هل سوف نستبدل اجهزتنا مع ازدياد مساحة الالعاب ؟

[فوق المستحيل]

السلام عليكم

الحقيقه كلنا يعلم ان الاكس بوكس يستخدم DVD9 الذي لا يحمل سعه كبيره جدا


ولكن لو قلنا بعد عام او عامين..هل سوف يصمد DVD9 في مواجهه المساحات الشاسعه للالعاب ؟

وماهو الحل في نظركم ؟

انا اخشى ان تقوم مايكروسوفت بااصدار اجهزه تحمل مشغل HD DVD

مما يضطرنا لرمي اجهزتنا وشراء اجهزه جديده لكي نستطيع ان نواكب حجم الالعاب المستقبليه

ياريت من لديه المعرفه في مثل هذه الامور ان يخبرنا

ومشكورين مقدما

[عاشق 360]

اصدار اجهزه HD-DVD للالعاب شي مستحيل جدا جدا جدا

مايكروسوفت شركه متخصصه في السوفت وير كل مايتقدم الوقت برامج الضغط تتطور ...

وما اشوف لعبه لحد الان غير العاب الار بي جي راح تستغل اكثر من دي في دي

للعلم ان معظم العاب مايكروسوفت الحصريه ماتتجاوز ال 7 جيجا بايت >> تقدرون تشيكون من التورنت لهذه الالعاب .....

[فوق المستحيل]

مشكور اخوي عاشق

لكن البلو راي بالمقابل سوف يهدد DVD9

اتمنى ان مايكروسوفت تحلها عن طريق برامج الضغط وهذا الي يريحنا بصراحه

لكن ليش مستحيل اصدار اجهزه بمشغل HD DVD ؟

ومنورنا بمروركم

[محـ ss uae ـمد]

لكن البلو راي بالمقابل سوف يهدد DVD9

و لكن البلوراي له عيوب مقابل سعته الكبيره ..

مثلا .. ليش كل لعبه البلاي 3 اول ما تشغلها تسوي لها انستول ..؟؟؟

لان سرعه البلوراي بطيئة ..

و اول ما نزلت ريسستانس حجم اللعبه كبييييره .. و يوم تعرفو الهكر على مكونات اللعبه لقو معظمها ملفات تسريع loading

و كثير من مصممي الالعاب انتقدو البلوراي

اذا لكل شيئ مميزاته و عيوبه ..

و اذا كانت ميكروسوفت مخططه لهاذا الشي كان نزلته من قبل ..,

و اذا نزلت مايكروسوفت جهاز فيه hd-dvd راح تكون خساااره كبيره للشركه .., لان مب كل الناس راح تشتري اجهزة جديده ..

اماا انا راح اشتري لان العاب xbox 360 تستاهل

[rare games]

احس انكم مكبرين الموضوع زياده عن اللزوم عن شاري بلودارغون بثلاث سيديات والسعر نفسه يعني شنو يبي يضرني لو بدلت السي دي سي كل 10 او15 ساعه لعب ماراح ياخذاقل من ثواني اعتقد ان الامر ما يخسرنا بشي مادام السعر نفسه بدون تغيير

[محـ ss uae ـمد]

احس انكم مكبرين الموضوع زياده عن اللزوم عن شاري بلودارغون بثلاث سيديات والسعر نفسه يعني شنو يبي يضرني لو بدلت السي دي سي كل 10 او15 ساعه لعب ماراح ياخذاقل من ثواني اعتقد ان الامر ما يخسرنا بشي مادام السعر نفسه بدون تغيير

كلامك صحيح ..,

و اما اظن ان مايكروسوفت تفكر تنزل جهاز معدل ...,

لان يوجد حل و هو تكون اللعبه في عده سيديات ..,

و لكن هاذي الحالات نادره 99% من العاب xbox 360 في سي دي واحد ..

[فوق المستحيل]

كلامكم جميل

لكن يااخوان انا اتكلم عن فتره بعيده...مو هالعام ولا العام القادم

ممكن الالعاب توصل ل 50 جيجا..محد يدرى ترى !

