ممكن 7 العاب اكس بوكس على ذوقك !! :)

[fatherless]

السلام عليكم شلونكم شخباركم ؟؟

شباب انا توني يديد في الاكس بوكس وحبيت اشتري 7 العاب فا ياريت كل واحد ينصحني ب 7 العاب واشتريهم وانا احب اي شي حلو وممتع ويستاهل انه الواحد ياخذهم بس ياريت كل لعبه وشرح صغيرون عنها

وعندي سؤال ثاني بالنسبه الى يلعبون لايف بالكويت
جم سرعت ال دي اس ال الى تكفي ؟؟ مثلا 256 حلوه حق الايف ؟؟ وفيها لاق؟؟

يالله مشكورين وان شاء الله ماتقصرون معاي

[meshofesho]

حياك الله اخوي ومبروك عليك الجهاز

بالنسبه لسؤالك الاول

اهم الالعاب :
1- جيرز اوف وور ( افضل لعبة على الاكس حاليا )
2- ذا داركنيس ( تصويب )
3- سبلينتر سيل ( تجسس )
4- دبليو دبيلو اي 2008 ( مصارعه )
5- نييد فور سبيد ( سيارات )
6- فورزا 2 ( سيارات محاكه للواقع زي جي تي )
7- ديد اور الايف 4 ( قتال )
8- لوست بلانيت ( خيال علمي )
9 - غوست ريكون 1+2 ( يعني الجزء الاول والثاني )
10- ساينت راو ( لعبه شبيهه بحرامي السيارات )
11- كاميو ( بلاتفورم )
12- ديد ريسينغ ( رعب )
13- وينينغ اليفين( كوره ) بس النسخه الانجليزيه ماتشتغل على الياباني اقصد البرو بس وينينغ اليفين اللي تشتغل
واذا جهازك ياباني لاتفوت بلو دراجون النسخه الاسيويه ( لعبة اربي جي )


اما سؤالك الثاني

ماجربت الايف عشان الباند بس اعتقد انه حسب اللعبه يعني المصارعه سمعت انه الاق فيها كثير
ارجو اني افدتك

[Mr.Xbox]

ممثل العاب اللي فوقي ^^" .. بس اذا تحب الاربي جي الامريكي اخذ لعبه Oblivion

وبالنسبه للدي اس ال انا عندي اشتراك 256 ويشتغل معاي تمام باللايف (( بس بعض المرات يصير فيه لاق )) وتأكد لما تلعب يكون الكمبيوتر مو قاعد يحمل شي لأنه يأثر على لعبك بالاكس بوكس لايف

[FARES360]

أخيرا هههههه ...

على ذوقي..عيل إسمع !
- saint row لعبة حلوه وقويه وتصبيره للgta iv
- viva pinata هاللعبة شغل عدل حق ناس فراغه ..اقعد وربي وعدل في مزرعتك وتطمش فيها وكل حيوان شلون يعيش يومه
- crackdown فريده من نوعها ..حريه كبيره في التجول حالها حال gta و saint بس الفرق انه تكون في المستقبل
- tonyhawks لعبة معروفه في الskate board ومافي لها منافس ليومك هذا .
- pgr3 لعبة معروفه ومن اول العاب ال360 كما كانت من اول العاب في xbox1 ..
- overlord لعبة شبيه بfable بس طبعا ما تيي مستواها الا إن الفرق انه في اللعبة انت تكون المسيطر من اولها
- perfect dark zero من احد اقوى العاب التصويب الي نزلت ..على ال360

[مورفيس]

مبروك الجهاز..


1_جيرز اوف وور {اقوى لعبت نكيست جين حتى الان}


2_ فورزا2 {افضل لعبه سيارات راح تندهش من واقعيه اللعبه}

3_ديد رايسنج لعبه ممتعه لابعد حدود راح تستمتع فيها جدا


4_وينج اليفين طبعا اذى كنت تحب الكوره


5_ بلون دراجون النسخه الاسيويه {{الكلام ياباني والترجمه انجليزي}} لازم لازم تلعبها لو تحب ار بي جي

6_لو تحب اللعاب قتال وعندك احد يلعب معاك خذ ديد اور الايف وناسه مره..

