زوجة ولد خالي

[hod hod]

السلام عليكم ورحمه الله وبركاته

كيف الحال كل ابوكم ؟


قبل امس
دقت علي زوجة ولد خالي تسلم علي وتبارك لي بالعيد
اخر وحده توقعتها تتصل هي هالبنت هذي
ليش ؟
نرجع بالسالفه لورى
خالي شخص ملتزم جدا جدا الالتزام الصحيح
عنده اهم شيء اذا جا يزوج ابناءه او بناته الدين والاخلاق
فبصراحه زوج عياله غير شكل
المهم ولد خالي الكبير تزوج بنت من جنسية عربية (بدون تحديد علشان لاحد يتهاوش خخخ )
فالعائلة كانت معارضه هالشيء
وكثير منا تحامل على بنت الناس قبل لايشوفها
مو انا ترى انا مو فارقه معي خخخ
ماعلينا
بيت خالي بجده وولد خالي برضو بجده
رحنا بهالاجازه لجده وجلسنا بييت خالي مدة 3 اسابيع
وكانت زوجة ولد خالي موجوده هناك بسبب ان زوجها مسافر
انا شايفتها من اول بس اطول مده شفتها فيها نصف ساعه فماطاحت الميانه
بس والله بعد ماجلست معها 3 اسابيع
واهلي نفسهم عاشروها
الكل اكتشف انه غلطان
بنت ناس وملتزمه وطيبه
حافظة القرأن ومستتره احسن من كثيررر اعرفهم
ودمها خفيف وراعية واجب وفزعه
المهم اني صادقتها بعنف هناك
خالي الله يجزاه خير يساعد الناس وله علاقات مع العراقيين فكان يسوي موافقات لهم علشان يدخلون لمكه ويعتمرون
فيه منهم يالله عنده ياكل فوين بيسكن ؟
بيت خالي كبير وشايل الكل
وبرضو اكتشفت ان العراقين طيبين ..
يوم مازاروا الحرم لأول مره
كان منظرهم يبكي ..
يقطع القلب والله
الحمدلله على النعمه ان احنا عايشين بأمان ونزور الحرم متى مابغينا ..

كان هناك تجمع جنسيات عديده بصراحه والحمدلله بسرعه تأقلمت معهم وحبيتهم كلهم..
والى الأن اتذكر منظر حرمه عراقيه كبيره يوم ماجت تروح وهو تضمني وتصيح والله شيء يقطع القلب ..
تقول ماراح نشوفكم مره ثانيه ..

الله يعينهم بمصيبتهم يارب

نرجع لموضوعنا
بعد مارجعت من جده
كان بيني وبين زوجة ولد خالي رسايل وكذا وخفت مع الوقت
رحت للمدينة بأخر الاجازه وهناك في بنت خالي زارتنا واكتشفت الخبر المحزن بالصدفه ..
الله يسامحها امي ماقالت لي خافت اتأثر بس ولو كان مفروض اعرف ..
زوجة ولد خالي
فقدت
امها واختها الصغيره (عمرها 10 سنوات ) وجدتها بيوم واحد بحادث سياره ...
انصدمت من الخبر وضاق خلقي عليها بالحييييل
المهم انا توقعتها تزعل مني لاني ماعزيتها ...
وماستجرأت ادق واعزيها وخبر وفاة اهلها له 3 اسابيع ..
فقلت بلاها اتصل واجدد المواجع ..
وتوقعت انها بتكون زعلانه مني لان اهلي عزوها وانا لا
انصدمت انها دقت علي قبل امس تعايدني ..
والله تفشلت من نفسي بشكل
حسيت ان ودي الارض تنشق وتبلعني..
ماشاء الله عليها البنت
تضحك وتسولف
مادري لو كنت بدالها وفقدت الي فقدته كيف كنت بعيش
سبحان الله
الناس الملتزمه الله ينزل عليهم الصبر
سبق حضرت عزاء وحده امهم متوفيه شوفوا شق الملابس والي اغمى عليها والي ماتتكلم ..
كنت اول اضن ان الي يسوي كذا متأثر اكثر
بس طلعت غلطانه ..
هذول الناس الي مو ملتزمه ماعندهم صبر ولا يقدرون يمسكون نفسهم حتى ..


عموماً انا تطرقت لأمور كثيره بموضوعي الحكيم منكم بيفهم المغزى ...

