~ Mario World- Wallpaper ~

[Hinata-sama]

السلام عليكم ^^
شخباركم ؟ ان شاء الله بخير ^_-

من زمان عنكم و عن التصميم و الفوتوشوب..
انقطعت فترة طويلة~ عن التصميم بسبب الدراسة اللي ما تخلص ، و أخيراً رجعت لكم بهذي الخلفية
و تعتبر أول خلفية أصممها ^^

+:+
معلومات التصميم:

العنوان: Mario World
نوع التصميم: خلفية سطح مكتب .
الوقت المستغرق: 4 ساعات تقريباً.
الأدوات المستخدمة: البن تول + أشكال التحديد الأساسية.
الفرش و الصور الخارجية:0

استعنت بهذي الصورة لرسم الشخصية Toad من لعبة Super Mario( أعتقد الأغلبية يعرفونها^^)

و أخذت فكرة البيئة المحيطة بالشخصية من مجموعة صور تخص سلسلة ألعاب ماريو.

+:+

تفضلوا التصميم و ان شاء الله يعجبكم (اضغط على الصورة):~

أترقب ردودكم و انتقاداتكم
وفقكم الله ^.^

[Ahmed Blight]

حجز اول رد
________________


اهلين هيناتا ^^
كيفك ؟

من زمان ما شفنا شيء لك , خلصتي دراسة و لا لا ؟

4 ساعات كثير كم طبقة اخذتي للعمل ؟

شخصية تود طبعا معروفة @@ من ما يعرف سوبر ماريو خخ , يمكن الي ما لعب اجزاء ماريو الي على النتندو ما يعرف الشخصيات الاساسية >> ايش فيك مطولها قول اعرفها و خلاص
تصميم خلاني ابغي العب ماريو بارتي @@

رسم تود حلو مرة بس الفارق طبعا ان تود الاصل يحوي ظل في قبعته خخ (راسه) اما الرسمة بدون ظل ^^"
و اصلا ما اعتقد راح يلبق الظل الا اذا رسمة بالسمدج تول

ارضية التراب الي فوقها اعشاب فيها عيب يعني انا اول ما شفتها حسيت ان الارضية رمل لوحده و الاعشاب جهة ثانية بس بعد تمعن شفت انها ارضية ترابية فوقها عشب , العيب اظن في تظليل العشب على الارض
الجبال حلوة مرة بس لسا مو داخله مع جو الارضية بشكل مناسب
السحابة و السماء نايس ^^

الانبوب الاخضر نايس بس احس تركيب العناصر مو صاير مناسب مرة , لسا احس ان كأن الانبوب ملصوق فوق الارض مو متداخل

>> سوري هيناتا على النقد الكثير @@

الخط مال نتندو مناسب مع تاثيراته
الخط مال ماريو وورلد مناسب لونا و نوعا بس تاثير الستروك مو لابق مرة لسبب لو تلاحظي الحروف في جزء مو ملون فطالع شاذ الستروك (شوفي حرف A كمثال , من تحت مو ملون كامل)

موفقة هيناتا و لا تحرمينا من جديدك
و اعذرينا على النقد الكثير >> ما احب اجامل

بس ككل عملك حلو يعني هذا بشكل عام فهو نايس ^_^

مع السلامة

_________

التعديل الأخير تم بواسطة : Nighty بتاريخ اليوم الساعة 07:50 PM. السبب: >.< !!!!

ضياع اول رد

[Nighty]

السلام عليكم

احلى ولكم باك اختي ^_^

و ربي يوفقج في الدراسة إن شاءالله

الخلفية كيوووووت

حلوه جداً .. بس لو Mario World كانوا اقرب لـ بعض .. كان احسن

على كل التصميم روووعه والله .. و اسمحيلي اخزنها عندي

بالتوفيق اختي ,, و لا تحرمينا من يديدج

Nighty

[Word Life]

أهلين هيناتا ..

ويلكم باك من زمان عنك ^^" ..

عن التصميم ما شاء الله روعه ..

عندي نقد على عدم وجود الظلال ..

و الظل اللي تحت الزرع لو تخلين الـ SIZE = 0 بتطلع فكتورية أكثر و لو تقللين المسافه بعد ..

الباقي حلو ما شاء الله ..

بالتوفيق ..

