مشكلهـ اثناء تنصيب Photoshop CS3

[DoXo]

السلام عليكم

لما احاول انزل الفوتوشوب CS3 ما يتنصب معاي على الجهاز تمام

يعني اضغط على SETUP وبعدها يجيني مربع صغير - الصوره في المرفقات - وبعد ما يخلص التحميل

المربع دا يقفل ولا يكمل التنصيب !!

دحين اش المشكلهـ ؟ المشكلهـ ممكن تكون من وين ؟؟

[FinalFantasy9]

وعليكم السلام ورحمة الله وبركاته ..

ممكن اشوف شكل الايقونه الي تفتحلك هذه النافذة الصغيره ؟ .

صفحة التنزيل في الـ CS3 مافيها شي مثل هذا ابداً وعلشان كذا ابي اشوف لان يمكن في خطأ بنوع الملف او شي من هذا القبيل :] .

وشـــــــــــــــــــــكراً

[DoXo]

مشكور على تجاوبك السريع واهتمامك ,, جزاك الله الف خيـــــــر

اخوي انا نزلت الفوتوشوب من النت على عدهـ روابط وجمعتها ونصبت الفوتوشوب تمام ,,

بس بعدين فرمت الجهاز وبعد الفورمات رفض ينزل الفوتوشوب ؟؟!

الصورهـ موجودهـ في المرفقات اخوي ..

اممممممم اتوقع انو ناقص ملف اساسي من ملفات تنصيب البرنامج

اش رايك ؟

[FinalFantasy9]

انا عندي نسختين من البرنامج والفولدر الي عندي تقريباً مشابه للي عندي ..

ما اقدر احدد المشكله بالضبط لان الملف عندي شغال بشكل جيد ومامرت على هالمشكله ..

بالبداية كنت اتوقع ان كانت عندك نسخة قديمه من فوتوشوب ومن ثم حاولت التجديد وهذا اعطاك الايرور .. وكنت راح انصحك بـ "Adobe CS3Clean Script" بس بما انك توك طالع من فورمات كامل فأستغرب وجود ايرور خصوصاً انك ماتملك اي برنامج اخر من برامج حزمة الـ CS3 على الجهاز ~_~ .

جرب تشغل النسخه على جهاز ثاني فيمكن في ملف فيه مشكله .. او تشوف ممكن احد برامج الحماية يمنع الملف من العمل .

وشـــــــــــــــــــــكراً

[DoXo]

ابالبداية كنت اتوقع ان كانت عندك نسخة قديمه من فوتوشوب ومن ثم حاولت التجديد وهذا اعطاك الايرور .. وكنت راح انصحك بـ "Adobe CS3Clean Script"

انا مركب الفوتوشوب 7 يعني اصدار قديم ,, وعلى كلامك ممكن تكون المشكلهـ منهـ ؟؟

خصوصاً انك ماتملك اي برنامج اخر من برامج حزمة الـ CS3 على الجهاز

الا ركبت في جهازي برامج من حزمهـ CS3
Adobe Bridge CS3
Adobe Device Central CS3
Adobe Flash CS3 Video Encoder
Illustrator CS
Adobe Flash CS3
.....
اش هو Adobe ScriptClean??
ان شاء الله تكون نهايه المشكله على البرنامج دا

[FinalFantasy9]

اوكي عيل لنحاول اعادة خطواتنا :] .

قريت بأحد المواقع الاجنبيه من شخص واجه مشكله مع تنزيل الفوتوشوب وكان الحل بالنهاية انه قام بمسح جميع برامج ادوبي وبعض برامج التصميم الاخرى مثل الثري دي وغيرها ومن ثم قام بتشغيل المنظف اكثر من مره وبعدها قام بتنزيل الفوتوشوب xD .. ولكنه واجه مشاكل كثيرة خلال هذه الخطوات واستمرت المحاولات معه لمدة 3 ايام الى ان نجحت .

وبالنسبة للمنظف فتقدر تنزله من هالصفحه :-

http://www.adobe.com/support/contact/cs3clean.html

وتشغله بعد ماتشيل كل برامج الـ CS3 ! .

تقدر تجرب كل هذا بس صراحه لو انا منك راح افرمت مره ثانيه وانهي المشكله من جذورها لوول .. اضيع ساعه ونص في الفورمات+ابديت+تنزيل البرامج .. ولا اني اجرب حاجه ماني فاهمها وماني متأكد من نجاحها xD .

وشـــــــــــــــــــــكراً

[DoXo]

خخخخخ بس تصدق شي حلو لما الواحد يتعرض لمشكله علشان يعرف كيف يحلها !!

انا فكرت في الفورمات من البدايه وانزل فوتوشوب مرا تانية من النت وانصبـو ع الجهاز عادي ,,

بس تعرف انا قولت ابغى اعرف حل هادي المشكلهـ , ابغى اعرف عنها اكتر !!

يعني دحين مثلا اش استفد من المشكله دي , اني عرفت وظيفهـ برنامج Cs3Clean ومتي استخدمهـأ !

يعني لو واحد تاني تعرض للمشكله هادي مرا تانية , تكون عندي القدره اني اساعدهـ

دحين انا راح امسح جميع برامج الادوبي ,, واشغل برنامج المنظف ,,

بس ان شاء الله يزبط معانا ..

بس في شي ما فهمتـو منكـ ,, اش هو xD ؟

والله مشكور ياخي ما ادري اش اقولك ,, يارب يكون في ميزان حسناتك ويوفقك ويسعدك يارب

[FinalFantasy9]

خخخ .. ان شاء الله تنحل :] .. المشكله الي معاك شوي مختلفة لانك ماتقدر حتى تشغل الملف وهذا الي محيرني شوي xD .

الـ xD هي ابتسامه خخخخ .. الـ x هي العيون والـ D هي الفم P: .

وشـــــــــــــــــــــكراً

[Morex]

خخخ .. ان شاء الله تنحل :] .. المشكله الي معاك شوي مختلفة لانك ماتقدر حتى تشغل الملف وهذا الي محيرني شوي xD .

الـ xD هي ابتسامه خخخخ .. الـ x هي العيون والـ D هي الفم P: .

وشـــــــــــــــــــــكراً

خخخ تصدق حسبالي xD
تعني Xtra Dumb بس زين قلتلي
, وحق صاحب الموضوع ممكن ترد لنا عشان ابي اعرف اذا هالبرنامج الي نزلته ظبط معاك ولا لا

[SpyGuy999]

هلا والله ..

تقدر تكفى تعطيني الرابط اللي حملته منه ..

لو سمحت ..