شنو أول سيارة سقتها بحياتك

[Dr.GaMes]

السلام عليكم
.
.
.
.
.

خلونا نغير جو و نرجع لورا لاول مرة سقت فية سيارة

ونرجع الذكريات شوي لوقتنا الحاضر ونعرف شنو كانت او سيارة ساقها الاعضاء

المطلوب:

- نوع السيارة؟ وموديلها؟

-عمرك كم كان؟


ابدا بنفسي او سيارة سقتها كانت كرايسلر كونكورد الموديل اذا ماخاب ظني كان 98م


العمر كان بحدود 12 سنة

صح مامشيت فيها الا مسافة بسيطة وبطلعت الروح قدرت اوازن لكن كان يوم تاريخي بالنسبة لي

حسيت نفسي اسوق طيارة الكونكورد على غفلة


يالله لاتحرمونا مشاركتكم

[BreaKawaY]

وعليكم السلام ورحمه الله وبركاته

يسعدني اني اكون اول شخص يرد على موضوعك

الشي الثاني انا مستغرب وين الاعضاء ليش ما يردوون كلهم ؟؟

ما علينا نرجع للموضوع

- نوع السيارة؟ وموديلها؟

الله يسلمك اول مرة سقت سيارة كان عمري

كابريس اس اس وكان موديل 1996

هي سيارة خالي وقالي سوق شوي

وكنت بسوي حادث .. بس الحمد لله ربك ستر

-عمرك كم كان؟

وكان عمري 14 سنة

[Mercedes-Benz]

انا مرسيدس S500 موديل 97 وكان عمري حول 15 سنة

[hard rocker]

السلام عليكم
انا اول مره سقت سياره كان عمري 10 سنوات و كانت السياره بيوك رود ماستر بس ما اعرف موديلها و كان مالكها واحد من اصحاب جدي و بصراحه المسافه ماكانت تعدي 10 امتار بس وقتها حسيت ان العالم كله يطالعني و انا كأني خص مشهور (ماكن احد يطلعني غير جدي و صاحبه)هههههههههههههه

[رماااال]

عني أنا كانت أول سيارة أسوقها هي الكروزر 2003

و كان عمري 14 أو 13 سنه

و بعدها بسنة سوية حادث بلكسز 2003

كسرتها

البمبر طاح و نقص من نصين

[D.D.S]

قبل كم يوم >> رفيج اخوي الصغير و عمره 14 تقريبا >> اخوي عمره 14

الخلاصه ..

سايق السزوكي

وقام يشفط بالملاعب و اهو راد .. دعم و قب ..

ياخي اشلون عمره كذا و يسوق . ؟

وين الناس وين و الخ

وين ابوه بس ..

قلت حق اخوي يقوله من صجك و و و الخ
--
انا اول سياره والله ما اذكر بالضبط ..

بس شنه كانت شفر من سنة يد يدي ,, >> الطراز قديم حده

وعمري كان 14 تقريبا

==

[Crazy Nsx]

انا مااسقت


قهر وعمر الان 15 ...


مشكور اخوي على الموضوع

[ألتيمي]

اول سياره .... كامري 2001 .... وانا عمري 18 ^^

[Crazy Nsx]

انا انشاء الله بهذا العمر رح اسوق سيارة اخوي لومينا ss كوبيه .. ~ ــ^

[KING OF DANGER]

السلام..

يعطيك العافيه على الموضوع الرائع..

والي يغير الجو ويحليهـ..

أما بالنسبه لي..

فكانت أول سيارهـ جيب باترول..موديل 2001 4800 vtc

وكان عمري يمكن 12 او 13 سنهـ

ويعطيك العافيهـ على الموضوع..

تحياتي...

[BIG BOSS]

فكرة جميلة منك ^^


عني انا اول سيارة سفتها تقريباً ولحالي بشكل كامل بس برفقت
اخي الكبير
كانت مكسيما 95 وكان عمري وقتها 14 (على سحب علمي)


اما بعدها بفترة استخدمت رنج روفر 1991 ههههههههههه
لعبت فيها لعب ^^

[الــغـــامـــدي]

أول سيارة سقتها ( جيب شاص موديل 78 أو 79 ) ما أذكر بالضبط ، وكان عمري

تقريباً 15 سنة ، راح الصدام والشمعة مع أول لفة فيه داخل الحوش ( أيام حلوة والله )

[Word Life]

اول سياره سقتها كانت مرسدس بطه ..

كان عمري 14 يمكن ..