طلبت ال360 من أمريكا وتوهقت

[الفتى زيدان]

السلام

تعرفون إن في نسخ جديدة من ال360 فيها hdmi , من سمعت هالخبر وأنه يتحمل اكثر طلبتها من أمريكا ووصلتني هني الكويت , المهم إنه في شغلة ماحطيتها ببالي وهي إن كهربة الكويت غير كهربة أمريكا علشان جذي لما حاولت اشغل الجهاز مو قاعد يشتغل

رحت الرحاب وكلمت المحلات عن المشكلة وقالوللي حلها إنك تشتري محول كهربة , راوني إياه صاير مثل مربع أسود كبير ( شكله يجيب الهم ) ويبيونه ب 10 دنانير

يعني لازم ادفع 10 دنانير على شي كريه مثل هذا ؟ مافي حل ثاني ؟ ال ps3 لما شريته كان نفس الشي كهربتة مو معدلة لكهربة الخليج بس حلها كان بسيط وكل الي كان مطلوب هو فيشة تركبها عالواير وتشتغل تام

آخر شي بس ياليت لو تأكدولي هو لازم هالمحول الأسود الكبير علشان اشغل الجهاز ولا في حلول ثانية ؟

ومشكورين مسبقاً

[PremaFrost]

مع الاسف لازم تشترى المحول الكبير ولا ماراح يشتغل معاك مبروك على ال 360

[DRAC]

فيه نوع من المحولات استخدمه لبعض الاجهزه عندي صغيررررررره حييييييل في حجم قبضه اليد يفي بالغرض
روح لمحلات الكهرباء بتلاقي اشكال وانواع

ومبروك على الاكس بوكس

[SN!PER WOLF]

لازم المحول فرق فالكهربه,, يمكن احنى كهربتناا اقوى عنهم ولا العكس ما اعرف

بس انا اذكر قبل كانت عندي الدريم كاست

فيني فضول ابغي اجرب اشغلها بدون البلااك

ولماا ركبتها ,,,,,,,,, اشتغلت وضلت تدوور بسرررررع جنوونيه وطلع منها دخان ابيض من كثر السرعه

و بعدين بندت الدريم كاست وتمت تشتغل اشهور عقب اختربت و صلحتهاا في المحل

وخلااص

يعني لا تحاول تشغلها بدون بلاك

[فوق المستحيل]

الف مبروك مقدما وانشالله تتهني

اي المحول لازم او قولهم يقدرون يبدلون لك الفيوزر الداخلي وتشتغل دايركت لكن ان كنت تحاتي لا تقولهم يحولونه لك دايركت

شنو مشكلتك مع المحول..الكل هني يستخدمه وماشيه امورهم عادي

احس فيك بالبدايه تزهق..لكن بعدين يصير الموضوع عادي

اي نسخه خذيت..الاسود والا الابيض

اذا كان الابيض

لو شاري الاكس بوكس الاسود افضل..فرق السعر اقل والمواصفات اكثر

[xoris]

اي اخوي احسن لك هالمحول وانا شاريه بعد مع الجهاز بس عيبه انه كبير ومليييق حده والله يعينك عليه بس انصحك تاخذه لأنه يحافظ على حرارة الجهاز بالنسبة لكهربه الكويت قويه 220 فولت

وشكله شنه جهاز انعاش مال وحده القلب اللي بالمستشفيات هههههههههه

[ZiDaNe 5]

المهم إنه في شغلة ماحطيتها ببالي وهي إن كهربة الكويت غير كهربة أمريكا علشان جذي لما حاولت اشغل الجهاز مو قاعد يشتغل ً

سؤال لمن حاولت تشغله ما احترق المحول
كهربت امريكا 110 فولت
الكويت 220 فولت

يعني احترق ؟_؟

[TIZEN]

تلاقيه نفسه بمركز سلطان ارخص يمكن ب5 دنانير ولا تاخذ المحول الصغير ترى بسرعه يحترق

[TIZEN]

تلاقيه نفسه بمركز سلطان ارخص يمكن ب5 دنانير ولا تاخذ المحول الصغير ترى بسرعه يحترق

[Snake-87]

تلاقيه نفسه بمركز سلطان ارخص يمكن ب5 دنانير ولا تاخذ المحول الصغير ترى بسرعه يحترق

انا عندي واحد تقريبا اكبر من محول البلاي 2 بشوي .. وفيه مروحة خذيته من الأقصى .. خفيف بالنسبة للأسود ولكن صوت المروحة تقريبا مثل صوت الجهاز يعني عالي .
بس خفيف ^^

[iNFaMY]

ههههههههههههههههههههه كلنا نفس المحول
المحول العود تقول بطاريه سياره