تراني قدييييم مرة . و توني شاري PS2 . اسئلة عن بعض الالعاب .

[ابو مشعل]

سلاااام عليكم .
تراي يمكن انا من القديمين . كنت راعي games ايام ننتندو و بعدين سوبر ننتندو و الاميجا اذا كان تذكرونه . و بعدين تطورت شوي و اشتريت panasonic 3DO . و ما اذكر كان فيه الا need for speed . و اتذكر انه كان اول اصدار . و انقطعت فترة طويلة حول 5 سنين و بعدين حنيت لأيام الكمبيوتر . و تهورت و اشتريت PS2 .
(شكلي غثيتكم )

المهم ما علينا . حبيت اسألكم عن بعض الالعاب , بعضها ما ادري وشي بالضبط

1) TWISTED METAL BLACK . سيارات و الا ايش بالضبط ؟ و بعد وش رايكم فيها ؟

2) ميتل جير سوليد2 . هذي ايش ؟

3) pro evouotion soccer . عارف انها كورة طبعاً . بس ايش رايكم فيها ؟


اذا كان فيه العاب سيارات حلوة قولو عنها الله يعافيكم .


تحياتي
ابو مشعل

[HArb200]

ابشر يابو مشعل :
تويستد ميتل بلاك لعبة سيارات قتاليه يعني في حلبه وكل واحد يبغى البقاء وهي الصراع على البقاء هذي فكرتها الرئيسيه .
اما ميتل جير بس مهوب سوليد لان هذا القديم بس ميتل جير راي.
وهذه اشترها وانت مغمض
اما الكوره انا شريتها بس حركاتها كثيره ويبيلها واحد يحفض بس هي الافضل الى الان.
سيارات : مافيه احسن من جران توريزمو 3 او2000
وفيه بعد ريدج ريسر تايب فور بس مادري انا عنها لكن الجزء الاول حقها كان رهيب.
وفيه سيارت قتال مثل جراند ثيفت اوتو بس ماتصلح للبزران لان فيه عنف شديد.
وهذا ماعندي

[HArb200]

بس انتبه ترى ميتل جير راي مانزلت كامله هذا للكوبي .
اما الاصلي فهي كامله بس 300ريال

[msm]

هههههه أجل ماشريت البلاي ستيشن الاول ......فاتك نص عمرك.....بس ماعليك PS2 بيكمل النص الثاني وزيادة.....

أما الألعاب الي ذكرتها :

- توستيد ميتال بلاك : هذي ماهي لعبة سيارات أو (سباق سيارات) هذي اللعبة عبارة عن حرب وقتال بين أنواع مختلفة من السيارت ، بحيث لكل سيارة أسلحتها الخاصة......

- أما ميتل جير سوليد 2 : هذي أفضل لعبة على PS2 لأغلب الناس......وهي لعبة أكشن وتجسس و قتل وقصة ورسوم وكل شيء.....
طبعاً لازم تجربها علشان تحكم على اللعبة بنفسك.......

- برو ايفولوشن سوكر : زي ماقلت لعبة كورة ...... وأنا اظن بل أجزم انك سمعت ولعبت بعد بالدوري الياباني على البلاي ستيشن الأول ....هذي اللعبة جزء من أجزاءه وهي أحلى جزء .......

- أحس لعبة سيارت على PS2 مشهوووووورة جداً (GT3) رسومها روووووووووعة.......

وعلى طاري نيد فور سبيد راح ينزلها جزء جديد على PS2 ......

[ابو مشعل]

الف شكر اخوي msm


تحياتي