يعطيك العافية يا
سانوسوكى ، المسابقة روعة ماشاءالله ، فكرتها حلوة و تحمس
مبروك للفائزين ^^
اما أهم تعليقاتي .. و أرجو أنكم تتقبلوها برحابة صدر.. فهي:
shinobi-3
أن ماشاءالله عندك صبر عالرسم ، مهتم بالتفاصيل و الألوان بشكل ملحوظ
أنصحك تحاول تخلي حدود الرسومات أدق من كذه و أنتبه على مقاسات الرسوم و أبعادها، هي مو غلط بس اتوقع تقدر تعدل عليها و بسهولة،و بما أن تعاملك مع الظلال جيد ، حلو تبدأ تركز على توزيع الظلال و كيف مفروض يكون
دايما حدد مصدر الضوء و على أساسه أبد بالتظليل و أن شاءالله مستواك بيتطور و بسرعة لأنك عندك إستعداد بس يبي لك تطور طريقتك، بالتوفيق .
fun
رسمتك و تلوينك و المؤثرات أعجبتني كثير، ماشاءالله عليك عندك إنسجام و تناغم بالألوان، رسمتك متفاءلة و هادئة بالمره، و تلوينك للعيون إبداع!
بس يبي لك إهتمام طفيف في التنسيق بين المقاسات.. موهبة حلوة أهنيك عليها ، بالتوفيق.
عمر المزروعى
الجزء المرسوم جزء بس عموما راح أعطي تعليقي عالرسمة، عندك خطوط عريضة و خطوط دقيقة، حاول في الرسمة الوحدة تكون خطوطك متناسبة في الدقة و الحدة،
بس بصراحة الفكرة حلوة
منجد عجبتني ، رهيب نارتو بالثوب و العقال ، يرفع راسه دامه سعودي
الخلفية أبدعت فيها، شكلك شاطر بالمؤثرات و الألوان أكثر من الرسم؟ او يمكن عشان الرسمة محدودة ما قدرت أحكم على موهبتك صح..
عالعموم شغلك حلو و عاطي جو مرح عالرسمة، أن شاءالله نشوف لك لوحات آخرى، بالتوفيق.
Another
خطوطك جيدة و إهتمامك بالتفاصيل حلو، شايف السكيتش الأساسي واضح باللوحة، حاول بس تنتبه على المقاسات صح
عندك الوجه كبير أكثر من اللازم، حاول تحاكي شكل الذقن أكثر بيكون أضعف من وسط الوجه..
هي الرسمة بورتريه ، جرب ترسم من بعيد في مثل هالنوع من المسابقات بيصير عندك مجال أكبر حتى تتلاعب بشكل و لبس الشخصية ، أنت راسمك للباس حلو بس ياريتك كملت ولو لنصف الجسم حتى نقدر نشوف النيولوك بشكل أفضل،
أن شاءالله نشوف لك أعمال آخرى قريب، بالتوفيق.
shyam
الشخصيات لايقين على اللوحة، رعب و وحشية و مصاصين دماء
عندك الرسم حلو بس يدك محتاجه تمرين حتى تتحرك بإنسيابية.. يعني لا تتركي التدريب و الممارسة،
تلوينك و تظليلك حلو بس حاولي تستخدمي تدرجات الألوان مع الفلاتر و الأدوات الجاهزة، لما تدمجي بين هذا و ذاك بيعطيك نتايج روعة.
pharaoh
أنت مستخدم ستايل أنيمي و هذا الستايل يعتمد على الزوايا و الأشكال الهندسية فما بقدر أعلق على أسلوبك في الرسم
اما تلوينك اذا كنت أخترت التدرجات بنفسك فحلو كثير,, تعاملك مع اللون يساعدك في عملية التظليل كثير، جرب ترسم أو تلون لوحات فيها تفاصيل أكثر من كذه و حاول تطلع عن ستايل الأنيمي، طبق ألوانك المفضلة و تدرب على فلاتر الدمج و التنعيم، أتوقع نتايجك تكون حلوة, بالتوفيق.
killuapica
هذا بطلنا ماشاءالله عليه
رهيب يا كيلو بيكا ، متعامل مع لوحة 3D ، يعني بين رسم و تصميم و محاكاة، شيء حلو ^^
تعديلك ع اللباس و السلاح و القبضة بالذات أعجبني كثير ، كلها اللوحة إبداع بس فيه أمور طفيفة بتحتاج تعدلها مستقبلاً
عندك بعض الحدود مو ناعمة بما يكفي و مخربة الإنسجام في أجزاء اللوحة.. بس ما اتوقع بتكون مشكلة بالنسبة لك مادام موهبتك كذه، شوية تدقيق و بتضبط، أن شاءالله نشوف لك أعمال آخرى، بالتوفيق .
رجل من الماضى
أحلى ما في لوحتك تلوينها، متقن و مرتب، تدرجات حلوة و تظليل مضبوط و مؤثرات في مكانها، أبدعت.
الرسم كمان موهبة حلوة ماعدا خلل بسيط في بعض الأجزاء، يعني حاجات بسيطة تكاد لا تذكر.. الكف مثلاً و الكتف الأيسر..
لما جيت تلون ، ليش تركت المسدس و ما دلعته زي بقية اللوحة
؟ ماعطيته حقه في التظليل و الإضاءة.. صاير لا ينتمي ^^"
موهبتك حلوة كثير، أن شاءالله دوم للأفضل، بالتوفيق.
yugi moto
أنت منجد تلوينك شيء رهيب، الشعر و الملابس بالأزرق و الحذاء .. تلوينهم متقن و الدمج و التدج عاطيين منظر محترف
الأجنحة لا تنتمي صايره كأنها مع الخلفية مش مع الشخصية لأن درجات الألوان أختلفت، حاول تحافظ على مستوى واحد حتى تنسجم اللوحة مع بعضها،
عندك تفاصيل مهتم فيها و طالعة حلوة الي هي الي عددتهم فوق، اما البقية فشكلك عالسريع أو لأن ألوانهم داكنة مو واضحة تفاصيلهم..
عالعموم، تلوينك حلو كثير، خلينا نشوف لك لوحات فيها مساحات أكبر ^^
بالتوفيق لك.
AY
لوحتك فيها إختلاف، حدود جايه بالألوان زي حدود الشعر و بعض أجزاء الملابس،
و حدود راسمها بالأسود، حاول تتبع ستايل واحد ، اما حدود ملونة أو سوداءبيطلع أنسب.
الرسمة بشكل عام ظريفة بس فيه أجزاء بحاجه لإهتمام من حيث المقاسات، عندك الكف و الجبين (الا اذا كانت الشخصية كذه شكلها اصلا فما يحتسب خطأ) ..
مشاركة حلوة، بالتوفيق أخوي.
نتائج مسابقة ال New Look
)
رد: نتائج مسابقة ال New Look
!
!
رد: نتائج مسابقة ال New Look
