هل هذا المعالج ممتاز للألعاب

[alain22]

بسم الله الرحمن الرحيم

السلام عليكم ورحمة الله وبركاته

شحالكم ............

شخباركم............

انزين نأتي لصلب الموضوع

أنا عندي معالج intel pentium 4 640.3.20MHS
هل هو ممتاز للألعاب أم ماذا

وهل يصلح لها

الصراحه أنا مب فاهم للمعالجاة

و هل هناك أقوى منه

[wael_yemen]

شوف الصراحة أخوي هذا المعالج يعتبر قديم طبعا ....سؤالك يبغاله توضيح أكثر من حيث شو هي الألعاب اللي تلعبها وأيش نوع كرت الشاشة عندك ؟ وكم حجم الرام ونوعها؟....اذا قلت لي wow وألعاب مغامرات أو ألغاز من نفس نوعية لعبة شارلوك هولمز بنقول لك تمام راح يمشي معاك....أما اذا جيت للألعاب الدسمة مثل Battlefield الجديدة و Crysis و Fear فالألعاب اذا اشتغلت معاك راح يكون الأداء من مقبول لجيد أكثر من كذا لأ
....من ناحية أيش هو الأفضل واللي أغلب الناس جالسة تشتريه هذه الأيام فهو المعالج Intell Dual Core E6600
وهو عبارة عن معالجين في معالج واحد وبسرعة 2.4Ghz والكاش 4 ميجا بايت وهو بقيمة 915 درهم أو في حدود هذا السعر .....وهو شوف عموما بالنسبة للألعاب مو بس الواحد يهتم بالمعالج فعندك بعد الرام كم حجمها وأيش نوعها وكم سرعتها وشو نوع كرت الشاشة بعد وهل هو قوي كفاية...ما يكفي نجيب معالج قوي وكرت شاشة ضعيف....أتمنى الصور تكون وضحت
طبعا في معالجات أفضل من هذا وأغلى طبعا ولكن اذا الميزانية مفتوحة فبيصير حديث آخر وقتها

[alain22]

وكم حجم الرام ونوعها؟

عنديي رام 1 جيجا ddr2

أنا ما عندي كرت شاشه بس قريب بشتري 8800gts 320mg

و أنا اريد العب العاب مثلBattlefield الجديدة و Crysis

وهذه الألعاب

انزين من موين اقدر اشتري هذا المعالج

وهل تعرف موقع من النت اقدر اشتري منه المعالج

و مشكوووور

[wael_yemen]

ما شاء الله ممتاز عندك 1 جيجا....أول شي زود الرام الى 2 جيجا ...قول لي ليش؟
لأنك بإذن الله قريب بتشتري كرت 8800 اللي 320 ميجا وهو كرت يدعم الدايركت أكس 10 طبعا ....وعشان تلعب بيع وتستمتع بالكرت لازم تلعب ألعاب صنعت بالدايركت أكس 10 مثل الCrysis اللي ذكرتها أنت....وبما أنك راح تلعب الCrysis فإجباري راح تنزل الفيستا.....الفيستا لوحده يبغاله 1 جيجا رام عشان تستخدمه بالراحة....واذا بتلعب على الفيستا وهذا اللي راح يصير بإذن الله فأنت تحتاج الى 2 جيجا رام على الأقل عشان ما تحس بأي تقطيع

بما أنك تبي تشتري المعالج قول لي أول أيش نوع المذربورد واسمها ورقم الموديل
وبالنسبة للمعالج ما أدري أنت بالعين بالامارات ولا بأي مدينة؟
المعالج اللي ذكرته أنا بتلاقيه بدبي شارع خالد بن الوليد مركز كمبيوتر بلازا أو مركز الخليج اللي مقابله بالضبط وهو متوفر ولا داعي لشرائه من النت ولو أرخص لأنه الرخص هنا ما راح يفيدك اذا كان فيه مشكلة ولا شي ....قصدي عشان يكون ضمانك هنا بدبي مو بمحل بأمريكا وفيها لعوزة كبيرة


أهم قبل الشراء تجاوب على سؤالي وكمان تقول لي كم ميزانيتك لأنه قد يكون في بالنسبة لميزانيتك أفضل من اللي ذكرته لك أنا فوق