[Royal Slayer]

السلام عليكم ورحمة الله وبركاته

مرحبا اختى من زمان ما شفناكى ^_^

عودا حميدا

خلفيه مميزه بالرسمه وبالالوان والخطوط ايضا والوان الخطوط ايضا رائعه

يمكن نقدى مثل ما قال اخى وررد لايف على الظلال بالنسبه للشخصيه والعشب

عدا ذلك اراها لوحه مميزه وبداية موفقه لكى فى عالم الخلفيات ^_^

بالتوفيق

دمتم فى حفظ الله ورعايته،،

[KaDuS]

مرحبا هيناتا,..
ابدعتي في محاكاة عالم ماريو البسيط بما فيه من اشكال واشجار,..الخ
ونقدي تقريبا مثل نقد وورلد لايف علي الظلال عالعشب,..
موفقة هيناتا ومنتظرين جديدك وما تقطعي عنا ثانية
بالتووفيق,..

[PROFESSOR . F]

السلام عليكم ورحمة الله وبركاتة


بسم الله ماشاء الله اللهم لا حسد .. كلو عال العال

لكن فيه شيء استغربت طريقة عرضك له وهو اللي أحدث خلل كبير في التصميم ..

الشخصية تحتها أعتقد كالجبال في الطبقة تحت الخضراء ..سويت لها بروز خربت

الشكل في نظري لو تكون كالثنتين اللي تحتها بتطلع أفضل

تقييم عام : 97% \ 100%

أعجبتني دقتك بالرسم موفقة أختي ...

[Mr.MooT]

وااااااااااااااااااااااااااااااااااااااااااااااااااااااااااااو والله شي خطير وااااااااااااااااااااااااااااااااااااااااااااااااااااااااااااااو مبدعه
والله رووعه لكن عندي نقد صغيرووون
اهو لو خليتي من تحت كبوسه ظل كان صار في جماليه اكثر
وماشاء الله جميل

[Hinata-sama]

السلام عليكم

حجز اول رد

هلا بصاحب أول رد! ^^

اهلين هيناتا ^^
كيفك ؟

أهلين أخوي ، أنا بخير الحمد لله ^^

من زمان ما شفنا شيء لك , خلصتي دراسة و لا لا ؟

نوووو ما خلصت ،، حالياً عندي الفصل الصيفي > أعتبره فرصة حلوة للاستمتاع بجو الامارات ~_~

4 ساعات كثير كم طبقة اخذتي للعمل ؟

أدري انها وايد، أنا كنت بطيئة في الرسم لأني انقطعت فترة عن التصميم > متكاسلة تفتح البرنامج و تعد الطبقات

رسم تود حلو مرة بس الفارق طبعا ان تود الاصل يحوي ظل في قبعته خخ (راسه) اما الرسمة بدون ظل ^^"
و اصلا ما اعتقد راح يلبق الظل الا اذا رسمة بالسمدج تول

أنا كنت أريدها طفولية بقدر المستطاع، فاستغنيت عن الظلال

ارضية التراب الي فوقها اعشاب فيها عيب يعني انا اول ما شفتها حسيت ان الارضية رمل لوحده و الاعشاب جهة ثانية بس بعد تمعن شفت انها ارضية ترابية فوقها عشب , العيب اظن في تظليل العشب على الارض

ممممم الأرضية أخذت فكرتها من هذي الصورة:

الجبال حلوة مرة بس لسا مو داخله مع جو الارضية بشكل مناسب
السحابة و السماء نايس ^^

الانبوب الاخضر نايس بس احس تركيب العناصر مو صاير مناسب مرة , لسا احس ان كأن الانبوب ملصوق فوق الارض مو متداخل

الصورة اللي كنت أحاول رسمها هي أن تود يوقف عند حافة ، الانبوب يكون خلفه بمسافة ( عشان جذي أنت حسيته كأنه ملصوق بينما هو يقع على بعد متر تقريباً ) >>>
و الجبال أبعد شي و استخدمت اللون الفاتح لها إشارة لهذا الشيء،،

>> سوري هيناتا على النقد الكثير @@

مب مشكلة ^^ لا يخلو تصميم من العيوب.

الخط مال نتندو مناسب مع تاثيراته
الخط مال ماريو وورلد مناسب لونا و نوعا بس تاثير الستروك مو لابق مرة لسبب لو تلاحظي الحروف في جزء مو ملون فطالع شاذ الستروك (شوفي حرف A كمثال , من تحت مو ملون كامل)

أيوا صحيح،، الخط من الداخل يكون فارغ ( بدون لون) ، فاضطريت اني أحدد الأحرف و أعبيها بأداة ال Fill و الأجزاء الغير ملونه ماقدرت أحددها لأنها متداخلة مع بعضها -.-"

موفقة هيناتا و لا تحرمينا من جديدك
و اعذرينا على النقد الكثير >> ما احب اجامل

الله يوفقك ان شاء الله ،،،،،لا بالعكس أسعدني تواجدك و نقدك
و أنا بعد ما أحب حد يجاملني

مع السلامة

[Hinata-sama]

نايتي:

