][ عندك اقتراح لتطوير القسم وجلب الاعضاء .. تفضل بالدخول ][

[D.D.S]

السلام عليكم و رحمة الله و بركاته

كيف الحال ؟

العنوان واضح

اللي عنده اقتراح من مثل ..

زيادة اقسام ..

كيفية جلب الاعضاء

و و الخ

يعطينه رايه ,,

==

ادارة منتديات السيارات

==

[Crazy Nsx]

عندي راي

شووف ايش راايك

افضل موضووع وراائع ومميز نضعه عند منتدياات السياارت مع تقريراللكزس وكذا الاعضااء رح يشوفونو

زي موضووعك مشاء الله

ونقااااط وترشيح غير القاااب...

هذا الي عندي وانشاء الله يعجبكم..

اخووكم نواف

[D.D.S]

ما فهمت قصدك عدل ..

قصدك الى المميزه ؟

ولا اعلان خارجـــي ؟

طبعا اذا موضوع يستاهل يستاهل ترشيح ..

الالقاب >> اول شىء التميز .. بعدين نشوف

بس المشكله مافي موضوع كبير يستاهل من كتابة العضو او من تصويره و التقرير

\=\=

[Crazy Nsx]

موضووعي انا التقرير

[D.D.S]

قصدي اكبير >> شامل .

والحين نحتاج تقارير بو كم سطر .. احسن من الشامل ..

==

[Crazy Nsx]

طيب وتقريري اللمرجيني كبيير وشااامل ولا لا عبدالله اعرضو مع اللكزس حتى الاعضااء يردو

[BreaKawaY]

وعليكم السلام اخوي عبدالله

شرايك تسوي مسابقة فقسم السيارات

غير التصميم

يعني تقدر تقول :: موضوع مميز بالفعل

بس نحتاج تصويت ..

ونختار بعض المواضيع المميزة وبعدها نسوي التصويت

والتصويت يدخل فيه الاعضاء والمشرفين

وان شاء الله مع هالطريقة .. يستوي في اقبال اكثر على اقسام السيارات

ويمكن يسبب فجذب الاعضاء فالقسم

ما ادري اذا انتو مسوين هالشي من قبل او لا ؟

وهذا اللي عندي الحين

وخلني افكر اكثر

[Crazy Nsx]

والله فكرة رووووعة صراااحة مشاء الله عليك يااريت نطبقهااا

[D.D.S]

وعليكم السلام اخوي عبدالله

شرايك تسوي مسابقة فقسم السيارات

غير التصميم

يعني تقدر تقول :: موضوع مميز بالفعل

بس نحتاج تصويت ..

ونختار بعض المواضيع المميزة وبعدها نسوي التصويت

والتصويت يدخل فيه الاعضاء والمشرفين

وان شاء الله مع هالطريقة .. يستوي في اقبال اكثر على اقسام السيارات

ويمكن يسبب فجذب الاعضاء فالقسم

ما ادري اذا انتو مسوين هالشي من قبل او لا ؟

وهذا اللي عندي الحين


وخلني افكر اكثر

ما فهمتها عدل .. !!

يعني اسوي موضوع تصويت .. لافضل موضوع ؟


وبعدين ؟

[InterVideo Win]

بسم الله الرحمن الرحيم

السلام عليكم ورحمة الله وبركاته

اخوي عبدالله اشكرك على فتح هذا الموضوع الجميل

اقتراحاتي كألاتي :

A- وضع مواضيع للنقاش في القسم العام

ويكون الموضوع في بداية الأمر يطرح من قبلكم

ومن ثم يناقش الأعضاء في هذا الموضوع

اعرف انه صعب في البدايه ولكن في النهايه راح نشوف الفرق

وبعد فتره يمكن يطرح العضو موضوع للنقاش

الفائده من هذا الإقتراح :

1- تنشيط القسم ( تفاعل الأعضاء - كسر الحاجز بين الأعضاء والمشرفين ...الخ)

2- تساعد العضو على الأخذ والعطاء ومتابعة الردود بشغف وهذا يصب في مصلحتة لانه راح يكسب معلومات ويصلح بعض النقاط التي كان يعتقدها في ذلك الموضوع ...

3- من الممكن ان تضعوا مسابقة افضل رد في موضوع النقاش

B- وضع مسابقات عامه في القسم

والمسابقات كما قال اخي بريك ( عبدالله ) مو شرط تكون تعديل في السيارات

ليه ما تكون معلوماتيه ( س\ج)

ومو شرط يكون عليها نقاط ترشيح .... الهدف هو التفاعل وتنشيط القسم

هذا ما لدي الأن ....