تخيلوا تنفك حصرية ميتل جير ويعلن اصدارها على ال 360...اللعبه حجمها 50 جيجا

كيف تتصرف مايكروسوفت ؟

هذا وجه سؤالي...اتمنى مايكون حلها بااصدار اجهزه جديده..بصراحه ملينا كل يوم جهاز

[rare games]

^^^^^^^^^^^^^^^^^^^^^^^^^
وبعد ما اتوقع غير العاب الاربيجي الي تبي تاخذ مساحات كبيره والجهاز الاكس360 معتمد بشكل كبير على الشوتر

[rare games]

كلامكم جميل

لكن يااخوان انا اتكلم عن فتره بعيده...مو هالعام ولا العام القادم

ممكن الالعاب توصل ل 50 جيجا..محد يدرى ترى !

تخيلوا تنفك حصرية ميتل جير ويعلن اصدارها على ال 360...اللعبه حجمها 50 جيجا

كيف تتصرف مايكروسوفت ؟

هذا وجه سؤالي...اتمنى مايكون حلها بااصدار اجهزه جديده..بصراحه ملينا كل يوم جهاز

الحل الوحيد حاليا هو اما ملفات الضغط او اصدار على اكثر من ديفيدي واذا لعبه وحده لو لعبيتين صدرت ب3 او4 سيديات وبقيه الالعاب صدرت بدي في دي واحد ما اتوقع انه يضؤ بشي

[حمود جيرمني]

لي بعد سنتين او ثلاث يمكن نشوف xbox 720 الجيل الجديد
حالياا اعتقد dvd كافي
حتى لو كانت اللعبه على 3 اقراص مافيه اي مشكله

[rare games]

لي بعد سنتين او ثلاث يمكن نشوف xbox 720 الجيل الجديد
حالياا اعتقد dvd كافي
حتى لو كانت اللعبه على 3 اقراص مافيه اي مشكله

عمر الجهاز حااليا سنتين +بعد سنيتن = اربع سنوات يعني عمر جهاز الاكس بوكس الاول
ممكن اما الاكس360 جنه اعلنوا ان هالجيل راح يكون عمره ما بين 6او8 سنوات والسبب يرجع الى قوه الجرافكس وطبعا الجيل الي وراها راح يكون الاخير في تطوير الجرافكس على ما اظن والسبب انه راح تكون رسومه سي جي اعتقد ان ما في اقوى من رسوم سي جي حتى هذا الجيل الكثير من الالعاب تملك رسوم شيبه بعروض السي جي

[خـفـ الضــل ـيف]

ياشباب ايش بيضرنا خليهم ينزلون 10 اسطوانات مافي اي مشكلة وخصوصن اللي عندة جهاز معدل ويشغل كوبي

ماني خسران شي الكوبي رخيص

[kingx11]

اذا كانت اللعبه بتعمد على الريل تايم في الأحداث اعتقد ان 6 جيجا كافيه

وفعلآ معظم العاب الجهاز رياضيه او fps فالحجم الكبير ماله داعي الا ان كانو بيزيدون جودة الصوت او عمر اللعبه

الps3 يستهدف الrpg والألعاب اليابانيه وهالنوعيه من الألعاب لازم فيها عروض cg وتحتاج مساحه كبيره من الدسك عشان كذا مانشوفها بكثره على ال360 .

معلومه: فاينل فانتسي7 اخذت 3 دسكات على الps1 ومسكها احد المبرمجين والغى العروض فيها وحجم اللعبه ماتجاوز 330 ميجا

[فوق المستحيل]

وفعلآ معظم العاب الجهاز رياضيه او fps فالحجم الكبير ماله داعي الا ان كانو بيزيدون جودة الصوت او عمر اللعبه

اخوي لكن مستقبلا اكيد اكيد راح يزيدون جودة الصوت وعمر اللعبه وكذلك الجرافكس بعد

اعطيك مثال..في كلام ان كيل زون 2..احدى مراحلها حجمها 2 جيجا

[Gentleman]

وعليكم السلام ورحمة الله وبركاته ..

صحيح ان السعة الحجمية مهمة جدا في الألعاب وأيضا لراحة المطورين ..

لكن بالمستقبل .. لو كانت هناك لعبة حجمها مثلا 70 جيجا .. هل بتكون اللعبة مقسمة على 5 سيديات مثلا ..؟؟

اكيد هذا راح يزيد سعر اللعبة بشكل كبير على جهاز الاكس بوكس .. علما ان السوني معاها البلوراي ولي ما راح تكون معاه مشكلة ..

تعليقكم لو سمحتوا ..

وشكرا ..