للي كان محتار بين ال ps3 وال 360 ماذا قررت بعد e3 ??

[ابـ الدحمي ـو]

الكثير-وانا منهم- أنتظر حتى ينتهي معرض الالعاب الشهير E3 ليحدد الجهاز الذي يشتريه

فالآن بعد ان انتهاء المعرض ماذا قررت ؟؟ التوجة لجهاز مايكروسوفت الاكس بوكس 360

او البلاي ستيشن 3 ولماذا ؟؟

::
::

ويعطيكم العافية جميعا

[Tyler]

إن شاء الله سأشتري الـ PS3 بكل تأكيد .. والأسباب كثيرة .

بعد مشاهدتي لما قدمته سوني في معرض E3 ، أعجبت وبكل صراحة بالتحديثات والألعاب القادمة على الجهاز .. الـ X360 جهاز لا يستهان به أيضاً ! ولكن كيف لي أن أستغني عن MGS4 ؟ بعد المعرض أيقنت تماماً أن اللعبة حصرية للـ PS3 فقط لا غير .

Go Go Go PS3

[ابـ الدحمي ـو]

فعلاً كان مؤتمر سوني هو الآروع في e3 بس هذا ما يمنع ان يأتي جهاز مايكروسوفت بالعاب ومفاجات لم نكن نتوقعها مثل جيرز !

عني انا لا ازال في حيرة ولا عارف وش اختار

[man is man]

والله مدوخين نفسكم وتتكلمون كأنكم لكم اسهم في سوني وناس في مايكروسفت
اشترو الجهازين والله اثنينهم رهيبين رهيبين ولادوخ نفسك اذا نزلت لعبة على واحد منهم وحصرية ليس بالمهم لانك عندك الجهازين
وكافي ملينا المقارنات الجهازيننننننننننننننننننننننن 100 100 100

[المهيري]

تبا الصدق انا عندي الجهازين
وجربت غيرس وطلعت رهيبه
الاكس بوكس عجيب ، بس الصراحه الوحش خيالي بس محتاج شوية وقت
وبطتلع الفروقات واضحه.

[soul_UAE]

90% من العاب الاكس بوكس 360 الحصريه بتتوفر على الـ PC !!!

يعني بلعقل اشتري PS3 واذا عجبتني لعبه على جهاز الاكس بانتظرها تنزل على البي سي .......

[عاشق 360]

90% من العاب الاكس بوكس 360 الحصريه بتتوفر على الـ PC !!!

مثل !!! ما اعتقد كلامك فيه شي صحيح

[X MAFIA]

% من العاب الاكس بوكس 360 الحصريه بتتوفر على الـ PC !!!

المصدر لو سمحت ؟؟؟

[kamal muhammad]

اشتري جهازين وماراح تخسر .
x360 جهاز رائع مثله مثل ps3 .
بالنسبة للالعاب المشتركة بين pc وx360 مايحتاجلك تفكير خذ نسخة x360

[FARES360]

0% من العاب الاكس بوكس 360 الحصريه بتتوفر على الـ PC !!!

مادري والله أرد عليك ولا لأ .. لأنه صراحه اكره النوعيه الي تتكلم عن شي تجهله للأسف
بالله مصدر رسمي ما عليك امر.. او على الأقل امثله .. gears of war راح تنزل لحد الحين على الpc
وهذا ما ايي 1% .. , ال90% من وين ؟ لأنه اشاعه حتى ما شفت للحين ..عن هالكلام

بالنسبة لأختيارك لألأجهزه .. شوف ميولك الداخلي..شنو تحس فيه اكثر اي جهاز عاجبك او تفكر فيه اكثر شي.. اهو الي راح ترتاح معاه في النهايه .. وطبعا اخذلك نظره على ألألعاب .. وشوف ميولك على اي جهاز , مثلا انا لما خذيت نظره على الألعاب قلت البلاي3 يملك ميتل جير و فاينل فانتازي \ كيل زون \جود اوف وار \ زون اوف اندرز \ راتشيت ن كلارك \ جرا تريزمو وغيره ..

