عضو جديد
السلام عليكم ابغا ياشباب ويا شابات كل واحد فيكم يعطيني انطباعه بعد تجرربته لجهاز وي ويشرحلي بالتفصيل الممل وش سوا اول ماشرا الجهاز واول لعبه لعبها فيهاوكيف كانت إلى حد هلحينن ووش راج يسوي بعدين (يعني وش بيشتري جيمز
للجهاز هنذا)
- سبب طرحي للموضوع اني ناوي اشتري جهاز wii بس ابغا ردودكمعلى شان اتحمس زياده واتوكل على الله واشتريه
عضو جديد
شكرا ولا واحد عنده نيه يرد ويفيدني عن اي شي مر اخرى شكرا
عضو نشيط
شوف انا طبعا قبل مااشتري الجهاز سالت ودورت في المواقع الين ما اقتنعت بهالسلام عليكم ابغا ياشباب ويا شابات كل واحد فيكم يعطيني انطباعه بعد تجرربته لجهاز وي ويشرحلي بالتفصيل الممل وش سوا اول ماشرا الجهاز واول لعبه لعبها فيها
- سبب طرحي للموضوع اني ناوي اشتري جهاز wii بس ابغا ردودكم
معروف الننتندو وجوها في الالعاب
اشتريت الجهاز من العاب طوكيو 1746 ريال
واشتريت لعبتين اصلية زيلد وماريو بيبر
قعدت الاسبوع الاول العب فيهم وبعدين
جيت ابغى اشتري العاب جديدة
شفت الميزانية ما تخارج اني اشتري كل شوية شريط اصلي
فرحت ركبت قطعة الكوبي ب250 وصرت اشتري العاب كوبي اوانزلها بنفسي من النت
تقييمي للجهاز
الفكرة مرة حلوة وينفع للالعاب المسلية
لكن لما تجي للالعاب الجدية والله انه يفقع قلبي باسلوب التحكم هذا
يعني احسه مرة ما ينفع على لعبة اكشن زي prince of persia
اسلوب القتال اوكي حلو بس انه مش عملي ابدا
اعطي الجهاز 8
ونصيحة اشتريه مع قطعة كوبي
عضو جديد
يعطيك الف عافيه اخوي على الرد ...أيه كذا حمسوني أكثر ابغا اطباعاتكم بعد التجربه
عضو جديد
طيب اخوي وش نوع القطعه الكوبي (المودشيب) هل هي من نوع wii key وهل تشغل ألعاب الأون لاين ويعطيييييك العافيه على الرد
عضو جديد
الجهاز مره حلووووو ومسلي لاتفكر وخذه
عضو متواصل النشاط
انا لي تقريبا يومين مشتريه ..
وما اشتريته الا بعد جهد كبير ومرمطه وافلام هنديه في المنتديات والمواقع وكان من اسباب شرائي له اني ابغى العب بعض العاب الكيوب ونينتندو 64 ..
طلبته من احد المواقع بـ 1725 مع مودشيب وي كي .. لكني الى الان ما شبكته للنت لأن خطي دايل اب ..(ملاحظه :محلات جده استغلاليه بشكل عجييييب) ...
واول ما جيت اشغله واجهت عدة مشاكل مثل الكهربه 120 فولت .. وراس الفيش الغريب للمحول واللي اضطريت اني اغيره ..
الجهاز بشكل عام جيد .. لكنه مكلف .. اشتريت وي موت بـ220 ..ميموري كارد بـ120... وي بوينت بـ120 .. العاب تقريبا 300 .. ولازم اشتري يد عشان العاب بألعاب الكيوب .. بـ120 تقريبا ..
ورااائع جدا في الالعاب الجماعيه الكرتونيه .. لكن لما شغات ميدل اوف اونر الجديده .. ذكرت الـ PS2 بخير .. والتحكم .. اعتقد هو السبب في تفوق الوي في هذي الفتره ... لأنه تقريبا كيوب بشكل وتحكم جديدين .. ومو عدل اننا نقارن رسمه بالاكس او البلاي3 ..
وفي النهايه اعتقد انه يستحق الشراء .. وانصحك انك تسأل عن الاكس والوي وتقارن بينهم وبعدين قرر ..
وبالتوفيق ..
