$$**--المقدمة--**$$
قال شخص ما في يوم من الأيام "زر غبا تزدد حبا" و معنى كلمة غبا بين فترات متباعدة و لهذا .........
STOP FFS !
ايش الكلام الفاضي دا ؟ إيش قاعد تخرف و تقول يا طلال ؟ على فكرة انا طلال
سوري شباب و صبايا << أثر قناة LBC الجانبية ! ما علينا !
المهم كنت بأقول سوري و أسف ! فأنا أمر حاليا بجنون يسمى جنون القراية! و تقدر تشكر جرايد "الشرق الأوسط ، عكاظ ، الحياة ، الوطن " على المقدمة اللي فوق ! و إذا حابب تتصور الوضع اللي أنا فيه هدي قصتي
قبل بدأ الدراسة بحوالي أسبوع رجعت من السفر كنت متحمس ! أبغى أرجع لروتين الإجازة ! "سهر + نت + نوم ساعتين إذا طولت + حشيش " لكن أكتشفت إن القدر يحمل أسرارا لي لم أكن أعرفها ! << توه قاريها من جريدة !
كنت بأقول و انا داك اليوم في السيارة بأسوي وظيقتي الأساسية بالنسبة للوالدة "سواق"و ماشي على مهلي في شارع فرعي << لازم تشوفني و انا أسوق مع أهلي ! والله تقول سواق اندونيسي غشييييم
المهم جا واحد سقط عليا إلا الله كان حيصدم السيارة! و ساعتها نسيت إن الوالدة في السيارة و أستعملت لفظ غير حضاري إطلاقا " يلعن أبو اللي علمك تمسك الدركسون
" << نص ساعة يسب
و من يومها بدأت دائرة العنف السلمي و الحروب الباردة و الحارة مع الاهلملعون أبو جدف اللسان ! ما علينا ! حاليا أنا في صلح رسمي مع الوالد و الوالدة لكن المشكلة الدراسة بدأت و "إنت توجيهي " "ثالث ثانوي مستقبل " "روح يا حمار ذاكر" و روح تذاكر ما أحتاجها ! غرفتي سارت حاليا سجن ! فين مايكل سكوفيلد ؟ لمن تبغاه الشي ما تلاقيه ! وجع ! ما علينا ! كنت بأقول غرفتي دحين :
لا TV << أحلى يا عصري
و لا PS2 و لا PC << أحلى يا إختصارات
حتى رواياتي ممنوع أقراها ! << ما تحسو إنه فتح الموضوع يشحت
_______________________
$$**--حصار--**$$
و بسبب الحصار العجيب استيقضت هواية القراية في راسي بشكل جنوني !
أقرأ يوميا 4 جرايد و كم مجلة ! <<أعيد قراية نفس المجلة 5 أو 6 مرات لإن مافي مجلات يومية للأسف .
و ما ننسى القران طبعا ! على فكرة أنا دحين واصل في الجزء 19 إذا كان يهمك و أخر دلائل الجنون فتح علب أدويتي عشان أقرأ ديك الأوراق اللي أول ما نفك الأدوية نلاقيها و يكون مصيرها الزبالة أو بطن أخوك/أختك الصغير/ة ، و على فكرة ما أستبعد أنا كمان أبدأ أكل أوراق لإني بأسير بخطى ثابتة في طريق الجنون ! يا عالم طفشان !
ليش تطالع فيا كدا ؟
بتسألني عن الادوية ؟
صباح الخير !
_______________________
$$**--مريض--**$$
سارلي أسبوع مريض انفولزا عبيطة جات يوم 1 رمضان اللي كان يوم خميس في السعودية و معظم الدول العربية ما عدا ليبيا اللي أحب أوجه سلام لهم هنا
المهم كنت بأقول كنت حاسس بدوخة و تعب و سخونة و حلق كأنه مغروس دبابيس و أنا تعودت السخونة من فترة لفترة و سرت ما أروح الدكتور بسببها كثير لكن لإني سارلي سنة ما رحت الدكتور عشان حساسيتي المزمنة قلت نذبح تيسين بسكينة وحدة و أروح الدكتور عشان أكشف على مرضين << الأخ فيه عرق يهودي ؟
و على العموم كان التشخيص انفولونزا حادة زادت بسبب حساسيتي >> على فكرة ! ما تلاحظ إنك تروح المستشفى و تنتظر ساعة أو 2 و بعدين تدخل 5 دقايق و تطلع ! إذا ليش بقية خلق الله يفعدوا 657862 ساعة ؟
سؤال يطرح نفسه في برنامج " أنا مخبول " في قناة محشش دوت كم الساعة 17:00 و هو على فكرة وقت غبي !
دحين تخيل واحد يسألك كم الساعة تقول الساعة 17:00 ما تحس إنك عبيط ؟ يا اخي يمدحوا الساعة 5 بعد العصر لمن يكون محمد الحلاق بيشرب عصير في الكافتيريا القريبة! ما تتوقع ساعتها بيكون تحديد الوقت أسهل كثير؟ ما علينا >>
_______________________
$$**--نهاية--**$$
تسأل عن هدف طرح الموضوع ؟ لا هدف محدد إلا إذا تقدر تدق على الوالد 0555555555 و تقوله يرحم ولده الحبيب طلال أكون شاكر لك !
ملاحظة :
حفظك الله يا عبدالله بن عبدالعزيز ال سعود ! اليوم إجازة << عمره ما شاف إجازة >.>
المهم مبرووك للكل بمناسبة رمضان و اليوم الوطني و مرور ذكرى 11 سمبتمبر السادسة >.>
ملاحظة أخيرة :
أسف يا مشاري ! لكن بإذن الله راجع في الأيام دي و أكون قد كلمتي
المشاركة الأصلية كتبت بواسطة TiTaN
والله الديك احيان يكون مزعج وانت تدق سيجارة << مو حشيش اقصد دخان زي اللي يطلع من القطار 
وهاتك قراية والوالدة تطالع
