بخصوص الOverclock بالثلج الجاف(النيتروجين السائل) .. او ال LN2 ( للمرة الثانية -.- )

[Hell Knight]

السلام عليكم و رحمة الله و بركاته ..

شباب انا كتبت الموضوع من يومين و لاكن للأسف
لسبب ما توقف الرابط عن العمل ..

-=-=-=-==-*******-=-=-=-=-

انا عارف ان القانون يقول :

لا يسمح بالإستفسار عن كيفية عمل أوفركلوك أو شرح الطريقة لذلك

لاكن انا ما راح اشرح طريقة او اطلب كيفية عمله ..
عندي استفسار عن نوع من انواع الاوفركلوك ..
لقد وجدت محل يقوم بتركيب تقريبا جميع انواع اجهزة الاوفركلوك ..
و صديقيي قام بتركيب جهاز الاوفركلوك الذي ارغب في شرائه من 3 اشهر
و ما زال جهازه يعمل بقوة مرعبة !..

الطريقة رخيصة جدا جدا جدا .. و هي طريقة التبريد بالثلج الجاف او
النيتروجين السائل .. تمكنني هذه الطريقة من اللعب 10 ساعات متواصلة قبل
ان تبدأ قوة التبريد بالانخفاض .. كما انها لا تحتاج الى كهرباء نهائيا ..
و قوة التبريد = 3 ~ 4 اجهزة التبريد بالماء..

-=-=-=-==-*******-=-=-=-=-

طلبي صغير جدا .. و هو النصيحة ..
هل قام احدكم بتجربة هذه الطريقة ؟! هل هي جيدة ؟
هل تنصحني بشراء هذا الجهاز ؟
هل تنصحني بشراء جهاز آخر ؟

-=-=-=-==-*******-=-=-=-=-

هذا هو شكل الجهاز .. الفرق الوحيد هو ان الجهاز الذي سأشتريه يأتي مع غطاء يمنع
تسرب الماء او وصول الثلج للقطع المجاوره ..

[Gentleman]

وعليكم السلام ورحمة الله وبركاته ..

بصراحة ما عندي فكرة عن هذا المبرد ..

لكن حبيت اخبرك واقول هل أنت محتاج لكل هذا التبريد ..؟؟

يعني هل راح تلعب 10 ساعات متواصلة مثل ما ذكرت ..؟؟

حيث ان لو كان عندك مشكلة في الحرارة .. تقدر تحلها بطرق أسهل من هذه الطرق .. كتنظيف الجهاز مثلا أو مروحة جديدة ..

وشكرا ..

[Hell Knight]

مراقبنا جنتل ..اولا شكرا على ردك و على مرورك المشرف ..

انا ما راح ألعب 10 ساعات متواصلة .. و لا احتاج الى قوة التبريد هذه ..
و ليس لدي اية مشاكل مع الحرارة ..
بس عندي اسباب ..
1 - راح اشتري جهاز جديد كامل من تحت لفوق ..
2- الجهاز غير مكلف ابدا ..
3 - انا جربت اللعب على جهاز صديقي .. و صراح ما في اي لعبة تقدر عليه ..
ال FSP عنده يوصل لل 350 و لو كان طبيعي يكون 250 ..

جربت ابيع الجهاز لاكن انت ادرى .. اجهزة الكمبيوتر في هذي الفترة ما تجيب
سعرها الحقيقي .. من يوم ما طلع الفيستا و الدايركت 10 و كروت الشاشة اللي
تنزل مثل المطر

[Gentleman]

جميل جدا .. ما دام انك راح تشتري جهاز جديد بالكامل .. الأفضل تشتري كيس مميز للحرارة .. او مثلا تشتري مروحة للمعالج وللكرت .. وأعتقد ان هذي القطع اقل كلفة من التبريد ..

والقرار قرارك ..

وشكرا ..

[amajed]

اضنها هواية وليست سبب معين
مثلا انا كنت هاوي الاشياء هذي من فتره مو عاد نيتروجين سائل لكن يعني شغلات التبريد بالماء وبعض الاختراعات يمين ويسار شوي بس المسألة هواية اكثر من مطلب

فلو كان مطلب فهناك حلول افضل ولو كانت هواية فمافيه غير تطيح الي براسك


بالتوفيق

[alawadhi3000]

هالاشياء للهواية والجنون وحب تحطيم الارقام القياسية
مو للمستخدم " العادي "

مانصحك تشتري هالجهاز , اذا كنت تبي درجات حرارة حلوة اشتر نظام تبريد تجميع من شركة Switech و DangerDen وماراح يكلفك اكثر من 300 دولار

[Hell Knight]

Gentleman
من جهة الكلفة لا يهمك لان الجهاز كامل مع التركيب ب 200درهم .. + الثلج الجاف رخيص ..

amajed
ههههه .. هي الشغلة هواية بس ... وين اودي الجهاز القديم !؟! ..لازم اتسلى عليه

alawadhi3000
300 دولار .. خلني على الثلج الجاف ..

-=-=-=-=-=-
شكرا يا شباب على الردود .. انا ارسلت الجهاز و انتظر عودة ال"منكوب" ..