السلام عليكم

و عليكم السلام و رحمة الله و بركاته

احلى ولكم باك اختي ^_^

تسلم والله ^^

و ربي يوفقج في الدراسة إن شاءالله

جميعاً ان شاء الله ،

الخلفية كيوووووت

من ذوقك يا أخوي ^^

حلوه جداً .. بس لو Mario World كانوا اقرب لـ بعض .. كان احسن

الخط نوعيته جذي بحيث تكون المسافة بين الكلمات كبيرة ^^"

على كل التصميم روووعه والله .. و اسمحيلي اخزنها عندي

شرف لي انه يتواجد في جهازك

بالتوفيق اختي ,, و لا تحرمينا من يديدج

الله يوفق الجميع ان شاء الله
أسعدني تواجدك و ردك.
منتظرين يديدك نايتي^^
و خيرها بغيرها بخصوص أول رد ^^"

~
Word Life

أهلين هيناتا ..

هلا فيك أخوي

ويلكم باك من زمان عنك ^^" ..

شو أسوي أنشغلت بالجامعة ، و ان شاء الله بحاول أعوض في الفترة المقبلة ^^

عن التصميم ما شاء الله روعه ..


عندي نقد على عدم وجود الظلال ..

من ذوقك أخوي،،

بالنسبة للظلال تراجعت عن رسمها عشان تبدو طفولية أكثر ^^"

و الظل اللي تحت الزرع لو تخلين الـ SIZE = 0 بتطلع فكتورية أكثر و لو تقللين المسافه بعد ..

شكرا ً على ملاحظتك و أعتقد أن ملاحظتك في محلها ^^"


شاكرة لك تواجدك أخوي وورد لايف،، و ان شاء الله نشوف جديدك ^^



~

البقية لي عودة للرد عليكم في وقت لاحق ان شاء الله ^^

[Moon Walker]

ماشاء الله تبارك الله



مبدعة جدا ً خخخ ماشاء الله عليك



بس تبغين الصدق


لما شفت الاسم Mario World

و انا كنت قريته بسرعه

توقعت انه هدية لي خخخخ خخخخخ


بس تحطمت لما ركزت أكثر هع



تسلمين يالغالية على الخلفية الجميلة


أخوك في الله : Moon Walker

[Empress uae]

Hinata-sama ؟؟ لا أصدق. ما أدري منو اللي مفروض ما يصدق.


كيف حالج؟ ويلكم باك، أقصد انتي قولي لي ولكم باك.


وااااااااااااو حلوة الصورة، كالعادة ما شاء الله رائعة في التصميم و دقيقة. أكيد في شي مأثر عليج. الشي اللي طرشته حقج وايد مأثر على خيالج و مشاعرج.


Good luck and take care

[FinalFantasy9]

وعليكم السلام ورحمة الله وبركاته ..

كان ودي ارد على الموضوع اول مره دخلته ولكن للاسف بوقتها ماحصلت فرصه ولكن الحمد لله ان الامبراطوره ردت عليه وذكرتني بالموضوع ^_^ ..

تصميم فكرته جميله واختيارج للالوان ممتاز جداً .. طريقة رسم الشخصية مميزة وناعمله بشكل كبير .. الخلفية تنقصها بعض الاهتمام بالتفاصيل او المزيد من العناصر ولكنها كيوت بهذا الشكل ايضاً ولكن الShadow على الجزء الاخضر ماكان مناسب لأسلوب الخلفية .. فأفضل لو كان بأسلوب فكتوري بدل ان يكون بهذا الشكل ..

الشي الثاني الي كنت ابي اركز عليه بالملاحظات هو تظليل الشخصية .. فكان من الممكن التظليل ببعض الاماكن لاعطاء الشخصية تفصيل اكثر ولكن هذا امر جانبي فبدونه التصميم ماراح يتأثر :] ..

يعطيج الفايه واتمنى نشوف منج المزيد من هالنوع ^_^ ..

وشــــــــــــــــــــــكراً

[رجل الحاسوب]

السلام عليكم
أختي
عمل جميل
للعبة تتميز بالشعبية << رغم أني ما لعبتها
بس الشخصية التي إخترتيها جيده و رسمها كان جيداً
خلفية بسيطه كالتي تمتاز بها اللعبه و هذا شيئ جميل
بالتوفيق

[Sasuke]

السلام عليكم ورحمة الله وبركاته

اختي هيناتا - ساما ..

ما شاء الله عليج اختي .. تصميمج اكثر من رائع و الله ..

ابدعتي في الرسم ..

بس برأيي لو تضيفين بعض الظلال على الاطراف بيكون احلى ..

و ماعندي اي نقد ..

و الله يوفقج اختي ولا تحرمينا من يديدج المميز