الاون لاين

[impreza971]

السلام عليكم شباب
وياكم اخوكم باسم من مسقط
بس حبيت اسئلكم بعدكم تدشون الاون لاين ؟ وين احصلكم فاي لوبي؟ واي غرفه ؟ وكيف اعرف مواعيدكم ؟ في بطولات

انا النك مالي i971
ابي العب مع شباب الخليج عشن لما العب مع شباب اوروبا يكون في لاق والواحد بصراحه بيكره اللعبه بسبب هذا اللاق لعدة اسباب منها:
ماتجدر تعرف مستواك الحقيقي لان لما يكون عندك لاق صعب تسجل اهدف وصعب تدافع وتطلع مهاراتك فالدفاع وخبرتك
وثاني شي لما يكون عنده لاق تجدر تسجل اهداف لين ماتجول بس وماحلوه لانه ماماخذ راحته فالدفاع يعني ماتجدر تتجول لنفسك لعيب بس بمجرد انك جبت عدة اهداف عليه ولا انا غلطان ؟ الصراحه لعب الواحد يضيع بالاون لاين بوجود اللاق انشالله تكون ماموجوده فالشريط الجديد او السوني3

علما باني العب بيس6 بلاي ستيشن2 ومشكورين

[Ronaldo 9]

عليكم السلام

هلا أخوووي باسم

نورت المنتدى بمشاركتك

بخصووص اللاق كلاااامك صحيييح 100%

كثرت المواضيع عن اللاق وطبعا الكل يكره اللعب باللاق

المشكلة هي البعد الكبير بينا وبين الأجانب

وأيضا ضعف إتصال الانترنت مقارنة بالدوول الأجنبية التي تصل سرعة DSL عندهم أحيانا إلى 32 ميجا

وهذي المشكلة رااااح تنحل بالإصدار القادم PES 2008

وأتوقع إنه راح يكوون هناك فرق كبيييير طبعا في الأونلاين ونظام البطولات وغيرها

[محمود22222]

ياريت تخبرني اخوي عندك نسخه اصليه ولا مكسوره حمايه
اذا ممكن توفر لي نسخه مكسوره اهم شي تشتغل وبعطيك الفلوس اهم شي شريط
انا بعد من مسقط

[impreza971]

مشكور اخوي رونالدو عالرد فعلا اكيد بيكون في فرق باللعب لان عندهم السرعه كبيره وايد عشن كذا انا ماتحملت كل ما لعبت مع واحد قام ويجولي بالانجليزي cheater و lagger
وماعارف ايش هههههه يحسبوني بالعمد مسوي كذا مع انه يجي عندي شوط سريع وشوط بطي
بس مامشكله انشالله تكون محلوله فالشريط الجديد

[impreza971]

هلا اخوي محمود انا عندي النسخه الاصليه وصديقي عنده محل فاول سوق السيب تعرفه على ما اعتقد مال العاب سوني وكذا وانصحك لاتشتري النسخه بيس6 الاصليه الحين واعتقد مامتوفره يمكن احسن اشتري نسخه اصليه من الشريط الجديد اللي بينزل بيس2008 احسلك

[محمود22222]

بس اعتقد الشريط الجديد مو الي عندهم بلستيشن نوع pal اي اعرف المحل قصدك قمه العاب or top game

[Ronaldo 9]

الشريط الي بينزل شهر 10 راح يكون حق PAL

والي حق NTSC راح ينزل شهر 2

دوومه الأمريكي متأخر

[impreza971]

انا عندي السوني مالي نوعه بال وشريطي بعد بال بيس6
واخوي رونالدو عندي سؤال واكيد انته عارف من خبرتك انا عندي تطلع السرعه عندي 100mbps
وسرعة تصفح المواقع سريعه يعني بدون تاخير وانا استخدم طبعاadsl
وسؤالي هو ماهو نوع الكونكشن ونوع السرعه المطلوبه لتجنب اللاق فاللعبه فالاون لاين ؟
ومكشور اخوي لاني ناوي ابدل بس عشن اللعبه !!!! تحياتي

[Ronaldo 9]

أخووي impreza971

يجب أن تملك سرعة إنترنت رهيييبة لتجنب اللاق لا تقل عن 10 ميجا

وهذا طبعا غييير متوفر عندنا في دول الخليييج للأسف

أكبر سرعة وصلنا لها إحنا 2 ميجا

شوووف الفرق

[فراس يوسف]

اهلا اخوي ..