[alain22]

أول أيش نوع المذربورد واسمها ورقم الموديل

DMI Motherboard Manufacturer : Foxconn
DMI Motherboard Product : P4M800P7MB
DMI Motherboard Serial Number : UL3S63906128
و الكامل
Motherboard Name : Foxconn P4M800P7MA Series (3 PCI, 1 AGP, 2 DDR DIMM, 2 DDR2 DIMM, Audio, Video, LAN)
Motherboard Chipset: VIA P4M800 Pro

وبالنسبة للمعالج ما أدري أنت بالعين بالامارات ولا بأي مدينة؟

أنا من العين بالامارات

عندي سآل اقدر ابيع المعالج إلي عندي ؟؟؟؟
وبكم بييبلي

لي كم ميزانيتك لأنه قد يكون في بالنسبة لميزانيتك أفضل من اللي ذكرته لك أنا فوق

أنها حاط ميزانيه 3800 لكل الأشياء

من النت بشتري 1200 (كرت شاشه 8800gt 320mg و مذربورد جديد )

و 800 درهم ل 4 جيجا رام حصلته في محل الموجه للأكترونيات

يعني 1800 اتصرف فيهن انت قولي الأشياء التي اقدر اشتريبها بهاذا المبلغ


في

[alain22]

نسيت اقولك اسم المثر بورد

NVIDIA nForce 680i LT SLINVIDIA nForce 680i LT SLI

[wael_yemen]

DMI Motherboard Manufacturer : Foxconn
DMI Motherboard Product : P4M800P7MB
DMI Motherboard Serial Number : UL3S63906128
و الكامل
Motherboard Name : Foxconn P4M800P7MA Series (3 PCI, 1 AGP, 2 DDR DIMM, 2 DDR2 DIMM, Audio, Video, LAN)
Motherboard Chipset: VIA P4M800 Pro



أنا من العين بالامارات

عندي سآل اقدر ابيع المعالج إلي عندي ؟؟؟؟
وبكم بييبلي



أنها حاط ميزانيه 3800 لكل الأشياء

من النت بشتري 1200 (كرت شاشه 8800gt 320mg و مذربورد جديد )

و 800 درهم ل 4 جيجا رام حصلته في محل الموجه للأكترونيات

يعني 1800 اتصرف فيهن انت قولي الأشياء التي اقدر اشتريبها بهاذا المبلغ


في

بالنسبة للبيع صراحة ما أدري اذا بيشتريه منك أصلا ولا لأ مع أنه غالبا أتوقع أنه ما بيشتري منك المعالج الا واحد يبي يسوي كمبيوتر يتعلم عليه أشياء مو واحد يبي يسوي كمبيوتر جديد...لذلك شوفلك حد من اللي يعجبهم يجربوا ويتعلموا وشوف اذا بيشتريه منك

بالنسبة للمذربورد إن شاء الله ممتازة...بالنسبة للرامات ما ذركت أيش نوعهم وماركتهم وسرعتهم كمان؟
وعشان تشغل الأربعة جيجا لازم يكون نظام التشغيل 64 بت وال64 بت الاكس بي انساه لأنه في مشاكل بالدرايفرات ....اذا الفيستا أبو 64 بت فأقول لك اصبر لين لما تنزل السيرفس باك 1 مالت الفيستا بنهاية السنة لأنه فيها تصليحات كثير لكل المشاكل اللي صايرة فيه اللي أغلبها هي مشاكل الصوت والدرايفرات....
بالنسبة لل 1800 درهم الباقية حيث يحتاجلها صراحة نصبر شوي لأنه الميزانية محدودة عندك ويمكن نحتاج أنه ناخذ معالج أٌقل من اللي ذكرت لك ياه
على العموم انت خذ باور سبلاي ماركته حلوة وابعد عن التجاري اللي يجي سعره دايما من 100 الى 300 درهم.....أهم شركات الباور سبلاي هي Thermaltake , Zalman , Galaxy
وخذ لك أقل شي 500 واط..
بالنسبة للمعالج راح تضطر تاخذ لك E6300 أو E6400 وهم تقريبا بقيمة 600 الى 700 درهم
بيبقى الكيس بس
وفي حالة راماتك من النوعية العادية فأنصحك تشتري بالباقي من الفلوس رامات من ماركة معروفة وبأقصى سرعة واعلم انك مش خسران أبدا
2 جيجا سريعة من ماركة معروفة أفضل لك من 4 جيجا من من نوع عادي والماركات المعروفة بالرامات هي CORSAIR , OCZ , GSKILL
صراحة ما أدري بالنسبة للشاشة والكيبورد والماوس والسبيكر اذا بتشتري جديد ولا بتستخدم القديم الموجود عندك....أنا شخصيا أنصحك تستخدم القديم وبعدين كل شهر تغير لك شي واحد أو كل فترة تغير شي

