[درس] عمل أنميشن في الـ RPG Maker XP ..
بسم الله الرحمن الرحيم
السـلام عليكم ورحمة الله وبركاته
====
الشرح
====
1- ابدأ مشروع جديد واضغط على Tools ثم ادخل على الـ Database أو اضغط على F9
2- افتح على صفحة الـ Animation واحفظ هذه الصورة لأننا راح نستخدمها بالأنميشن ..
3- سم الأنميشن بإسم Inferno Gate وغير موضع الأنميشن الى Middle والـ Frames الى 25 .
الآن نبدأ بعمل الأنميشن ..
4- اذهب الى الـ Frame الأول واضغط على الـ Battler الموجود .. وراح يطلع لك الأنميشن في العمود الأول .. حاول تضبط مكانه .
5- بعد ما ضبطنا الأنميشن الأول .. نروح للـ Frame الثاني .. وراح نلاحظ انهم محددين مكان الأنميشن الأول في اول Frame ..
6- اضغط بنفس المكان في الـ Frame الثاني .. واضغط على الأنميشن مرتين .
1) هذا انواع الأنميشنات في العواميد الثانية .. مثل عندك العمود الأول هو الأنميشن اللي راح نستخدمه والعمود الثاني فاضي والعمود الثالث فيه نار صغيرة .. الخ
2و3) هذي احداثيات الأنميشن في الـ Frame المحدد .. يفضل انك ما تغييرها لأنك ضبطها بالماوس .
4) هذا من الأوامر المهمة جدا ً في عمل الأنميشن - Zoom - .. ووظيفته انه يقرب ويبعد الأنميشن ( من 20-800 )
5) وهذا بعد من الأوامر المهمة جدا ً في عمل الأنميشن - Angel - .. ووظيفته انه يدور الانميشن ( من 0-360 درجة )
6) هذا الأمر لعكس صورة الأنميشن افقيا ً Horizontal .
7) وهذا من الأوامر المهمة في عمل الأنميشن - Opacity - .. ووظيفته هي الشفافية ( من 0-255 )
8) هذا الأمر مهم Blending.. ولكن مهو بكثرة .. ووظيفته انه يغير اعدادات الأنميشن الى - Normal - عادي .. و شفاف كـ Screen في الفوتو - Add .. أو على لون الخلفية - Sub - .
7- طيب .. الحين تعلمنا اشياء كثيرة .. نرجع لعمل أنميشننا .
8- ارجع الى الأنميشن الأول ونخلي الـ Zoom على الـ 25 و Opacity على 20 .
9- راح تلاحظ انه الأنميشن صار صغيير في الـ Frame الأول .. طيب روح للـ Frame الثاني ونخلي الـ Zoom على الـ 35 و Opacity على 40 .
10- كرر العملية مع كل الـ Frames الـ Zoom +10 والـ Opacity +20 .. اليين ما توصل للـ Frame رقم 10 .. غير الـ Blending الى Normal
11- انسخ الـ Frame العاشر والصقه في الـ Frame الـ 11 و 12 و 13 و 14 و 15 .. وانسخ الـ Frame الـ 9 والصقه في الـ 16 ,وانسخ الـ 8 والصقه في الـ 17 ,وانسخ الـ 7 والصقه في الـ 18 ,والـ 6 في الـ 19 ,والـ 5 في الـ 19 ,والـ 4 في الـ 20 ,والـ 3 في الـ 21 ,والـ 2 في الـ 22 ,والـ 1 في الـ 23 .
12- ادري طولناها كذا .. الحين في الـ Frame الـ 16 .. غير الـ Angel الى 20 .. وفي الـ 17 الى 40 .. وفي الـ 18 الى 60 .. الين ما توصل للـ Frame الـ 23 .
طيب الحين انتهينا من عمل الـ Frames ووضع الأنميشن .. ويبقالنا الـ SE and Flash Timing .
1) رقم الـ Frame اللي راح يبدأ فيه الحدث ..
2) أصوات من نوع الـ SE اللي راح تحدث عند بدأ الـ Frame المحدد .
3) الشرط .. هذا في حالة اصابة العدو راح يشتغل شرط الـ Hit واذا لم يصاب العدو راح يشتغل شرط الـ Miss .
4) هنا الـ Flash اللي راح يحدث للعدو أو يحدث للشاشة .. أو اخفاء العدو لمدة من الـ Frames .
5) هنا لضبط ألوان الفلاش .
6) الـ Strength لقوة الفلاش .. فإذا كان 255 راح يظهر الفلاش بصورة واضحة واذا كان 0 ما راح يظهر .. وكإختصار للمعنى .. هو مثل الـ Opacity .
7) هذا لعرض الفلاش/الصوت لمدة من الـ Frames .
اوكي .. نكمل انيميشننا
13- اضغط مرتين على الـ SE and Flash Timing .. وفي الـ Frame اختر 3 .. وفي الـ SE اختر Action02 ( رقم 087 ) وغير الـ Volume الى 90% .
14- وفي الشرط .. اختر Hit وفي الـ Flash .. اختر Target .. اضع هالألوان :
Red : 255
Green : 136
Blue : 136
15- والـ Strength ضعه 187 والـ Duration ضعه 6 .
16- اعمل نسخة من الـ SE and Flash Timing والصقها تحته .. و غير في الشرط وخله Miss والـ Flash ضعه None .
17- مبروووووووووك عليك الأنميشن الجديد .. وان شاء الله استفدتوا من الدرس واذا في أي سؤال انا جاهز .. واعذروني ع الاطالة ..
بالتوفيق ان شاء الله
والسـلام خير ختام
المشاركة الأصلية كتبت بواسطة PrinceOfSorrow
Thank you alot Sami
