اخيرا ..

**عماد 18** · 13-12-2001, 01:24 AM

اغلبكم يعرفون المسلسل المكسيكي اللي صار لما كنت بقابل بعض الاعضاء في الرياض ..
اللي واعدتهم 10 و شرفوا 11 ..
المهم في حديث يقول لا يلدغ مسلم من جحر مرتين و بما اني في الشرقية قلت خل نقابل الشبيبة الي هنا و تواعدت انا دجو بعد صلاة التروايح في ستاربكس لكن كنت مبيّت -اخس ياللغة- النية اني ما اكون هناك الا الساعة 8:15 ..
وصلت لستاربكس في تمام الساعة 8:25 و طبعا محد شرف قبلي -الظاهر مكتوب علي انلطع دائما و ابدا ؟!- و جلست للساعة 8:40 و اشوف واحد جالس يقز من بعيد لبعيد لبسه بصراحة ما ادري وش يبي

عليه ذوق ماحصلش المهم حسيت انه تو كول الاخ جلس يدور حول المقهى حتى جاه الوحي و عزّم انه يخربها طبعا الواحد المفروض يجي من قدام الشخص اللي يشك انه يعرفه لكن توكول زي ما قلت سابقا عليه ذوق ما حصلش و جا من وراي ؟!
انا توحشت قلت هذا الظاهر تايدوس جاي يزنطني .. و اقوم ...
لكن الاخ قال :عماد ؟
انا : هاه ؟؟
توكول : عماد ؟ -على باله رفع صوته-
انا مليت و قلت ايه خل نشوف اخرتها ..
ويجيك تو كول على يسلم و انا الى الحين ما ادري من هو ؟!
انا : من معي ؟
توكول :يوسف ..
انا :هاه ؟!
توكول: يوسف
هلا حياك و نجلس نسولف المشكلة ان يوسف على باله انه في ميتل جير يعني جالس يتكلم مع نفسه و يحسبني اسمع

عن طريق النانوماشينز مو راضي يرفع صوته ..
و كل دقيقة و الثانية اقول له هاه ؟ ما سمعت ؟؟
و بعده بشوي وصل عثمان و زبطت الجلسة لكن للاسف كلنا مشغولين الا تو كول انا جاي اطلع شريحة جوال باسم اخوي -حتى ندبر الفاتورة حقتي- و بهذه المناسبة احب ابشركم انه اللي يبي رقم جوالي يرسل ملف علاقي و يراجعنا بكرة

و داج مشغول مع اهله فما طولنا الجلسة ربع ساعة و كل واحد ذلف لشغله ...
المهم ترى هالاجتماع ما خش مزاجي ودي لو كانوا اكثر من كذا بس ادري انه وقتي مثل خشتي لذا شباب ودنا نتقابل مرة ثانية و المرة هذه انتم حددوا الوقت ..
سلام ..

**عاشقة كيد** · 13-12-2001, 01:34 AM

لا وأخيراً

بس إش فيه يوسف طلع مؤدب

**باباسنفور** · 13-12-2001, 01:38 AM

عماد اشهد انك مقرود بهالعالم

دجو منحاش من امه قالها بروح البقاله وارجع وتوهق

وتوكول فاضي منسم قايل لاهله بروح البحرين كاشخ وجايب على قولة عماد ملابس ما ادري وش تبي

<...... على باله كان معهم

المهم ياعماد اضبط وضعك وتعال للرياض
والا الوعد عيد الضحيه نجيكم هناك

**داج2222** · 13-12-2001, 01:39 AM

هع هع سلامو عليكووووووووووو

تصدق عماد طلعت اوسم من صورتك ما شاء الله رسمي و حركتات

الا تصدق انا اتصارع مع الظروف علشان اقابل هالخشش الزوينه قطيت اهلي في قؤاد سنتر قالوا لي قط ثياب خوي ابوك مسافر لجده لاخوه في الدوحه الي بعد الخبر بـ4 كيلو كذا و ارجع لنا انا حرقت الكامري وصلت الراشد بزمن قياسي من فؤاد للراشد 4 دقايق

مع ان دوريتين باغيين يحقطون لي و تكيت مع الشباب الين ما دق اخينا اخو راعي الثوب استاذنت من يوسف بعد ما راح عماد و ذلفت عطيت الرجال اغراضه و رجعت قضيت للعيد شماغ و زحمه بعدين رجعت لاهلي و البنزينE