[alain22]

بالنسبة للبيع صراحة ما أدري اذا بيشتريه منك أصلا ولا لأ مع أنه غالبا أتوقع أنه ما بيشتري منك المعالج الا واحد يبي يسوي كمبيوتر يتعلم عليه أشياء مو واحد يبي يسوي كمبيوتر جديد...لذلك شوفلك حد من اللي يعجبهم يجربوا ويتعلموا وشوف اذا بيشتريه منك

لو راعي المحل بيشتريه مني بكم سعره علشان ابيعه معالجي (intel pentium 4) وسرعة 3.20 ghz

وفي حالة راماتك من النوعية العادية فأنصحك تشتري بالباقي من الفلوس رامات من ماركة معروفة وبأقصى سرعة واعلم انك مش خسران أبدا
2 جيجا سريعة من ماركة معروفة أفضل لك من 4 جيجا من من نوع عادي والماركات المعروفة بالرامات هي CORSAIR , OCZ , GSKILL

أنا حصلت من الرامات 2 جيجا ب 300 درهم عند راعي المحل ( الموجه للكمبيوتر )

على حسب نصيحتك لي

على العموم انت خذ باور سبلاي ماركته حلوة وابعد عن التجاري اللي يجي سعره دايما من 100 الى 300 درهم.....أهم شركات الباور سبلاي هي Thermaltake , Zalman , Galaxy
وخذ لك أقل شي 500 واط..

أنا عندي واحد زين وإذا لازم بشتري واحد بس بكم سعر الأصلي

بالنسبة للمعالج راح تضطر تاخذ لك E6300 أو E6400 وهم تقريبا بقيمة 600 الى 700 درهم
بيبقى الكيس بس

أنا حصلت واحد ب 800 درهم من نوع دبل كرو 2 وبسرعة 2.66 ghz شو رايك فيه و في اكيد احسن منه

انزين وشو الكيس وبكم سعره وشو فائدته ؟؟؟

صراحة ما أدري بالنسبة للشاشة والكيبورد والماوس والسبيكر اذا بتشتري جديد ولا بتستخدم القديم الموجود عندك.

الشاشه ما بغيرها لأنها LCD 17 إنش من شركة BENQ جديد شارنها و بانسبه للكيبورد و الأشياء الثانيه بخليهن لي شهر بعدين ببدلهن


و أنا آسف على الإطاله معك تعبناك ويانا و آسفين إذا كنا ازعجناك

[wael_yemen]

لو راعي المحل بيشتريه مني بكم سعره علشان ابيعه معالجي (intel pentium 4) وسرعة 3.20 ghz



أنا حصلت من الرامات 2 جيجا ب 300 درهم عند راعي المحل ( الموجه للكمبيوتر )

على حسب نصيحتك لي



أنا عندي واحد زين وإذا لازم بشتري واحد بس بكم سعر الأصلي


أنا حصلت واحد ب 800 درهم من نوع دبل كرو 2 وبسرعة 2.66 ghz شو رايك فيه و في اكيد احسن منه

انزين وشو الكيس وبكم سعره وشو فائدته ؟؟؟




الشاشه ما بغيرها لأنها LCD 17 إنش من شركة BENQ جديد شارنها و بانسبه للكيبورد و الأشياء الثانيه بخليهن لي شهر بعدين ببدلهن


