وصلتلي لعبه heavenly sword

[MAYCRY]

السلام عليكم
توني شاري اللعبه وجربتها مو طبيعيه اتركو عنكم تقييم المواقع انت لما تجربها قيمها والموسيقى نار نارررررررررر لاتطوفكم .

[SUPER HUNTER]

مبروووووووووك عاللعبة

[Tyler]

مبروك اللعبة .. وكلامك صحيح ،

It's a must have for every PS3 owner

[meshofesho]

مبروك عليك اللعبة

وفعلا الشخص هو اللي يقيم اللعبة بنفسه

[Lavi]

السلام عليكم ورحمة الله وبركاته

مبروووك عليك اللعبه اخووي

وباجر ان شاءلله بتنزل بالكويت لاني اتصلت على محل عالم الخيال

وقالي باجر وسعرها 20 مثل ماقالي

[Saoud89]

بالمبارك يالغالي

الصراحه لعبة روعه

بس ماني عارف اقتل الزعيم الاخير

في الفاينل باتل بعد ما تحاول تقتله ياخذك مكان ذاني بعيد عن الحرب علشان تتقاتلون فيه

بس و انا هناك شاير الله يعين انشالله

و عساكم عالقوه

[MAYCRY]

السلام عليكم
الله يبارك فيكم انا شريتها من جيم سينتر والله ياجماعه اللعبه ممتازه يبيلك تتعود على التحكم والحركات وايد صعب تطبقهم كلهم كل استايل له حركه والجرافيكس مافي كلام عليه لاتطوفكم ياجماعه والله انا شاري السوني اول مانزل الكويت بعد نزوله من امريكا 3 ايام ولحد الحين هذه اول لعبه اجربها على السوني تخيلو من متى عندي السوني توني اجربه

[SOLID15]

مبروك أخوى على اللعبة و هذا كلامى عنها من أول فيديو لها و بعد تجربة الديمو ايضا انها لعبة تستحق التجربة و اللعب فهى بمثابة عرض سينمائى نادر

[Lavi]

انزين بجم شريتها ؟؟

والشريط اوروبي ولا ياباني ولا امريكي

ويشتغل على الاوروبي ولالا؟

وبس

[فيصل الكويت]

لعبه تنصحووني فيها سيووف معاارك او قتال مثل النينجا

[MAYCRY]

شريتها ب 22 دينار الشريط امريكي اتوقع يشتغل على الاوربي .

اخوي فيصل الكويت:-اشترها ممتازه اللعبه ماتتطوف بس العبها واستغل حركاتها

[Lavi]

اتصلت على كذا محل بالرحاب وللأسف قالولي ماتشتغل وماراح يجيبون نسخه اوروبيه ><

[HuNTeR KiLLeR]

MAYCRY..
ممكن تقول لنا إنطباعاتك عن اللعبة بشكل مختصر
و اللعبة قصيرة مثل ما قال Gamespot ولا كيف ؟

[Lavi]

السلام عليكم ورحمة الله وبركاته

واخييييييييييرا شريت اللعبه والحمدالله اشتغلت

والله تعقدت لما شغلت الشريط طول على مايشتغل هع عبالي مايشتغل على جهازي

انقهرت

وبعدين اشتغل الحمدالله

وووصلت بعييييييييييييييد واللعبه الصراحه عجيييييييبه

اكثر شي عجبني الجرافيكس وكنت افضل قبل اني استخدم السلاسل بس مو قويه حيل

R1 + مثلث ومربع = الهجوم بالسيف الكبير
L1+ مثلث ومربع = الهجوم بالسلاسل
مثلث ومربع بس = بالسيفين

الاحسن السيف الكبير والجنود يقهرون شوي

عجبتني كاي اكثر من ناريكو بس لما تطلق الاسهم صعببببببببببببه بس تعودت عليها ويعني اقدر اذبحهم

والموسيقى روووووووووووووعه والله

وضحكني البطا الي من اتباع بوهان نكته

بس مو شرط تقدر تختمها بـ6 ساعات بالضبط يمكن اكثر على حسب لعبك

بس اللعبه تستاهل انه الواحد يشتريها

والحيين داااايخ بنااام اذا رديت من المدرسه بكملها

[Modi]

انا توني شاريها الان .. والوضع ماش صراحه
اول ماشغلت اللعبه قالي لازم اسوي تنزيل للعبه !!
مو معقول كل لعبه اشتريها لازم يكون هناك تنزيلات !!

غير كذا القائمه الرئيسيه اي كلام .. مافيه الا خيار بدأ اللعبه وخيار اضافة ترجمه !!
عموما للحين مابدا اللعب بس ننتظر العرض البدايه شلون صاير