السلام عليكم و رحمة الله و بركاته
كيف الحال ؟؟؟
ما ودي اطول عليكم اخليكم مع ....... مثل ما تحبون تسمونه سموه
اجدد جروحي و انسى بعض ما فيني اكذب على نفسي و نفسي مني ملت و مدري ليش ما راحت
هي النفس اللي انا كذبت عليها و هي النفس اللي من هواي صارت ضحية
و انا من انا ؟؟ آه يا كرهي لكلمت انا لأني على فعلي منيب انا
افعالي غير كلامي نصايح و حكم و كل من ضاقت به الدنيا جاني
لأني الحكيم اللي في امور الحب دكتور و استاذ و عالم
و قلبي مجروح و مجروح في هواي في حبي
و كل من بغا يراضي حبيبه سألني وشلون اراضيه و كل من بغا ينسى حبيبه سألني وشلون انساه
و انا ابغا اراضي حبيبي او ابي انسى حبيبي لكن كلها مستحيلة
هذا و انا دكتور و استاذ و عالم في امور الحب .
اذا الانسان صار هدية تتوقعون يعيش ؟؟
صحيح ان الهدية غالية و الهدية للأسف لا ترد و لا تباع بس اذا صارت الهدية انسان ليش لا ترد و لا تباع ؟؟؟
الهدية تصير ورد تصير عطر تصير سيارة تصير بيت تصير قصر لكن ما تصير انسان لأن الورد و العطر و السيارة و البيت و حتى القصر كلها ما لها احساس عشان تحس انها و لا شيء
و اذا كانت الهدية انسان الانسان يحس و اذا حس الانسان انه و لا شيء وشلون يعيش ؟؟؟
وشلون يصدّق من يقول احبك و هو و لا شيء ؟؟؟
وشلون يحس و هو هدية ما اعتبروا الناس ان لها احساس ؟؟؟
الهدية مهما خذت من قدر هي شيء ما له احساس و الانسان مهما ذاق من الحزن و مستحيل يذوق من الحزن مثل حزن من صارت مجرد هدية .
اذا الانسان عاش و تجمعت عليه الاحزان مثل كتاب مر عليه زمن طويل و هو منسي و اجتمع عليه الغبار
و ضاقت الدنيا على الانسان مثل كتاب مهجور ضيقت عليه العناكب
و الانسان كتم كثيير مثل كتاب مكتوب فيه الكثير لكن منسي محد قراه
و الانسان طيب و وفي و لا ينسى ما في داخله مثل كتاب ما ينمسح حبره
و الانسان جرحه انسان ثاني ما يرحم اذا جرح يجرح و لا يعطي دوى مثل كتاب انكتب عليه كتابات ما لها معنى ضيعت ماضيه و حاضره و مستقبله
وشلون يعيش انسان مثل هذا الكتاب ؟؟
وشلون يضحك انسان مثل هذا الكتاب ؟؟؟
وين يشوف الفرحة فيه و يروح لها اذا كان الانسان مثل هذا الكتاب ؟؟؟
الله يعين اللي صارت هذا الكتاب .
اذا الانسان شاف سؤال و قرر يصير الجواب
و الناس القريبة من هذا الانسان تبيه جواب لسؤال ثاني
و هو خلاص جواب لسؤال واحد و الجواب مستحيل يصير لسؤالين و السؤال مستحيل يشارك سؤال ثاني في الجواب
و صار هذا الجواب بين سؤالين سؤال يبيه و بعيد و سؤال تبيه الناس و قريب
السؤال البعيد اقرب لقلب الجواب من السؤال القريب
بس السؤال القريب اقرب لمصير هذا الجواب من السؤال البعيد
إلى متى هذا الجواب بين سؤالين ؟؟؟
و ليه الناس القريبة من هذا الجواب ما حست انه بين سؤالين ؟؟؟
و ليه هذا الجواب يبي السؤال البعيد اكثر من القريب ؟؟؟
وش تفكير هذا السؤال وش يتخيل نفسه في المستقبل جواب للسؤال البعيد او جواب للسؤال القريب ؟؟؟
و صدق حزينة من صارت هذا الجواب .
اذا كان الكتاب يحلى بوجود الجواب و الهدية اجمل لو محتواها الكتاب
ليش تفترق دروب الهدايا و الكتب و الأجوبة ؟؟؟
ليش انا مجرد من كل الوضوح ؟؟؟
تهمني آرائكم و تعليقاتكم مهما كانت
تحياتي
المشاركة الأصلية كتبت بواسطة UDK
ولكن لأن حسك يزداد أبداع في كل خاطرة