هل شركة سيجا باردة الدم؟

[عاشق السيجا]

أنا لست ضد الدريم كاست لأن عندي واحد بس قاهرتني شركة سيجا في موضوع

:غضب: يعني يوم بدت تفشل شركة سيجا ما تحركوا ما سووا شيء كأن اللي فيها عجازين مالهم خلق خذوا رواتبكم واقعدوا في بيوتكم ولا الوسوسة اللي فيها شركة سيجا
يعني ما تنزل اللعبة الا بعد قرون يعني انا معها خايفة من الخسارة أو عندها أسباب ثانية الله اعلم بس كذا نمل والله اشتري اللعبة واقعد شهر ولا شهرين ثمن اشتري الثانية وعاد اشرطتنا كوبي يعني ممكن كل أسبوعين نبغى شريط

وأيضا من هبالة شركة سيجا أنهم لتفادي الخسارة سووا ألعاب لشركات أخرى مثل السوني والجيم بوي أدفانس عطوني أرائكم في سيجا بس من دون زعل أو سب أو شتم وشكرا ...":"

[arar]

انا بصراحه ماخذ موقف من شركة سيقا يعني هي الحين شركة تنتج العاب

وجهازها الي ماله الا3 سنوات ماتنزل عليه العاب الا كل سنه لعبه هذا اذا

ماوقفت انتاجها للدريم كاست . لو تلاحضون ان احسن العاب الدريم كاست

هي من انتاج شركة سيقا مثل (شنمو... سونيك .. كريزي تكسي ..

التنس.. السله .. ) بجميع اجزائها يعني الشركه قادره تنتج العاب ناجحه

طيب ليش ماتنتج اكثر . انا اتوقع انه لو شركة سيقا تنتج لوحدها العاب

على الدريم كاست كان يكفي واتوقع انه راح يستمر الجهاز في المنافسه.

فيه شي ثاني وهو شركة سوني المتقشفه الانتهازيه الحين شركة سيقا نزلت على بلاي ستيشن2 كريزي تكسي وغيره كثير . وشركات اخرى نزلت العاب كانت موجوده على الدريم نزلتها على سوني 2 مثل (ديد اور الايف 2. اير فورس ديلتا. ايتين ويلر. وغيرها من انجح العاب الدريم ) يعني يشوفون الاعاب الي نجحت على الدريم وينزلوها على السوني 2 طيب لييش مايسمحون لبعض العاب السوني 2 تنزل على الدريم ويكون فيه مشاركه بينهم مثلا ليش سوني2 محتكرين ميتال جير ليش مايرضون تنزل نسخه خاصه بالدريم كاست. او على الاقل ليش ماخلو شركة بليم تنزل ميتال جير 1 ليش رفعو عليهم قضيه وخلو الشركه تقفل يعني خايفين في المستقبل ان شركة بليم تنزل العاب البلاي ستيشن 2 على الدريم كاست (وهذا شي انا ماكنت مستبعده لان الدريم قادر على ذالك بس.....) نسو ان شركة سيقا واقفه معهم وتنتج لهم العاب .. انا الي اشوفه واتوقعه ان جهاز الدريم كاست محااارب
ايه محارب من شركة سوني يخافون يتفوق عليهم .. جروا معهم كل شركات الانتاج الي كانت تنتج للدريم كاست.

ولاكن وش نسوي مافي اليد حيله مالنا الا نقول الله يرحمك يا الدريم كاست . قتلوك شر قتله. قتلوك وانت في مهدك كان الله في عونك..!!

المهم انا متوقع ان دور بلاي ستيشن 2 جاي وراح تتحطم شركة سوني
والي بيحطمها شركة مكروسفت لان المنتجين راحو ينتجون العاب على جهاو الاكس بوكس تحطم العاب سوني تحطيم ولا تقولوا اتحداك لان الايام راح تبين تفوق الاكس بوكس على البلاي ستيشن2
وانا بصراحه اعتبر الاكس بوكس امتداد للدريم كاست او نقول ان روح الدريم كاست طلعت من جديد بشكل جديد في جهاز الكس بوكس ..

وسلامتكم .واعذروني على الاطاله.

[عاشق السيجا]

أيه والله صادق ما يندرى يمكن شينمو2 ينزل على السوني2 المهم سيجا دايما موسوسة عشان كذا ما يبغون يسوون زي السوني كل شوي لعبة يبغون يزودون الوقت عشان ينزلون ألعاب قوية تنجح في مدة طويلة وفي هذي المدة يسوون لعبة ثانية بس وشلون ينزلون ألعاب يبغونها تنجح خمس سنين عشان يطلعون بعدها شينمو2 وبعدين ترا سيجا محتكرة الأسواق في الأركيد يعني لما تروح الملاهي تلقى ألعاب الأركيد أغلبية شركاتها سيجا بس صعبة أشتريلي واحد ب36000 وأحطه في البيت هذا مو نجاح ولو سيجا تشيل من راسها فكرة الأركيد ويخلون الألعاب المنزلية كان نجحوا وافتكينا وشكرا ...:غضب:

[ryu_ken]

مع احترامي لرايك يا اخ عاشق السيجا اعتقد انه اي شركة في الدنيا ما تبغى الا المكسب المضمون والمنافسة مع البي اس تو والكيوب ابدا مهي مضمونة

نفس الكلام لك يا اخ arar ما فيه شركة العاب تنزل لعبة على جهاز توقف انتاجه كل شركة تبغى تبيع العابها وبس

[FARES360]

ARAR صح لسانه
المهم انا متوقع ان دور بلاي ستيشن 2 جاي وراح تتحطم شركة سوني
والي بيحطمها شركة مكروسفت لان المنتجين راحو ينتجون العاب على جهاو الاكس بوكس تحطم العاب سوني تحطيم ولا تقولوا اتحداك لان الايام راح تبين تفوق الاكس بوكس على البلاي ستيشن2
وانا بصراحه اعتبر الاكس بوكس امتداد للدريم كاست او نقول ان روح الدريم كاست طلعت من جديد بشكل جديد في جهاز الكس بوكس ..
------
خاصه هذا المقطع":"

[عاشق السيجا]

طيب ممكن شركة سيجا تبقى على جهازها لين لما ينجحون الإسك بوكس والجيم كيوب ويفشل السوني ويغتنمون الفرصة بأنهم يطلعون جهاز أقوى شوي من البلاي ستيشن 2 بس يعتمدون على ألعاب زينة وما يطلعونها بعد بهذلة ويرخصون سعره أول ما ينزل وينزلون أسعار الأشرطة وممكن ينجح لو (شف قلت لو) طلعوا ألعاب زي الناس وشكرا...

[ryu_ken]

واذا نجح الاكس بوكس والبلايستيشن ثبت مركزه في السوق مين اللي بيشتري الدريم؟؟؟؟

رغم اني حزين جدا لايقاف الدريم لكن هذا القرار صحيح 100% لتصحيح خطا سيجا بانزال جهاز ضعيف كهذا امام الوحوش القادمة

[عاشق السيجا]

الصراحة أحب أقولكم بعد هذا كله أن السيجا لو ياخذون صواريخ ويبيعونها في أم الحمام كان يربحون أكثر لأن المواجهة مع الإكس بوكس والسوني 2 صعبة وممكن فكرة ثانية إللي هي ياخذون ملابس وألعاب (مب أشرطة) ألعاب للأطفال ويروحون عند الحرم ويبيعونها أزين برضو وشكرا":"