سؤال
سلام..
عندي استفسار بالنسبة للعبة ريزيدنت إيفل كود فيرونيكا…شو اللي حصل بالضبط في نهاية الديسك الأول من اللعبة؟؟…وليش كانت ألكسيا في أنبوبة زجاجية وبعدين طلعت منها؟؟…أدري إنكم بتستغربون وبتسألوني ليش ما أكمل اللعبة وبعرف شو اللي حصل بنفسي…بس يا جماعة ترى السالفة أكبر من جذي…الوالد الله يذكره بالخير سوّى حملة تنظيف على ألعاب القتل والعنف وشالها من عندنا...علشان في رايه إنه هاذي الألعاب بتأثر علينا وعلى تصرفاتنا...و من ضمن هاذي الألعاب ريزيدنت إيفل بكل أجزاءها وسايلنت هيل و داينو كرايسيس و ألون إن ذا دارك
وأنا الحين أحاول أخلّص لعبة كود فيرونيكا بس بالذّس..يعني بدون ما الوالد يدري إنّه عندنا هاذي اللعبة...علشان مدخلينها تهريب للبيت...
إنتو شو رايكم؟؟...لو كنتو في مكاني شو راح يكون موقفكم؟؟...هل راح ترضون بالأمر الواقع وما تلعبون بهاذي الألعاب؟؟..ولاّ راح يكون لكم تصرف ثاني؟؟...مع العلم إني عندي إدمان على هذا النوع من الألعاب...وما أقدر أتوقف عن اللعب بها..
criminal is a guy like the rest except he got caught
*
claire3000