**عاشقة كيد** · 13-12-2001, 01:45 AM

ياأخوي والله متعب نفسك يعني كل هذي البهدلة عشان ربع ساعة ياأخي خليها مرة ثانية وتكون برواقة وجلسة رومنسية مو زي المهابيل بسرعة بسرعة

**داج2222** · 13-12-2001, 01:48 AM

كتب العضو (عاشقة كيد)
ياأخوي والله متعب نفسك يعني كل هذي البهدلة عشان ربع ساعة ياأخي خليها مرة ثانية وتكون برواقة وجلة رومنسية مو زي المهابيل بسرعة بسرعة

لا لا ما يصير....

عماد معنوياته ماش بعد الجحده الاليمه بالرياض قلت ما ينفع على الاقل سلام و تم و لله الحمد

**عاشقة كيد** · 13-12-2001, 01:54 AM

زي ما يقولوا:

كلمة ولو جبر خاطر *** ولا سلام من بعيد

**داج2222** · 13-12-2001, 01:57 AM

كتب العضو (عاشقة كيد)
زي ما يقولوا:

كلمة ولو جبر خاطر *** ولا سلام من بعيد

انا سلمت من قريب

<<<<عرق عباطه

**عاشقة كيد** · 13-12-2001, 02:03 AM

لا عادي تدري عندي نفس عرق العبط يعني مو عبيطة بس أستعبط يعني تقدر تقول : إستعباط - إستهبال - إستغباء وجيب عالطريق إي فعل وحطه على وزن إستفعال

**MoaeD** · 13-12-2001, 03:06 AM

مبروك يا عماد

بعدين لا تصجني على طلعة الرياض انا ما قررت الجيه الا باللحظه الأخيره (يعني كذا 10.30 ) تعرف زحمة كوبري الخليج على الملك فهد كم يبيلها لكن وصلت انا 11 الا ربع يعني بعد ما رحت بشوي فلا تقعد تحطها فوق راسي

بعدين انا جاي احسبكم مستانسين ومجتمعين طلع ما جاء الا اليكس:":

**MoaeD** · 13-12-2001, 03:08 AM

الا على فكره يا عاشقه اسمراني مدري عاشقه كيد بكم قاطه على هالموضوع؟

**باباسنفور** · 13-12-2001, 06:04 AM

كتب العضو (B.B.Q)
الا على فكره يا عاشقه اسمراني مدري عاشقه كيد بكم قاطه على هالموضوع؟

اقول رجع قطتها لااتفاهم معك

**Xenon** · 13-12-2001, 07:12 AM

والله موعدكم خايس ياعماد مالقيت الا اليوم وبعد التراويح وبرمضان انواع الزحمة والعزايم تشتغل ... خلاص نشوف وقت ثاني نسوي جمعه كبييييييييييييييره زحمه نسوي نجمع اهل جده على الرياض على الجبيل على الدمام على الخبر ... بس مب نتفشل زي ذيك المرة كل شوي جاي رجل الامن ويقول وخرو شباب عن الطريق خلونا نجلس ...

بعدين وين قاعدين فيه احد يجلس يواعد بالراشد اخر شئ يطلعون اثنين بس تبي تواعد واعد أمة محمد كللللللللللللللللللللللللللهم .... سو زحمة زهق الامن

...

بس الى الحين البنات ماسوو جمعة وش رايكم نسوي جمعة بالعيد بنات المنتدى وعيال المنتدى ونخل قهوة بقسم العائلات كل واحد يختارله عضوه ويدخل ...

>>> عاد انتم على الريحة تصدقون...

وشكرا

.

**DARK WOLF** · 13-12-2001, 03:03 PM

وعلى قولة القايل:
إشرب شاهيك قبل لايبرد!!!!!!!

**TOO COOL** · 13-12-2001, 03:48 PM

ههههههههههههههههههههههههه

انا من رحت على طول عرفته وقلت ماابغى ادخل إلا لمن يجي داج

ورحت خذيت لفه

ولقيت المجمع فاضي:": وقلت اروح لعماد

أول ماشافني عماد قالي (جاي ترقص انت :": )

بعدين كلها نص ساعه إلا وهم ماشين

انا مامشيت إلا الساعه 1

الموضوع: اخيرا ..

أدوات الموضوع

اخيرا ..

...

ضوابط المشاركة