(( قصة لغز اختفاء الطيارة ZD 500 والجزيرة الغامضة الجزء الأول ))
الكل كان في انتظار وصول الطيارة ZD 500 اللي راح تنقلهم إلى جزر القمر وهم عائلة السيد رمزي
( خالد ابنه ) و ( منى زوجته ) كان باقي على وصول الطيارة نص ساعة بس ... عدت النص ساعة وتأخرت الطيارة وبعدين جاء أحد أفراد طاقم الطيارة وقال لهم : ان الطيارة فيها مشكلة بسيطة وإنهم حينتظرو نص ساعة تانية ومرت نص ساعة تانية وجاء طاقم الفريق ودخل الطيارة بعدين جاء نفس الرجال مرة تانية عشان يأخذ التذاكر من المسافرين وبعد دخول المسافرين بالكامل دخل الطيَّار ومساعده و بعدين بدأ المضيف يوريهم كيف يربطو الأحزمة و ايش يعملو لو حصل أمر طارئ وكل اللي في الطيارة ماكانوا يعرفوا إنهم بحاجة إلى معرفة هذا الشي ... المهم وبعدين بدأت الطيارة بالتحرك وبدأت أنوار الطيارة تقفل تدريجيا والكل مرتاح وملازم مقعده وبعدين انعطفت الطيارة عشان تلزم مسارها وبدأت تتحرك وتسرع وتسرع حتى طارت وسارت على بعد 3000 كيلو متر فوق البحر وبدأ بعض المسافرين في النوم وبعضهم يقرأ وكان الكل مرتاح وبعد إقلاع الطيارة بـساعتين بدأت الطيارة في إصدار أصوات تحت حجرة الطيَّار ومساعده فحاول الطيار الاتصال ببرج المراقبة وراح أخليكم الحين في المحادثة اللي سارت بين الطيار ومساعده و برج المراقبة :
الطيار : ألو ، ألو ...
برج المراقبة : ايوة ، إيش فيه يا طيارةZD 500 ؟؟
الطيار : بعد طيراننا بساعتين بدأ خزان الوقود بالإنحراق أرجو إرسال فرقة الطوارئ الحين .
برج المراقبة : طيب طيب ، خليك معايا يا طائرة ZD 500 سأعلن حالة الطوارئ فورا وراح تجيكم فرقة الطوارئ خلال نص ساعة ...
الطيار يكلم مساعده : حدد موقعنا وأرسل إشارة لهم عن مكاننا !!
المساعد : طيب ، بس الجهاز انحرق ...
الطيار : هذه شكلها نهايتنا ...
المساعد : لا تفقد الأمل ، انت الطيار حاول تعمل حاجة ؟؟
لغز اختفاء الطيارة ZD 500 والجزيرة الغامضة الجزء الأول