وفق الله الجميع لما يحبه ويرضى

اخوكم

Inter

[BreaKawaY]

اشكرك اخوي InterVideo Win على تفاعلك فالموضوع

وانا وياك فاللي قلتله

وعلى طاري الفكرة اللي عرضتها على المراقب عبدالله

نسوي تصويت للمواضيع ونختار المميز

ويكافئ عليها كاتب المووع

وبعدها

[BreaKawaY]

اشكرك اخوي InterVideo Win على تفاعلك فالموضوع

وانا وياك فاللي قلتله

وعلى طاري الفكرة اللي عرضتها على المراقب عبدالله

نسوي تصويت للمواضيع ونختار المميز

ويكافئ عليها كاتب الموضوع

ويدخل فالتصويت الكل .. ادارة ومراقبين ومشرفين واعضاء

وعندي تعليق صغير على كلام اخوي InterVideo Win

المسابقة ممكن الاعضاء يدخلون في تجهيز الاسئلة مع الادارة والمشرفين

وبعدها ان شاء بيرتقي المنتدى بكم كبير من الاعضاء النشيطين والردود والتفاعل

وانا عن نفسي اقولك ياخوي عبدالله .. توكل على الله وأبدأ بالخطوة الأولى

ونحنا من وراكم .. لأن الموضوع نحنا ما نقدر نبدأ فيه

واشكرك اخوي عبدالله على طرحك للموضوع واشكرك الاعضاء على التفاعل معانا

[D.D.S]

انا حاليا مشغول و مضغوط بشكل كبير
اي موضوع ما عطيته رد ..

اعذروني .. غدا ان شاء الله

عطوني ليل او يوم راحه عن المنتدى >> قسم السيارات

وباجر باذن الله و اوعدكم

بدرس اللي قلتوه

و نبدأ على قولتك

اللي فهمته للحين

سمعوني ..

باجر باذن الله ..

بكتب موضوع قصير ليكم

ليش قصير .. و الصور مو من تصويري من النت طبعا >> السموحه

قصير كــ معلومات ..

و نتناقش فيها ..

طبعا عن سياره وحده .. انا اعطيكم اياها

مانبي شكرا و بس

ناقش اي شىء فيها

رايك عنها مواصفاتها ..

او بالنسبه لي ..

واسم الموضوع لنتناقش عن سيارة كذا كذا الكذا رايكم الخ ..

كذا اسم الموضوع ولا ايش رايكم

طبعا مناقشه قصيره و اسوي موضوع اخر و هكذا ..

ليما كم موضوع انا اسويه بعدين دوركم و هكذا

نقاش واضح

ياهو نقاش عن سياره او احط معلومات قصيره عن سيارتين

ولا اب شنو تبون نتناقش فيه شباب ؟ رايكم

==

السؤال الثاني ..

اوكِ موافق بس كيف يعني كل اسبوع

اوكِ

بس نحتاج مواضيع ماهي منقوله طبعا

و نعطيه جائزه كل اسبوع .. اول اسبوع 20 نقطه بعدها 40 او 50 او اقل و هكذا

ولا ايش رايكم

؟

--

اللي يعرف صديق له او ولد عمه اواواواو الخ يصيرله ويحب يشارك معانا فاليخبره و حياه الله ويانا ..

او تدزون حق الاعضاء بالمنتدى هذا رسايل و تخبروهم عن القسم ..

ويجزاكم الله خير

--

نبي مصمم يصمم لنا توقيع الكل يحطه !

==

اي نقد بالكلام اللي انا قلته

خل يحط رد عنده من الحين او عنده ليــ 5 العصر او 11 بالليل

بعدها ببدي باللي انا قلته

ما بينا شىء ..

بارك الله فيكم

==

[KING OF DANGER]

السلام..

هلا أخوي عبدالله

الصراحه أنا معك بالي قلته..

وأنا مستعد أحط أول موضوع نقاش..

وناوي أحطه عن سيارتين..وان شاءالله المنتدى بيولع حماس..

وبالنسبه للتواقيع أيضاً..

أنا مستعد إني أسوي التواقيع..

لكن عطوني الصور المطلوبهـ والكلام المطلوب كتابته عليها..

تحياتي...

[D.D.S]

السلام..

هلا أخوي عبدالله

الصراحه أنا معك بالي قلته..

وأنا مستعد أحط أول موضوع نقاش..

وناوي أحطه عن سيارتين..وان شاءالله المنتدى بيولع حماس..

وبالنسبه للتواقيع أيضاً..

أنا مستعد إني أسوي التواقيع..

لكن عطوني الصور المطلوبهـ والكلام المطلوب كتابته عليها..

تحياتي...

حبيب والله ..

ننتظر موضوعك اخوي العزيز ..

وعن التواقيع

ماعندي اي مشكله ..

انت اختار الصور و كله من شغلك و دزلي اياه >> الصوره فقط بالخاص مو اهني ..

محد رد علي اب رد 13# ؟

منتظركم

==