7_كراك داون من اقوى اللعاب الجهاز اللعبه نفس السيستم حق جي تي ايه بس هذى البطل خارق يرفع سيارات يطلع عمارات..الخ


وفيه اللعاب كثيره جدا جدا جدا خذلك فره على المواقع وشف الالعاب الي تناسبك وشيلها والله يوفقك..

[fatherless]

مشكورين وماقصرتوو ويعطيكم العافيه والالعاب الى اخترتوها حلوه وماعليها كلام يعني من خلال من اشوف الناس تتكلم عنها وانا بالاساس شاري الجهاز علشان اوبليفين لنه كنت ناطرها على الكمبيوتر ولمه شريتها جهازي مايشغلها فا حدي باخذها على الاكس بوكس لووول بس مو زين تطلع مو حلوه :P

بس بالنسبه حق اخوي MR.XBOX يعني على كلامك 256 حلو وماشي معاك بالايف ؟ عدل ؟ وانت من اي شركه ماخذ كواليتي ولا فاست ؟ ربعي مايمدحون فاست حق الالعاب يقولون وايد لالالاق فا مادري

[FARES360]

ربعي مايمدحون فاست حق الالعاب يقولون وايد لالالاق فا مادري

العكس صحيح ... انا ربعي الي عندهم كوالتي ويلعبون وياي لايف يحوشهم لاق..
مع انه سرعاتهم اعلى مني وانا فاست تلكو أضحك عليهم ههه
بس بعطيك معلومه ..
فاست تلكوا احسن بالupload بس كوالتي أحسن بالdownload

ننتظر راي mrxbox ..

[fatherless]

العكس صحيح ... انا ربعي الي عندهم كوالتي ويلعبون وياي لايف يحوشهم لاق..
مع انه سرعاتهم اعلى مني وانا فاست تلكو أضحك عليهم ههه
بس بعطيك معلومه ..
فاست تلكوا احسن بالupload بس كوالتي أحسن بالdownload

ننتظر راي mrxbox ..

هلا فروس والله انا ماجربت لا فاست ولا كواليتي انا عندي شونت والعب فيه حق wow
انزين فروس انت جم سرعتك ؟
يالله نشوف راي اخونا مستر اكس بوكس

[al7afey]

السلام عليكم
اولاً الألعاب اعتقد الشباب قالوا لك اهم الألعاب , ولكن تأكد ان قيرز اوف وور تكون موجوده
ثانياً : سرعة الأتصال 256 ماشي حالها بس يمكن يحوشك شوية لاق
إلا تبي تستمتع باللعب بالألعاب القويه وبدون لا يحوشك أي لاق خلك على الـ 512
واترك عنك الكواليتي وفاست تلكو
روح حق يونايتد نتووركس
وايد من ربعي عندهم الكواليتي ويشتكون منه وفاست تلكو اسعارهم غاليه بشكل مو طبيعي عالفاضي
يونايتد نتووركس اشتراك سنه 512 بـ 225 دينار إذا تعرف أحد يشتغل بالداخليه و240 إذا ما عندك احد بالداخليه
ومن تجرتي الخاصه لليونايتد نتوركس اشوف انه ممتاز جداً يعني في اللعاب يقولون لي ان فيها لاق وانا استغرب لأن اللاق ما يحوشني بالمره

بس جنه اللحين في خوش عرض من الكواليتي , يدبلون لك السرعه اول ثلاث شهور إذا كنت مشترك سنه
يعني إذا اشتركت 512 سنه اول ثلاث شهور يعطونك ميقا (1024)
وإذا اشتركت 256 نفس الشي يعطونك 512
والله الصراحه هذا خوش عرض إذا بتشترك سنه إخذها من الكواليتي

عاد انت و كيفك كل شركه ولها مميزاتها , انت تختار الأحسن لك

[fatherless]

