لا تسأل عن أخباري المهم أنت ؟
مساء الورد لكل الورد
كيفك اليوم وكيف جروحك
بعدك تعاني منها أوأنتهت من حياتك
علمني ترا عيني ماغفت ولا نامت
قبل لا أطمن عليك وأعرف أخبارك
ترا الحكي كثير وحنيني يهزه الشوق
ماأبي تشرح لي الحين عن ظروفك
بس أبيك تقولي كلمة وحده ياحياتي
أبيك تقول أنك بخير وأنك بدون جراح
وبعدها سولف وخلني قريب منك أسمعك
لا تقول شخباري ؟ أنا مو مهم ياقلبي
المهم دامك بخير أنا بخير وهذا هو الأهم
أشكيلي الحين وعلمني كيف الدنيا معك
بس لحظة ؟ وشفيه صوتك ؟
كأني أسمعك وأنت تبكي ودمعتك على خدك
ليه بس دموعك أجل أنت مو بخير
عطني من حزنك وخلني أضيفه على قلبي
يمكن تخف جروحك وأنا مبسوط بجرحي مو مهم
أبيك وأنت تبكي تضحك وتتذكر أحلامك
وتشيل الهم وترميه ورا ظهرك
أبيك بس تحلم بدنيا تشيلك من الحزن
وتغطي راسك بحلم يضيع فيه الحزن
ترا الدنيا من غيرك حزن ومعاك كلها فرح
خلك من جروحك وأفتح ياقلبي صفحة أمل
أنثر فيها حبر الورد وأكتب فيها حب بأحساس
صدقني راح تضيع فيها الجروح وراح تنسى الألم
لكن أنتظر منك وعد ..
أنك تخبرني في يوم أنك .. ( طيب )
وأن الحزن راح من قلبك .. وأنشرح صدرك بالأمل
المهم أنتظر منك الوعد وأنت طيب
المشاركة الأصلية كتبت بواسطة الاميرة