نرجع لل360
بلو دراجون \ لوست اودسي \ ننيجا جايدن 2 \ بروجكت جوثهام \ سبلنتر سيل 5 \ هالو \ ديد اور الايف \ " العاب rare لا يستهان بها " \ توو هيومان \ جيرز \ اوفر لورد وغيره الكثير..
ولاحظت ميولي لل360 اكثر .. لذا اخذته

شغل الأون لاين معروف لصالح ال360..بس ننتظر ونشوف هالhome من سوني شنو راح يقدم
الكوبي تقدر تقول انساه من على البلاي3 ..

شغل مواصفات الأجهزه خلك منه الجهازين متقاربين في الجرافكس والقوة ..
والأدله كافيه gamesport و ign ومقارناتهم.. بين ال360 والps3 الفروق غير ملاحظ الا بالتدقيق الشديد

بخصوص الe3 مثل ما قالو الشباب..الجهازين قدموا عروض سنعه..

لا تنسى العاب المولتي المشتركة بين الجحهازين .. ايضا قوية مثل ريزدت ايفل و سايلنت هيل..وسول كاليبور , وايس كومبات 5 الحصريه لل360 حاليا..


الأختيار لك ...

[White Knight]

اشتري جهازين وماراح تخسر .
x360 جهاز رائع مثله مثل ps3 .
بالنسبة للالعاب المشتركة بين pc وx360 مايحتاجلك تفكير خذ نسخة x360

شكلي باشتري الجهازين بعد ماأعلنت سوني بتخفيض السعر
أكيد شركة مايكرسوفت تفكر تخفض سعر جهازها
وهذا شي مشجع بالنسبة لية

[White Knight]

المصدر لو سمحت ؟؟؟

أعتقد كلام الأخ soul_UAE صحيح بعض الشي بس هو بالغ شوية لمن قال 90% من ألعاب
الإكس بوكس موجودة في البي سي
تقدر تقول 10% من ألعاب الإكس سوف تصدر أيضا على البي سي
الدليل
بمثلا لعبة BioShock الحصري والرائعة للإكس بوكس سوف تصدر على بي سي مصدر
http://www.gamespot.com/pc/action/bi...result;title;0


ولعبة Gear of War أيضا سوف تصدر على البي سي المصدر
http://www.gamespot.com/pc/action/ge...result;title;1

[son of cid]

FARES360 كأنك قاعد تسوق لـ سلعة


الموضوع .. ماله داعي الجدال فيه
لو مثلاً في تصويت كان احسن على الأقـل

مستحيل الجهازين متماثلين..
في فروق في اشياء في جهاز مو موجودة في جهاز ثاني وفروق في جودة الصناعة.
كل جهاز عليه ألعاب حصرية.. والعاب ملتي حلوة.. وخدمات مختلفه.

كل هذا تكلمنا فيه ليه نقعد نزيد ونعيد ؟
الموضوع كله جدال.. وطلب مصادرP: !

يكـفـي

[Dukefleed]

90% من العاب الاكس بوكس 360 الحصريه بتتوفر على الـ PC !!!

يعني بلعقل اشتري PS3 واذا عجبتني لعبه على جهاز الاكس بانتظرها تنزل على البي سي .......

بس الشيء الوحيد الي يمكن انت نسيته انه معظم الالعاب اليديدة تحتاج كمبيوتر قوي قوي عشان تشغل العاب مثل جيرز وغيرها..

وما اتوقع الكل عنده كمبيوتر زين عشان يقدر يشغل هالالعاب بشكل ممتاز، الا لو بتحط كل شي على Low ويمكن ما تشتغل عندك بعد.. you'll miss the fun

ولو بتشتري كمبيوتر يديد بمواصفات زينة، بيطلع اغلى من الاكس بوكس أو البي اس 3. فما اظن شي فايدة

[White Knight]

بس الشيء الوحيد الي يمكن انت نسيته انه معظم الالعاب اليديدة تحتاج كمبيوتر قوي قوي عشان تشغل العاب مثل جيرز وغيرها..

وما اتوقع الكل عنده كمبيوتر زين عشان يقدر يشغل هالالعاب بشكل ممتاز، الا لو بتحط كل شي على Low ويمكن ما تشتغل عندك بعد.. you'll miss the fun

ولو بتشتري كمبيوتر يديد بمواصفات زينة، بيطلع اغلى من الاكس بوكس أو البي اس 3. فما اظن شي فايدة

كلامك صحيح 100% أنا كنت أبغة أشتري كرت شاشة 8800 نفيديا سألت الراجل قلي سعرة 2800 ريال
سعره أغلى من البلاستيشن3