[عمر]

السلام عليكم

معقولة؟!؟!؟!
وإلا تقول كأنها مولد طاقة نووي ,,,
بس أول مرة أسمع بهالشيء ,, ممكن أجربه على اللابتوب؟؟ لأني دايما من الحرارة أستغله في الطبخخخخخخخخخخخخخ
طيب ,, إنت رح تحطه للتبريد؟ وإلا أشياء أخرى؟
لو كملت رد لي خبر ,, عندي إبن عم بالإمارات ممكن أخليه يسوي لي واحد ..
لأنه فعلا الحرارة عندنا لا تطاق ,, البشر يشرب مي ,, بس الكمبيوتر وش يشرب!! ,,
الكهرباء تنطفي على طول ,, أستخدم UPS طويل الشحن .. الحرارة يا عيني تجمد الكمبيوتر


بالتوفيق

[amajed]

السلام عليكم

معقولة؟!؟!؟!
وإلا تقول كأنها مولد طاقة نووي ,,,
بس أول مرة أسمع بهالشيء ,, ممكن أجربه على اللابتوب؟؟ لأني دايما من الحرارة أستغله في الطبخخخخخخخخخخخخخ
طيب ,, إنت رح تحطه للتبريد؟ وإلا أشياء أخرى؟
لو كملت رد لي خبر ,, عندي إبن عم بالإمارات ممكن أخليه يسوي لي واحد ..
لأنه فعلا الحرارة عندنا لا تطاق ,, البشر يشرب مي ,, بس الكمبيوتر وش يشرب!! ,,
الكهرباء تنطفي على طول ,, أستخدم UPS طويل الشحن .. الحرارة يا عيني تجمد الكمبيوتر


بالتوفيق

اخوي الي تشوفه قدامك للهاوين للامور هذي مو حلول ^^
اما الحل لك انت فهو معروف وبدون تردد
خذ لك :
http://www.thermaltake.com/product/C...2326/a2326.asp
وفي حال كان اللاب توب حقك من النوع الي شاشاته عريضة WideScreen خذ لك هذا
http://www.thermaltake.com/product/C...2420/a2420.asp

انا محصله في الرياض بـ 125 ريال في أرض البرامج في مركز العليا للكمبيوتر

ماادري عنك وين ساكن لكن اكيد بتحصله بالحدود هذي

[thaer89]

انا عندي سؤال ثلج جاف كل اديش لازم اغيره

[عمر]

السلام عليكم

ها؟ شصار عليه؟ مات خلف عيال؟ مسكين هالمنكوب راح فيها ،، ممكن رح تصير هذا بدل تبريد له ،، ثلاجة يحطون فيها الــ(Case) المرحوم خخخخخخخ

اخوي الي تشوفه قدامك للهاوين للامور هذي مو حلول ^^
اما الحل لك انت فهو معروف وبدون تردد
خذ لك :

الهاوين ،، أنا أصلح كمبيوترات ،، بس من فتره صار لي حادث مؤسف كرهت من وراه التصليح وكل شيء ،، وهو عطل عندي مذربورد 16ْx سعره كان 200$ وهارد 250 GB ، وكرت شاشة أسوز 256 MB ،، بمرة وحدة T_T ،، من ورا الكهرباء الزفت ،، ومن يومها كرهت حتى الفرمته @_@ ،،

خذ لك :
http://www.thermaltake.com/product/C...2326/a2326.asp

حلو ،، والله خوش حركات ^_^ ،، ممكن أشتري واحد

ماادري عنك وين ساكن لكن اكيد بتحصله بالحدود هذي

ساكن بأسوأ مكان بالعالم ،، (بغداد)


بالتوفيق

[DJ_rashid]

لا تجرب... يباله حد متخصص في الOverclocking.

بيحرقلك كمبيوترك... اذا تقدر سو بس حق اللGraphics card.

[Mini Designer]

اخوي اذا انت ناوي تشتري نايتروجين اشتر لك ثلاجه احسن P: المهم انا ما انصحك فيه ولا جربته بس اذا انت ناوي تشتري جهاز وتكسر سرعته ركب لك Liqued Water وانصحك بالشركه Koolance لانه احسن شركه مخصص حق الـ Liqued Water ومن ناحية اخرى في تبريد Air Cooling واحسن شركه هي Zalman على العموم اخوي علشان لاتتئذى اخذ لك Case Full Tower واحسن الشركات حق Full Tower عندك Thermaltake or Gigbayt اذا حاب تسوي بس حق لبرسيسور فا أنصحك بـ Air Cooling واذا تبي الجهاز كله مثل كرت الشاشه وChipset وHDD وكل هذه الشغلات سو لك تجميع من Switch بس راح تحتاج Tubing طويل و blocks وطبعا الـ Water Cooling في جاهز وفي مجمع : Pump وهي الي تدفع الماء Tank مثل حافظه ماء او خزان Blocks هذا الي تركب ال Tubing فيهم بس اذا تبي تركب حق كرت شاشه Liqued انصحك لاتشتري كرت شاشه فيه Air Cooling جاهز ..

[SuperNight]

انزين هالثلج لي ذاب شبتسوي تروح تشتري عند ثلج بوصويلح هههعع

[Hell Knight]

اعتذر يا شباب على التأخير ..

عمر
اخوي مشكلتك مشكلة عادية .. انا ما عندي اي مشاكل ابدا .. بس وين اودي الجهاز !؟! اذا ما ينباع بسوي في تجارب ! .. خذ نصيحة الاخ amajed .. لان جهاز التبريد هذا لا يعمل على الاجهزة المحمولة .. كيف بتصب الثلج ؟!

thaer89
هم يقولون كل 10 ساعات .. لاكن انا اصلا بحط الثلج يوم العب بس ..

DJ_rashid
الكمبيوتر اصلا ما له فايدة يعني لو انحرق ما بخسر شي ..

Mini Designer
ههه .. ( للعلم فقط في ثلاجات للكمبيوتر بس شكلها غبي و مالها فايدة ) .. الطرق اللي ذكرتها بردك معروفة و قوية لاكن طريقتي توفر عليك الفلوس و اسهل .. و مضمونه !

SuperNight
كنت بظحك وياك لاكن و الله ما فهمت .. الثلج اصلا يجي سائل .. و موجود في كل محلات مستلزمات المختبرات ..
======================

4 ايام و بيوصل الجهاز انشاء الله ..