يبي لنا سنوات عشان نصل لهذي السرعه ..

وفرصه طيبه اننا تلاقينا في السيرفر

[impreza971]

صج انها سرعه رهيبه عندهم واحنا هنا مامتوفر عندنا نفس سرعتهم
بس بعدني بغير لان السرعه عندي ماتنفع يمكن وبحول وبخليها انشالله 1mega او 2mega
بيكون اكيد احسن وفعلا انا اكتشفت انه مومن بعد المسافه هو سبب الللاق والسبب هو بسبب السرعه اللي نستخدمها لاني لعبت مع فراس يوسف وواجهتني نفس المشكله بالضبط مافي اي فرق ومشكور اخوي رونالدو عالتوضيح وانشالله انا اذا بجي الامارات فاقرب وقت راح اجولك عشن نتلاقى واباريك بعد

[3okal]

أخووي impreza971

يجب أن تملك سرعة إنترنت رهيييبة لتجنب اللاق لا تقل عن 10 ميجا

وهذا طبعا غييير متوفر عندنا في دول الخليييج للأسف

أكبر سرعة وصلنا لها إحنا 2 ميجا

شوووف الفرق

يا جماعة المشكلة يمكن يكون الها علاقة بالأتصال بس تأكد اذا كان عندك اتصال 2mb فأنه اكثر من كافي.... على كل الاحوال السبب الرئيسي هو الجهاز نفسه واللي جرب يلعب pes 2007 على الـXBOX360 اكيد رح يفهم قصدي انا العب باتصال 512 عليه بدون اي مشكلة يعني المشكلة في الجهاز + السرفرات بشكل رئيسي اكثر من الاتصال......المستقبل للاجهزة الحديثة رح يكون ايسر بالنسبة للاون لاين

[impreza971]

السلام عليكم انا سمعت انه اذا تقفل صوت المعلق وتسوي off لعدم اظهار اسمه في بداية المباراه واغلاق التشات اثناء المباراه راح يخفف الللاق فاللعبه . عموما انا جربت هالخطوه بس للاسف مافي تغيير يمكن خف بدرجة واحد فالميه( شالفايده) احسه وكانه زاد بعد . المهم انا ابي اعرف الاجابه الشايفه الاخ رونالدو هل اللاق سببه هو سرعة اتصالي بالشبكه ام ان هناك امور اخرى بصراحه امس والله بغيت ارمي السوني مالي من فوق السطح بسبب اللاق هالك الكل والله هلااااااااااااااااااك . علما بان سرعتي طلعت عندي اقل من 512

[أسير الكلمة]

السلام عليكم

انا جديد على اللعب أونلاين

بس الحمدلله خلال هاليومين اللي لعبتهم
بالنسبة لعدد المباريات .. كلش قليل يصيدني لاق

السرعة عندي 512 و ألعب على PS2

[Ronaldo 9]

السلام عليكم انا سمعت انه اذا تقفل صوت المعلق وتسوي off لعدم اظهار اسمه في بداية المباراه واغلاق التشات اثناء المباراه راح يخفف الللاق فاللعبه . عموما انا جربت هالخطوه بس للاسف مافي تغيير يمكن خف بدرجة واحد فالميه( شالفايده) احسه وكانه زاد بعد . المهم انا ابي اعرف الاجابه الشايفه الاخ رونالدو هل اللاق سببه هو سرعة اتصالي بالشبكه ام ان هناك امور اخرى بصراحه امس والله بغيت ارمي السوني مالي من فوق السطح بسبب اللاق هالك الكل والله هلااااااااااااااااااك . علما بان سرعتي طلعت عندي اقل من 512

هلا أخووي

طول بالك شووي

لا ترمي البلاي ستيشن ولا شي

اللاق سببه وايد أشياء من بينهم سيرفر كونامي التعبان

على العموم انتظر شهر ونص راح ينزل الشرييط اليديد

وما راح يكوون فيييه لاق أبدا

يعني بتلعب وانت مرتاااااح الأعصاب

ولا اتشييل هم اللاق