السلام عليكم
طفشان؟المنتدى نايم؟
ودك تعبر بالشي اللي قاعد تخطط له للجيل الجديد
بالموضوع هذا عبر عن استعداداتك لالعاب الفيديو قيمز
اعزائي المشاهدين كل واحد فيكم يدري انه انطلاقة الالعاب وبكثره راح تبدأ من شهر10 ومايحتاج اتكلم عن العاب الاساطير اللي بتنزل شهر10 لانكم كلكم تعرفونها وطبعا من بعدها بنشوف ضغط العاب
وكلكم تعرفون انه الالعاب تكون روعه بالتلفزيون الfull hdوهذا غير خدمة الهوم اللي بروحها داهيه كبرى وغير متابعة الافلام الاجنبيه اكيد الكل يبي يشوفها باوضح شي بس السؤال هو:
هل انت تخطط للعب العاب الجيل الجديد(البلاي3 و360)بالتلفزيون العادي ام الاتش دي؟
هل تخطط اللعب بالاونلاين<<(هذا السؤال للي ماشتركوا بالدي اس ال لالحين)مع اجهزة الجيل الجديد؟
تخيل نفسك تلعب الالعاب هذه بتلفزيون عالي الوضوح
1-هيفلي سوورد
2-حرامي السيارات6
3-الدوري الياباني11
4-كول اوف ديوتي4
5-الشيطان قد يبكي4
6-ريزدنت ايفل5
7-ميتل غير4
8-سبلنتر سيل5
طبعا الالعاب هذه حاطهم بالترتيب لأقرب موعد صدور وهذول 8العاب طبعا كلهم اساطير هذا غير الالعاب اللي راح تنزل يعني تفنن بالمتعه تفنن باللعب ولااااه بتلفزيونfull hdواونلاين مع ناس تلعب وخصوصا بالدوري الياباني=غاليتي انتي غاليتي لا ادري كيف رماني الموج على قدميكي لا ادري كيف مشيتي الي وكيف مشيت اليك دافئة انت كـ ليلة حب من يوم طرقت الباب عليه ابتدأ العمر ابتدأ العمر ابتدأ العمر
نعود لايام البلاي2 كانت بتلفزيون عادي ولايحتاج دي اس ال لانه اساسا مافيه اونلاين او مافيه العاب اون لاين بس هذه الايام قربت نهايتها اذا بتستمر على الايام هذه بس بدال البلاي2 تحت بلاي3 فأنصحك ماتشتري اي جهاز من هذول الاثنين البلاي3 و360 فلازم التلفزيونfull hdوالدي اس ال
عندي مثلا نينجا غايدن هي نزلت قبل اسبوع بس ماراح اشتريها الا شهر8 لانه التلفزيون يوصلي شهر8 اللي الحين العب فيه العادي انا جربت الديمو الصراحه اللعبه كأنها اونيموشا بس على شكل نينجا يعني لعبه رووووووعه بس حرام العبها بالتلفزيون العادي
همسه:بالنسبه لي شهر8يبتدأ العمر وبالنسبه لك متى؟
ولا انتوا شرايكم كلامي عدل ولا لا
؟
لانه الخليج اكثر شي عندهم الامريكي العب معاهم دورات اذا تبي تلعب دورات معانا لازم تشتري البلاي3 الامريكيه شهر2 مع نزول الدوري الياباني
لا اضحك اقصد راح انافس بالجهازين وبكل سيرفر واذا صكوني باند مالنا الا الامريكي
المشاركة الأصلية كتبت بواسطة Snake-87
عالعموم اتمنى ذلك يصير ولو اني متأكد بنسبه كبيره انه كونامي بتسوي نفس ماسوت مع360كل اصدار له جهاز خاص
لو صار اللي قلت عنه راح يتأجل شرائي للبلاي3 الاوروبيه لغاية نزول الكوبي
بجم سعره انا سمعت انه 50000دينار