[Yamato]

وعليكم السلام ورحمة الله وبركاته اختي

الناس الملتزمه الله ينزل عليهم الصبر

هذول الناس الي مو ملتزمه ماعندهم صبر ولا يقدرون يمسكون نفسهم حتى ..


عموماً انا تطرقت لأمور كثيره بموضوعي الحكيم منكم بيفهم المغزى ...

سبحان الله.. لما الواحد يسخر له ربه حد او طريقة عشان يتدارك نفسه في بعض الامور....


المغزى وصل اختي.. بارك الله فيج.. وكل عام وانتي بصحة وسلامة..

[فارس المجد]

وكان لازم تعمل معك هيك !
المفروض الواحد ما يعتب بسرعة على الشخص الثاني ...
وتكون العلاقة بين الأصدقاء مبنية على البساطة والتسامح , أنا شخصياً أكره الرسميات كثيراً مع أصدقائي ما عندنا حرج في أي شي وكأننا إخوان

عموماً الله يكثر من أمثالها

[moneeeb]

السلام عليكم ورحمه الله وبركاته

كيف الحال كل ابوكم ؟




عموماً انا تطرقت لأمور كثيره بموضوعي الحكيم منكم بيفهم المغزى ...

السلام عليكم....

سلامات...ايش قاعدة تقولى... و ايش العبرة و المغزى
و عيب عليكِ انك ماتعزى الناس.. لو انا ما انام و لا اكل خاصة فى موقفك المخيف

انا بحاول احزر المغزى و قوليلى اذا انا صح:
1- لازم نعزى الناس و خاصة الاقارب و نسأل عنهم
2- صلة الرحم
3- اظن بس منى متأكد , ان الطفش يخلى الواحد يكتب اشياء و بعدين يتخيل انه فيها مغزى
4- الصبر
5- انه فى ناس طيبين و لا نحكم بالظاهر
6- عامل الناس بالمثل


اف اف اف موضوعك ماشاء الله كلة مغازى و فوازير...ان شاء الله فى جائزة فى النهاية

فى امان الله

[hod hod]

السلام عليكم

منتدى المنتدى للأسوء
شاكره للبعض الردود الغير مفهومه والبعض الأخر الردود الأستعباطيه وخفت الدم الزايده
الي مو فاهم يكرمنا بسكاته ولا يكثر هرج ولا عليكم امر

الف شكر لأخوي Yamato على الرد المحترم وعلى فهمه ايش اقول

[moneeeb]

السلام عليكم

منتدى المنتدى للأسوء
شاكره للبعض الردود الغير مفهومه والبعض الأخر الردود الأستعباطيه وخفت الدم الزايده
الي مو فاهم يكرمنا بسكاته ولا يكثر هرج ولا عليكم امر

الف شكر لأخوي Yamato على الرد المحترم وعلى فهمه ايش اقول

افا والله شكلك زعلتى منى...معليش سامحينا

بس يعنى ليش اللف و الدوران فى الرد...هههههههههههه

قولى منييييييب يا بايخ ازعجتنى بردك

المهم انا سورى اذا ضايقتك...
و صراحة ما ادرى ايش اقولك... غير
take it easy

موضوعك شدنى للنهاية, لكن ما عجبتنى النهاية لانك صرفتيها بمغزى...هههههههه
حسستينى كاننا فى فوازير لازم نحزر مغزاك

معليش على الازعاج و اخر مرة

فى امان الله

[hod hod]

افا والله شكلك زعلتى منى...معليش سامحينا

بس يعنى ليش اللف و الدوران فى الرد...هههههههههههه

قولى منييييييب يا بايخ ازعجتنى بردك

المهم انا سورى اذا ضايقتك...
و صراحة ما ادرى ايش اقولك... غير
take it easy

موضوعك شدنى للنهاية, لكن ما عجبتنى النهاية لانك صرفتيها بمغزى...هههههههه
حسستينى كاننا فى فوازير لازم نحزر مغزاك

معليش على الازعاج و اخر مرة

فى امان الله

حصل خير يالطيب
والعذر والسموحه على عصبيتي
عموما دام ماعجبك السطر الأخير احذفه ولاكنك قريته

[ناصر المحمدي]

السلام عليكم

منتدى المنتدى للأسوء
شاكره للبعض الردود الغير مفهومه والبعض الأخر الردود الأستعباطيه وخفت الدم الزايده
الي مو فاهم يكرمنا بسكاته ولا يكثر هرج ولا عليكم امر

