ليش أنا مصفوق ؟!!
السلام عليكم ورحمه الله وبركاته
كيف حالكم يا تماسيح ان شاء الله بخير
و اكيد مستحيل اسال عن حال السحالي لأنهم ما يمرضوا ابد خخ ماشاء الله عليهم هع
الموهيم
حبيت أســـألكم سؤال واحد بس
و بعد ابا اذكر حالتي من الصغر الى هذا الوقت
السؤال
ليـــــش أنــا مصفــــــــــــــــوق ؟!!
----
يالله ابا اذكر حالتي
من يوم كنت صغير و انا دلخ و اكيد الى الان هع
الموهيم
كنت اقلد ولد اخوي في كل شئ
كان يقول لأبوي يا جدي
وانا بعد اقول لأبوي يا جدي
و ابوي يقول يا دلخ انا ابوووووك و اقوله معصي
الموهيم
بعد ما طلعت ثالثة ابتدائي عرفت انه ابوي وماهو جدي خخ
---------
ثانيا ً من يوم و انا صغير كنت مدمن على ريحة البنزين هع
اذا جينا عند محطه و ماشميت ريحة البنزين اتجنن
و الله اني انزل القزاز عشان استنشق هواء المحطة العليل هع
و بعد ما اشم هالريحة يجيني انتعاش ماهو بطبيعي و دي ارمي نفسي من السيارة
من النشاط الي في خخ
-------
ثالثا ً : فيه ورع فحارتنا مربي له دجاج
و انا كنت ناوي اسرق من عنده بيضه
بصراحة ما ادري ليش ابا اسرقها لكن من دلاختي صممت اني اسرقها هع
لا و بعد مسوي فيها مؤدب
قلت لأخوه الصغير اذا جاك عبدالله قوله عبدالرحيم اخذ هالبيضة هع
الموهم اول ما وصلت للبيت على طول رحت للحوش
و بأقوى ما اعطاني الله
ارمي البيضة على الجدار هع و يضيع مستقبل الدجاجة الي كانت بتطلع هع
و هذي بوادر الارهاب فيه خخ
الموهيم
ما صلينا العصر
الا و ابوي يجيني
و يقول هلا و الله بولدي الشاطر <<<< يجرني حبه حبه ابن الذينا امنوا
تعال ابا اسلم عليك و اعطيك ريال <<<<< و نجح في مخططه الاجرامي
الموهم انا ما اقاوم الريال هع
على طول جيته
و مديت له يدي ابي الريال هع
و على طول يمسك يدي
و هاتك تكفخين و ملعنة جدف و ترفيس و تدفيس و الله ولا تقول غير اني سارق لي بنك الراجحي
الموهم مافكني الا لمن ضاعت علومي كلها خخ
و بعدها كرهت السرقة و كرهت هالبيضة الي دمرت حياتي و خلتني اطلع دلخ خخ
-----------
بعد سؤال ثاني خخ
ليش المدرسين يقولون و الله ما عرفنا الاسبرين الا بعد ما درسناك خخ
و المشرف حقنا قال و ربي ما جاني الضغط و السكر الا بعد ما جيتنيهع
و بعد ليش اي واحد يدرسني يقول وربي رفعت ضغطي حتى المصري الي يدرسنا اشارات المرور
اذا احد جاء بيطلع له رخصه قالي ياخي انا ما عرفتك الا قبل نص ساعة ورفعت ضغطي اجل كيف لو يوم كامل
ليش يوم كنت صغير آكل تراب
ليش المعزى تحبني مووووووووت و تنجذب نحوي و ليش التيوس يحقدون علي و ينطحوني و يلعنون سابع ثوايه
ليش دوما ً يساء فهمي خخ
ليش مدرس الفيزياء يقولي الله يخليك نام هع
ايه صح مدرس الفيزياء درسني قبل اربع سنين و للحين متعلق الرجال في
بس وربي رفعت ضغطه بدلاختي الى ابعد الحدود خخ تخيلوا الي يقعد معي نص ساعة ارفع ضغطه
بس هذا اربعة شهووووووور لا و الله عمر خخ
الموهم انا دائما ً اختار الصف الاول هع مسوي فيها شاطر حخخخ
و دائما ً نايم خخ <<<< ترى و ربي هذي الحقيقة
الموهيم ليش ادخل الكيمياء في الفيزياء
و المدرس يقول الله يرحم امك كمل نومك خخ
ايه بعد صح <<<< بدت السوالف تنزل خخخ
ليش مدرس اللغة العربية قالي و الله لا انقل من هذي المدرسة كل عشانك هع بالرغم اني و الله برئ
انا اقولكم السبب
كان مرة يكتب على السبورة
و انا كنت في الصف الاول و توني قايم من النوم
و شبعان نووووووم وفااااااااااايق بالمرة الموهم
اشوف المدرس يكتب على السبورة و يتكلم و يقول
فعل مضارع مرفوع .........
و انا على طول قلت مرفوع بالفتحه خخ و ربي هذي الحقيقة هع
الموهم يرمي القلم
و يجيني و يقول فتحة تفتح راسك قول امين
ياناس هذي و الله الي في رابعة ابتدائي يعرفها و انت فالثانوي و ما تعرفها
و الله ما اقعد في المدرسة هذي لو ما أدري ويش يصير
و يطلع من الفصل و يقول خلاص الدرس مشروووووووووووووووح هخهخخههخهههخخ
و هذي سلمكم الله جزئ يسير من صفاتي
و ابيكم تجاوبون على هالسؤال
ليش أنا مصفــوق ؟!!
ملاحظة : انا عرضت هذا الموضوع في منتديان
و في نفس الوقت تقريبا ً عشان ما احد يرجني خخ
يالله
ليش أنا مصفــوق ؟!!
حرام عليك ضيعت مستقبل باهر لها T_T
رد: ليش أنا مصفوق ؟!!
Laugh the Dereshishishishi way
مكاوي أحلى << هههههههههههه إلا أخليك ترجع إسمك