و أنا آسف على الإطاله معك تعبناك ويانا و آسفين إذا كنا ازعجناك

هو شوف الصراحة بالنسبة للسعر مو راح يجيبلك كثير....شوف سعره الحقيقي الان بالسوق وبيكون تقريبا نص سعره بالسوق لأنه مستعمل (هذا لو يبي يشتريه فعلا)
وبالنسبة للرامات ما ذكرت أي نوع اللي حصلت أبو 2 جيجا يا ريت تذكر عشان نعرف التوافقية مع المذربورد

بالنسبة للباور سبلاي لازم يكون عندك 500 واط أقل شي ويكون شركة محترمة وما يكون باور سبلاي من اللي يجي مع الكيس(الكيس هو الصندوق المعدني اللي فيه كل قطع الكمبيوتر) أو ما يكون من شركة تجارية رخيصة (غالبا الباور سبلاي مال الشركات التجارية يكون سعره من 50 درهم الى 300 درهم ........المهم لو 1000 واط كان الباور سبلاي ورخيص ..انساه ولا تشتريه

بالنسبة للمعالج أيش هذا المعالج الديوال كور اللي حصلته يا ريت تذكر رقم الموديل مثل E6600 أو E6430 هذه أرقام الموديلات.....انت شوف أيش رقم الموديل اللي حصلته وقول لنا عليه لأنه أظن والله أعلم أنه ما في ديوال كور بسرعة 2.66 وبهذا السعر ....الديوال كور أبو 2.66 جيجا هيرتز قيمته 1000 درهم وفوق...المسألة فيها إن


الكيس مثل ما قلت لك أنا هو الصندوق المعدني اللي تحط فيه كل القطع من المذربورد والمعالج والرام والباور سبلاي والهاردسك وكرت الشاشة بحيث يكونو كلهم مركبين عليه من الداخل
أشهر شركة في الكيس هي Thermaltake وفي محل بدبي اسمه باور أوبشنز بمركز الخليج مقابل الكمبيوتر بلازا ببر دبي قريب من شارع خالد بن الوليد ...هذا المحل يجيب تقريبا كل أنواع كيسات شركة الThermaltake وأسعاره طبعا ما نقول غالية ولا رخيصة...تقريبا زي أسعار النت اذا ما كان في شوية زيادة

طبعا لما تشتري الكيس المسألة مو عشوائية تختار الشكل اللي يعجبك وبس....المسألة فيها أنك تشوف مسار التهوية لقطع الكمبيوتر وهل هي جيدة لأنه الكمبيوتر اذا كان مثل المسجون داخل الكيس وحرارته مرتفعة وقت اللعب ممكن يطفي كل شوي ويسوي ريستارت ...لذلك أنت لما تختار الكيس تشوف أول شي التهوية والنوعية للألمنيوم وحجم الكيس وتشوف طبعا الشكل الخارجي اذا يعجبك ولا لأ
وهذه صورة لواحد من الكيس اللي تصنعها الشركة وهو بقيمة 560 درهم بهذا الحدود

[alain22]

وبالنسبة للرامات ما ذكرت أي نوع اللي حصلت أبو 2 جيجا يا ريت تذكر عشان نعرف التوافقية مع المذربورد

صالت راعي المحل قالي عنده نوعية كينق ديم الصراحه أول مره اسمعبها و سرعة (533mhz)

بالنسبة للباور سبلاي لازم يكون عندك 500 واط أقل شي ويكون شركة محترمة وما يكون باور سبلاي من اللي يجي مع الكيس(الكيس هو الصندوق المعدني اللي فيه كل قطع الكمبيوتر) أو ما يكون من شركة تجارية رخيصة (غالبا الباور سبلاي مال الشركات التجارية يكون سعره من 50 درهم الى 300 درهم ........المهم لو 1000 واط كان الباور سبلاي ورخيص ..انساه ولا تشتريه

احسنه حرامي قالي 450واط أحسن نوعيه ب 2000 درهم السعر مرتفع جداًَ صح ولالا

بالنسبة للمعالج أيش هذا المعالج الديوال كور اللي حصلته يا ريت تذكر رقم الموديل مثل E6600 أو E6430 هذه أرقام الموديلات.....انت شوف أيش رقم الموديل اللي حصلته وقول لنا عليه لأنه أظن والله أعلم أنه ما في ديوال كور بسرعة 2.66 وبهذا السعر ....الديوال كور أبو 2.66 جيجا هيرتز قيمته 1000 درهم وفوق...المسألة فيها إن