عضو نشيط
المشاركة الأصلية كتبت بواسطة Paolo MALDINI
اجل قصتي عكسك تماما
بالبداية كنت مشارك بالمنتدى هذا من قبل سنتين
وجاء معرض الـE3 طبعا غطو الشباب الأحداث وأنا تابعت كل العروض وكنت
مستنى الإعلان عن الجهاز الجديد
وشوي يطلع ساتورا أيوتا ويطلع الوي من جيبه الداخلي
طبعا أنا لين الحين متحمل أبي أعرف كيف التحكم
للأسف ما جابو
لكن بعد فترة عرضو اليد وطبعا الديسك توب حقي غيرته 200 مرة عشان الوي من الحماس
وجلست اعد الأيام على صدوره مثل ما يسوون في السجون بالخطوط
وغيرو أسم الجهاز من ريفولوشن لـWii طبعا أنا كنت أكبر معارض لهذا التغيير
لدرجة أني قطعت المنتدى هذا ليومك
وبعد مدة من الزمن نزل الجهاز وما بقى محل ما حجزت عنده ولا بقى مكان ما رحته
كل المحلات يقولون خلص!! خلص!! اعنبو توه نازل ما صار له يومين
لكني ما استسلمت وجلست اسبوع على حالة الدوارة بالمجمعات
إلين ما كلمني ولد عمتي وقالي أنه لقى جهاز فنان أسمه الوي
قلت وانا من زمان أدور ايش
واروح له على طول واشتري الجهاز
مع زيلدا بس بـ3100 ريال
واجلس اسبوع كل يوم 10 ساعات لعب
ختمت زيلدا في 3 أيام وجلست على وي سبورت
طبعا قصتي تنفع يحطونها محل فلم ويل سميث The Pursuit of Happyness
وطبعا أنا Big Nintendo Fan
لذلك رايي بيكون مختلف
طبعا الوي جهاز لا يقارن مع أي جهاز لا اكس بوكس ولا بلي ستيشن
جهاز كما سمي للجميع فالكل بامكانه اللعب به والتمتع به
وألعاب موجهة لجميع الفئات العمرية كما أن ارتباطه بالدي اس ببعض الألعاب
ممتع , أضف إلى ذلك دعم شركات الطرف الثالث له
لا يمكنك تصور حياتك بدون Wii
التقييم 1000000000 على 100
عضو متواصل النشاط
^^
الجهاز رهيب وممتع .. وزاد من متعته امكانية لعب العاب الكيوب عليه ... لكن العابه تقريبا قليله ..
و رسوماته اقل من بي اس3 والاكس 360 ..
واعتقد انه بدري نقارن اجهزة الجيل الجديد ببعض ..
عضو جديد
يعطيكم ألف عافيه ياشباب على الردود الحلوه انشاء الله wii في الطريق لمنزلي كل يوم يقرب اكثر واكثر .... وشكرا لكم
عضو جديد
السلام عليكم
يا اخي انت ليش تسأل ما \دام الجهاز ياي من نينتندو عيل عطه 100000000000من 100
و انا قصتي مثل قصتك جاهدت عشان الجهاز يا Hunter devil
وانا اشتريت الجهاز مع زيلدا و الريموت اضافي ب2100درهم
و الله ان عذاب هذا الوي
و انا طبعاَ no need to talk the biggest fan of nintendo world
ننتندو تعطي العنان لتفكيرك و طريقة اللعب مبتكرة و انا انتظر الجزءالجديد لفاير امبلم
10000000000000%
هاي نسبة الجهاز
عضو نشيط
الجهاز بدأ مرحلة ابهار ملاكه بدأ بلعبة ماريو سترايكر تشارجد , لانها تعتبر اول لعبة تقريبا تستخدم بعض قدرات الويي في الجرافيكس , صحيح ماكان خارق , بس على الاقل تقول : لا والله مب جرافيكس كيوب ابدددددا , اما الالعاب السابقة مثل زيلدا ويند ويكر واللي اعتبرها تحفة كانت صادرة مع الجهاز وبرمج اغلبها للكيوب فلم يكن الجرافيكس بها قوي رغم انه جميل جدا , وقصتها مذهلة , وايضا سونيك اللي الجرافيكس كان مخيب للامال بشكل تام ..
مع نزول ميتيود نهاية هالشهر وبعدها سوبر سماش وماريو جالاكسي ساكون راض تمام الرضى عن الجهاز لحد الان وشكرا ...
عضو متواصل النشاط
اقول ياخوي اخذ الويي اوتوكل عندك الالعاب الاكثر من رائعة بتصدر على الويي مثل ماريو وبيق برين اكادمي و الاسطور الشهيرة ميترويد 3 والله انه جهاز خارق ياشباب وبتوفيق مع الويي على فكرة انا اعتقد انه بتجي لعبة انيمل اكرسوسيج للويي ولعبة نينتدوقز للويي والله انه جهاز خطيرررررر .
عضو جديد
الوي جهاز فعلا ناجح
لدرجة انه يجذب الكبار قبل الصغار
انا اعجبت جدا بأسلوب تحكمه ياخي كلنا في البيت نلعب فيه تسلية وروووووووعة لابعد الحدود
سبحان الله والحمدلله
لا اله الا انت سبحانك اني كنت من الظالمين
عضو جديد
شاكر لكم جميعا انا نسيت الموضوع بس ابشركم صاري حول الشهر وشويه شاري الجهاز والجهاااز ماشاء الله تمام التمام وابداعع يانتندو صراحه ابدااااع وشكرا لكم جمييعا على نصايحكم
ضوابط المشاركة