هلا اخوي al7afey والله حتى رفيجي مشترك 512 من يونايتد ويقول وايد حلوه ويونايتد وشونت اسعارهم رخيصه وايد بس عيبهم انه لازم شتراك سنوي يا عن طريق الدفع كاش او استقطاع من البنك انا هذي الطريقتين ما اقدر عليهم انا ادور شركات شتراك ثلاث شهور وشهر يعني يا فاست او كواليتي بس جنه سمعت انه اقدر اشترك من يونايتد شتراكات شهريه يعني مو لازم سنوي صج ؟؟؟

اما عن فاست اي والله بصراحه اسعارهم غاليه بس هم اذا لقيتهم احسن من ناحيه الاق اخذها فا ابي اسال الشباب الى مجربين فاست و كواليتي على سرعه 256

ويعطيك العافيه اخوي وماتقصر vbmenu_register("postmenu_5581012", true);

[q8pro]

السلام عليكم

بالنسبه للنت
انا عندي كواليتي 512
الصراحه يحوشني لاق
بس يكون شابك معاي جم لاب توب
وكان عندي السنه الي طافت شونت 512
حشاك ولا بيزه
اشتراك البيت احسن منه
ومثل ما يقول المثل اسئل مجرب ولا تسأل طبيب

والي اعرفه وشايفه انه اقوى اشتراك بالكويت هو فاست تلكو والدليل سعره المرتفع الي مو راضي ينزل
وشكرا

[fatherless]

هلا اخوي znt

مشكور على مشاركتك وماتقصر اول شي عن الشونت بالعكس انا مشترك معاهم وصارلي سنه ونص تقريبا معاهم انا ا اشوفه يفصل وايد يعني مرتاح له بس صج الى ماعجبني بالشركه وانه للحين ماخذ فكره عنهم اول ماشتركت في ال دي اس ال والله ذلوني وماعلتهم خايسه تخيل على ماخلصو المعامله الى تكون في وزارة المواصلات والله بدون مبالغه شهر كامل وقالو راح نعطيك تعويض مادي او مقابله شتراك اضافي وبعدين قصو علي و اول كان السيرفس مالهم تعبان حده فا من جذي تضايق منهم اما من ناحيه لاق حق الالعاب انا اشوفه عادي والشركه لمه تبي تشترك يا انك تفدع كاش او استقطاع من البنك لمده سنه

واما عن فاست ولا كواليتي ماجربتهم بس عندي جم واحد من ربعي مايمدح فاست حق الالعاب وعندي واحد من ربعي يمدح فاست لوووول وهم واحد من ربعي يقولي كواليتي مو شي وانا بشووف انا كنت اتمنى وايد يشاركون على شان نعرف الافضليه بس ان شاء الله مع الايام
ويعطيك العافيه حبيبي وماتقصر

[q8pro]

السلام عليكم


كوالتي لاق اخذنا مني
شونت قبل سنه كانت موشي حده
فاست تلكو يمدحونه ويمكن اخذه بعد انتهاء اشتراك الكوالتي
بس اسعارهم نار
512 سعره 70 دينار

[fatherless]

هلا اخوي انا قبل شوي متصل على فاست وامس منزلين عرض ونزلو من قيمة الاسعار

وهذي اسعارهم اليديده

السرعة : شهر - 3شهور - 6شهور - سنه

64 : 11 دينار - 29 دينار - 50 دينار - 84 دينار
128 : 16 دينار - 41 دينار - 70 دينار - 117 دينار
256 : 23 دينار - 62 دينار - 106 دينار -176 دينار
512 : 31 دينار - 82 دينار - 140 دينار -226 دينار
768 : 50 دينار - 132 دينار - 226 دينار - 376 دينار
1 ميغا : 59 دينار -156 دينار -268 دينار - 446 دينار
1.5 : 96 - 251 دينار - 430 دينار - 717
2 ميغا : 133دينار -349 دينار - 598 دينار - 997

اسف اذا كان الترتيب اي كلام بس هذا يسمونه شغل على السريع

يعني الى يبي فاست على طول يروح يشترك او يجدد اشتراكه

[q8pro]

السلام عليكم

ابي الفاست تلكو جم 512 سنه

وشكرا