قالي نوعية بونتيوم d مديل E965 وسرعته 2.66 mhz وسعره 800 درهم

الكيس مثل ما قلت لك أنا هو الصندوق المعدني اللي تحط فيه كل القطع من المذربورد والمعالج والرام والباور سبلاي والهاردسك وكرت الشاشة بحيث يكونو كلهم مركبين عليه من الداخل
أشهر شركة في الكيس هي Thermaltake وفي محل بدبي اسمه باور أوبشنز بمركز الخليج مقابل الكمبيوتر بلازا ببر دبي قريب من شارع خالد بن الوليد ...هذا المحل يجيب تقريبا كل أنواع كيسات شركة الThermaltake وأسعاره طبعا ما نقول غالية ولا رخيصة...تقريبا زي أسعار النت اذا ما كان في شوية زيادة

طبعا لما تشتري الكيس المسألة مو عشوائية تختار الشكل اللي يعجبك وبس....المسألة فيها أنك تشوف مسار التهوية لقطع الكمبيوتر وهل هي جيدة لأنه الكمبيوتر اذا كان مثل المسجون داخل الكيس وحرارته مرتفعة وقت اللعب ممكن يطفي كل شوي ويسوي ريستارت ...لذلك أنت لما تختار الكيس تشوف أول شي التهوية والنوعية للألمنيوم وحجم الكيس وتشوف طبعا الشكل الخارجي اذا يعجبك ولا لأ
وهذه صورة لواحد من الكيس اللي تصنعها الشركة وهو بقيمة 560 درهم بهذا الحدود

عطاني سعر مرتفع ايضاً قالي من أحسن النوعيات ب 2560 درهم مع وضع القطع بداخله
بس الكيس كبير


شكلي بشتري من النت كل هذي الأشياء بكون ارخص بكثيييييييييييييييير

[alain22]

تعرف موقع يبيع معالجات قويه وبسعر رخيص

[wael_yemen]

صالت راعي المحل قالي عنده نوعية كينق ديم الصراحه أول مره اسمعبها و سرعة (533mhz)



احسنه حرامي قالي 450واط أحسن نوعيه ب 2000 درهم السعر مرتفع جداًَ صح ولالا



قالي نوعية بونتيوم d مديل E965 وسرعته 2.66 mhz وسعره 800 درهم




عطاني سعر مرتفع ايضاً قالي من أحسن النوعيات ب 2560 درهم مع وضع القطع بداخله
بس الكيس كبير


شكلي بشتري من النت كل هذي الأشياء بكون ارخص بكثيييييييييييييييير

أيش اللي 450 واط ب 2000 درهم!!!!!!!!!!
هذا الرجال من الحين أقول لك انساه على طول يبغي يبيع أي شي وخلاص ....حتى الرام اللي معطيك ياها معطيك أقل سرعة للرام DDR2 ....انسى هذا المحل
اصبر انسى النت شوية انت ليش ما تروح دبي بالأول وتشوف شارع خالد بن الوليد أو مركز كمبيوتر بلازا أحسنلك وتشوف القطع اللي تبيها هناك أحسنلك ...هذه نصيحتي أول شي....عشان الضمان ما تتلعوز فيه واذا تبي أسماء المحلات بدلك مباشرة عشان توفر وقت كمان

[wael_yemen]

شوف انا ما أقولك على طول تنسى النت....قصدي لا تستعجل وتشتري من النت على طول لأنه مرات تكون الاشياء موجودة بالسوق وعملية شرائها من النت تكون مكلفة أكثر على الفاضي.....لذلك المسألة تعتمد أول شي على القطع اللي بتشتريها وهل هي موجودة بالسوق ولا لأ....وإذا موجودة هل هي أرخص ولا لو جبت من النت أرخص؟...
أنا بقول لك المختصر المفي من تجربتي الخاصة....انا مجرب اشتريت من النت ومجرب من السوق ومخلط كمان سويت كمبيوتر بعض القطع من النت والآخر من النت.....المعالج والكيس والباور سبلاي اشتريهم من السوق...كرت الشاشة بالنت أرخص صح لكن انت تخاطر بحكاية الضمان شوية....ما أبي أخوفك لكن في ناس مرات يخرب الكرت أو يصير له شيء مثل ما صار لي أنا

