويغمد روحه الجنه
هذا كان وياي من الإبتدائيهـ لي آخر المتوسطهـ .... يعني اول ما وعيت عالدنيا وانا اعرفهـ
مابي اكثر عليكم بالكلام عشام ما تملون ...
القصيدهـ بعنوان : جاني خبر موتهـ
جاني خبر موتهـ والناس يبكون --- وبدا دمع عيني على الخد ينتثر
قالوا ترا سعود مات وهو محضون --- وهو بين يدين ابوهـ الشايب يحتضر
سال دمعي واصبح القلب مسجون --- بسجن الحزن والكآبهـ والقهر
حالف منساهـ لو الناس ينسون --- لو عشت انا يوم او عشت دهر
صرت بالمدرسهـ وحدي والناس يلهون --- وماعندي غير كرسيّهـ المنكسر
ماجيت العزا ولا جيت يومهم يدفنون --- اخاف لا شفت الكفن يقصر العمر
سبع سنين .. وشلون ياربي تهون --- وشلون بقضيها من غيرهـ يا بشر
ماغاب عن قلبي ولكن غاب عن العيون --- وعسى الله في غيابهـ يقوي الصبر
كتبت هالأبيات وادري مايساوون --- غلاهـ بقلبي ولو كتبت كثر الشجر
وعساي القى بالدنيا مثلهـ يصون --- وعسى قلبي المكسور بفقدانهـ ينجبر
جعل الي غلط بحقهم يسامحون --- وانا بدعيلهـ إن طال عمري او قصر
يالله يالمعبود ياعالم خفايا الكون --- تثبت عشيري سعود بيوم الحشر
إن شاء الله تعجبكم ^^
شباب الي يبي ينقد ... ياريت يحط مثلاُ البيت الصحيح
عشان اكون فاهم اكثر وين الخطى بالضبط ^^
الله يوفق الجميع
سلام
^ـ^
المشاركة الأصلية كتبت بواسطة العديـم