الف شكر لأخوي Yamato على الرد المحترم وعلى فهمه ايش اقول

وعليكم السلام ورحمة الله وبركاته
لكي حق تزعلين اختي. ولكن بنفس الوقت لزوم عليكي تقدرين الظروف اللي مارين فيها,, انتي عارفة العيد وبلاويه ..الواحد بيته مليان حريم ورجال .قسم بالله من ليلة العيد الى البارحة كنت اواصل يوم كامل وانام عليه ساعتين واحيانا اربعين ساعة وانام عليها اربع ساعات . الواحد مخه يضرب ومايعرف وش يكتب ولا وش يقول ..
ولاتحسبين انه بس انتي لا والله انا خربتها مع الكل اللي يكتبلي موضوع واروح ازيد عليه واللي يكتبلي موضوع واروح اشكيله همي
المهم حقك علي اختي ,, واللحين اراسل المراقب واخليه يحذف ردي ..
ولي عودة بإذن الله


في امان الله

[hod hod]

وعليكم السلام ورحمة الله وبركاته
لكي حق تزعلين اختي. ولكن بنفس الوقت لزوم عليكي تقدرين الظروف اللي مارين فيها,, انتي عارفة العيد وبلاويه ..الواحد بيته مليان حريم ورجال .قسم بالله من ليلة العيد الى البارحة كنت اواصل يوم كامل وانام عليه ساعتين واحيانا اربعين ساعة وانام عليها اربع ساعات . الواحد مخه يضرب ومايعرف وش يكتب ولا وش يقول ..
ولاتحسبين انه بس انتي لا والله انا خربتها مع الكل اللي يكتبلي موضوع واروح ازيد عليه واللي يكتبلي موضوع واروح اشكيله همي
المهم حقك علي اختي ,, واللحين اراسل المراقب واخليه يحذف ردي ..
ولي عودة بإذن الله


في امان الله

لا لالا والله عادي اخوي انا الي اسفه عصبت ..
بس كانت قافله معي حبتين ماعليش العذر والسموحة
وخذوا راحتكم يالطيبين ..

[ناصر المحمدي]

السلام عليكم ورحمة الله وبركاته

لا لالا والله عادي اخوي انا الي اسفه عصبت ..

مايحتاج تتأسفين اختي .. انا اعتذرت لأني تلقفت وقلبت السالفة خليتك انتي المشاركة وانا الكاتب
على قولتك اختي حصل خير ..
وانا مثل ماوعدتك القيت نظرة أخرى على الموضوع, وفعلا مثل ماتفضلتي بالأخير ..

عموماً انا تطرقت لأمور كثيره بموضوعي الحكيم منكم بيفهم المغزى ...

بيني وبينك كثير منا اذا قطع صلته بشخص ينسى طبعه ويبدى يسيء الظن فيه .
وتصير مواقف كثيرة مثل ماحصلت معاكي << اكثر من مرة ( عزى , وزواج )
ولكن بالاخير نحصلهم ناس قلوبهم كبيرة ومايمسكون علينا الا الخير اللي يلتمسوه فينا
ولايلقون بال للطبع السيء فينا .
وكثير منا مايحس بالنعمة حتى يشوف بعينه حال غيره وكيف ان الله فضله عليهم بكثرة المال والاولاد..
والصبر ,, الصبر ,, الصبر ,, دليل على ثقة العبد بربه ,, والتسليم لقضاءه وقدره .



في امان الله

[Crazy Nsx]

والله شي يحزن

الله يعينكم ويعين الجميع امييين

مشكوور اختي على طرحك للموضوع الراائع ..

[shjoonal3in]

هلا أختي هدهد ... الصبر مافيه أحلى منه ...
اللهم اجعلنا من الصابرين ...
واللي يصبر ويحمد ربه عالابتلاء وما يشكيه للناس هذا من أعظم أنواع الصبر ...
تعرفين ... مشكلتنا ما نعرف من هو ربنا ...
ما نستشعر إنه أرحم الراحمين ما يبتلينا والله إلا لأنه يحبنا ...
اللهم اجعلنا من الصابرين المحتسبين اللهم آمين...

بس كانت قافله

تصدقين !! قريتها قافله << أقصد (بالفصحى مش بالعامي) فجاءت على وزن قافلة ومسيرة و ركب
من جد قعدت أضحك على نفسي