أنا اشتريت كرت GTX7900 قبل سنة ونص تقريبا
وقبل خمسة أشهر اخترب عليا مدخل من المدخلين لكرت الشاشة ....طبعا رجعته قبل نهاية الضمان وخيروني من ثلاث خيارات
1.أستلم كرت جديد GTX 7900 له بس أنتظر عدة أيام
أو2. استلم كرت جديد من GTS 8800 أبو 320 ميجا الرام
أو 3. استلم 1000 درهم كاش.....طبعا أخذت الكاش وزودت فلوس شوية واشتريت الGTS8800 أبو 640 الرام
لو انت مكاني فاتها مشكلة بأمريكا وأوروبا يدخلوا بمرحلة اسمها RMA وشغلانة طويلة عريضة

لذلك أنصحك أنت تشتري كرت الشاشة من السوق ولو شوية في زيادة بس عشان الضمان...

بالنسبة للنت أنصحك بالرامات بس لأنه سعر السوق بالرامات الممتازة خيالي شوية وبالنت ممكن تجيبها أرخص

[alain22]

أيش اللي 450 واط ب 2000 درهم!!!!!!!!!!
هذا الرجال من الحين أقول لك انساه على طول يبغي يبيع أي شي وخلاص ....حتى الرام اللي معطيك ياها معطيك أقل سرعة للرام DDR2 ....انسى هذا المحل

نفس كلامك أنا ما بتعامل وياه ابداً

اصبر انسى النت شوية انت ليش ما تروح دبي بالأول وتشوف شارع خالد بن الوليد أو مركز كمبيوتر بلازا أحسنلك وتشوف القطع اللي تبيها هناك أحسنلك ...هذه نصيحتي أول شي....عشان الضمان ما تتلعوز فيه واذا تبي أسماء المحلات بدلك مباشرة عشان توفر وقت كمان

قولي اسماء المحلات ويا ارقام تليفوناتهن لو سمحت

شوف انا ما أقولك على طول تنسى النت....قصدي لا تستعجل وتشتري من النت على طول لأنه مرات تكون الاشياء موجودة بالسوق وعملية شرائها من النت تكون مكلفة أكثر على الفاضي.....لذلك المسألة تعتمد أول شي على القطع اللي بتشتريها وهل هي موجودة بالسوق ولا لأ....وإذا موجودة هل هي أرخص ولا لو جبت من النت أرخص؟...
أنا بقول لك المختصر المفي من تجربتي الخاصة....انا مجرب اشتريت من النت ومجرب من السوق ومخلط كمان سويت كمبيوتر بعض القطع من النت والآخر من النت.....المعالج والكيس والباور سبلاي اشتريهم من السوق...كرت الشاشة بالنت أرخص صح لكن انت تخاطر بحكاية الضمان شوية....ما أبي أخوفك لكن في ناس مرات يخرب الكرت أو يصير له شيء مثل ما صار لي أنا

أنا اشتريت كرت GTX7900 قبل سنة ونص تقريبا
وقبل خمسة أشهر اخترب عليا مدخل من المدخلين لكرت الشاشة ....طبعا رجعته قبل نهاية الضمان وخيروني من ثلاث خيارات
1.أستلم كرت جديد GTX 7900 له بس أنتظر عدة أيام
أو2. استلم كرت جديد من GTS 8800 أبو 320 ميجا الرام
أو 3. استلم 1000 درهم كاش.....طبعا أخذت الكاش وزودت فلوس شوية واشتريت الGTS8800 أبو 640 الرام
لو انت مكاني فاتها مشكلة بأمريكا وأوروبا يدخلوا بمرحلة اسمها RMA وشغلانة طويلة عريضة

لذلك أنصحك أنت تشتري كرت الشاشة من السوق ولو شوية في زيادة بس عشان الضمان...

بالنسبة للنت أنصحك بالرامات بس لأنه سعر السوق بالرامات الممتازة خيالي شوية وبالنت ممكن تجيبها أرخص

على كلامك بصبر شويه

[wael_yemen]

بالليل إن شاء الله أول ما أوصل من التراويح بكتب لك الأسماء للمحلات