النوم مرتاح

[UDK]

السلام عليكم و رحمة الله و بركاته

كيف الحال يا اعضاء احلى و اغلى منتدى ؟؟؟

انا ادري طولت و انا ادري قصرت بس يا رب يكون معي اللي يرضيكم

بس بصراحة ما اتوقع فيه عضو مثلي
اذا صار عضو مميز اختفى


انا ادري النوم مرتاح من فرقاي
و انا ادري العين تشتاق في فرقاك

و مدري النار تجتاح كل مشتاق
و مدري النور ينسى و ما ينساك

و لا ادري اليوم من وش انا تعبان
و لا ادري الامس وشلون انا وياك

و انا اخفي الضيق و انسى و لا ارتاح
و كم ليلٍ صار محتار من نسياك

و كم قلبي ضاق و انهار من دنياي
و كم دمعي سال و انساب من فرقاك

و دم جرحي جال و ارتاح من فرقاي
و حتى الدم صار يلتاع في ذكراك

و من غيرك حام في حرف من نجواي
ويا قلب الشمس من صاح في دنياك

انا جرح الأرض يا نور في محياي
و انا صرت الدمع من ضيق يا محلاك

انا ضحكي ضاع من طول في ممشاي
و انا فرحي زال من بعد عن لقياك

و من بعدك صارت النفس من جرحاي
و لو قلبك مات اقرب و انا بهواك


و سلامتكم

انا اتوقع القصيدة فيها كسور موب كسر واحد <<<<< بس لو توزنونها على كيفي يطلع الوزن حلو




تحياتي

[Mr.FMZ]

وعليكم السلام ورحمة الله وبركاته ويالله حيه
والحمدلله ان يوم طولت الغيبات جبت الغنايم
الله عليك .. صح لسانك معاني ولا اجمل ماشاءالله عليك ولاهنت
اعجبني اكثر شي المعنى في البيت الأول:
"انا ادري النوم مرتاح من فرقاي
و انا ادري العين تشتاق في فرقاك"
حلوة طريقة وصفك لمعنى انك مانمت
بالنسبة لكسر الوزن احسها موجود في الأبيات الأولى ولكن في من بيت
"وكم قلبي .. " احسها الوزن فيها تمام .. الى آخر الأبيات مع ملاحظة ان كلمات مثل "الأرض" و"الشمس" نطقتها بالطريقة الشامية عشان تضبط مع الوزن لأنو مع الوقوف عليها في النص .. الوزن انكسر معي ولكن مع تحريكها ( بالنطق الشامي) مع كسر الميم في "الشمس" مثلاً والوقوف على السين .. ضبطت معي .. والله اعلم
شكرًا لك على هالأبيات وان شاءالله نشوفلك المزيد وتكثر من ابياتك الجميلة وتواجدك
يعطيك العافية خيو وبالتوفيق
بدر

[UDK]

الحمد لله اني بعد غيبتي جبت اللي يرضيك و رضاك على القصدية شيء يهمني
و شكرا على رايك
و بالنسبة للوزن انا بكتب القصيدة مرة ثانية و شف وشلون وازنها

اَنَدْرِ نُّوْمِ مِرْتَاْحِ مِنْ فَرْقَاي
وَ نَدْرِ لْعِيْنِ تِشْتَاقِ فِيْ فَرْقَاك

وَ مَدْرِ نِّاْرِ تِجْتَاْحِ كِلْ مِشْتَاق
و مدر نور ينسى و لا ينساك

وَ لَدْرِ لْيُوْمِ مِنْ وِشْ اَنَاْ تَعْبَان
وَ لَدْرِ لْاَمْسِ وِشْلُوْنَ نَا وِيَّاك

وَ نَخْفِ ضَّيْقِ وَ نْسَىْ وَ نَاْ مَلْهُوف
وَ كَمْ لِيْلٍ صَاْرِ مِحْتَاْرِ مِنْ نِسْيَاك
( عدلت في الشطر الاول بسبب الكسر في آخر الشطر )

وَ دَمْ جَرْحِيْ جَاْلِ مِرْتَاحِ مِنْ فَرْقَاي
وَ حَتَّ دَمْ صَاْرِ يِلْتَاعِ فِيْ ذِكْرَاك


وَ مِنْ غِيْرِكْ حَاْمِ فِيْنِيْ وَ لَهْ نجواي
وَ يَاْ قَلْبِ شَّمْسِ مِنْ صَاْحِ فِيْ دِنْيَاك
( بدلت في الشطر الاول < في حرف من > بـ < فيني و له > )

اَنَاْ جَرْحِ لْأَرْضِ يَاْ نُوْرِ فِيْ مَحْيَاي
و نا صرت دمع من ضيق يا محلاك

انا ضحكي ضاع من طول في ممشاي
و نا فرحي زال من بعد عن لقياك

وَ مِنْ بُعْدِكْ صَاْرَتِ نَّفْسِ مِنْ جَرْحَاي
وَ لَوْ قَلْبِكْ مَاْتِ قْرِبْ وَ نَاْ بَهْوَاك


و سلامتكم


و اذا فيه كسور بعد هذا قولي لي لا تسكتون منكم نستفيد




تحياتي

[Girugamesh]

صح لسانك .....

[اميرالشعر]

سلمت يمينك ...

وصح لسانك ..

وعلا شانك ..

تحياتي

[UDK]

شكرا يا Girugamesh و صح بدنك

الله يسلمك من الشر و صح بدنك يا امير الشعر



تحياتي

[العديـم]

صح لسانك جميل ماكتبت
تميزت فأبدعت
الى مزيدا من التألق انشالله
تقبل تحياتي

[UDK]

مشكور يا اخوي العديم على ردك
و اشكرك على تعليقك
و بالتوفيق يا رب



تحياتي