PS3 and XBOX360

[laffan]

بسبب وجود الكثير من الالعاب حصرياً ل PS3 الظاهر بشتري الجهاز وبحطة جنب XBOX360, كم واحد يمتلك الجهازين مع بعض ؟

[فوق المستحيل]

انا امتلك الجهازين وفعلا الواحد الي يبي يتمتع عدل ياخذ الجهازين

[واوا أكس]

عندي الاثنين

[محترف حب 1]

عندي جهازين XBOX 360 الأمريكي ( الأليت والبريمر )

وليس لي نيه لشراء الـ ps3 لقلة ألعابه الحصريه بالإضافه الى العاب المالتي دائما نسخ الـ X360 أفضل

[ahat45]

خذ الجهازين وريح راسك........

[rare games]

انا عندي الثلاثه بعد مو بس الاثنين الاكس360 والبلاي3 والوي هم مو ناقصني الا تلفزيون الاتش دي وخلاص وانشالله يوم اثنين عندي امتحان اخلصه واشتري الاتش دي واتمتع بقوه الجرافكس واذا الواحد عنده كل الاجهزه يرتاح واكبر مثال شهر 11 هذا فيه ماس ايفكت على 360 وجلاكسي على الوي وانترشالد على البلاي3 اذا تبيهم كلهم راح توهق اما اذا عندك كل الاجهزه نفسي راح تاخذهم كلهم على العموم انا ماجل شرائهم الثلاثه مع ااسيان كريد الى الشهر الجاي لان الاتش دي راح يصفر الميزانيه

[kingx11]

اشتر الps3 في حال عندك سيوله لان العابه الجيده قليله اما لو تبيه حق افلام بلوراي اخذه وانت مغمض

[Late]

وليس لي نيه لشراء الـ ps3 لقلة ألعابه الحصريه بالإضافه الى العاب المالتي دائما نسخ الـ X360 أفضل << وعارف أن هذا الكلام ماله دخل في الموضوع

أحسن طريقة شراء الجهازين وريح نفسك

[عاشق 360]

انا عندي الويي وال 360

وممتعيني 100%

انصحك تشتري الاكس بوكس لان عليه مكتبه العاب ماتتفوت

[حمود جيرمني]

حالياا عندي الاليت
وانشاءالله ناوي آخذ سوني 3 قريباا من الوكيل

[laffan]

والله شجعتوني على فكرة نسيت اقول ان عندي wii و DS light , زين , شرايكم أخذ سوني 60 أو 40 جيجا ياباني أو امريكي وش تفرق ؟

[Mr.Chief]

والله شجعتوني على فكرة نسيت اقول ان عندي wii و DS light , زين , شرايكم أخذ سوني 60 أو 40 جيجا ياباني أو امريكي وش تفرق ؟

60 جيجا " مميزات افضل "

اوروبي " الضمان "

لا تخاف اشرطة السوني كلها فري ريجن

[Mr.X]

عندي كل الأجهزة بالإضافة لأجهزة الجيل الثاني و شاشة HD
وهذي افظل طريقة علشان تريح اعصابك وترتاح وإذا قالو لك ترا فيه لعبه قوية نزلت على الجهاز الثاني
فتشتريها وانت مرتاح لأنك عندك كل الأجهزة ..ويمكن الـ PS3 ما عليه العاب كثيره او العاب حصرية قوية
لكن من الحين راح تبدأ تنزل الألعاب القوية مثل uncharted وهالشهر بعد بتنزل Haze
وانريل تورنتمنت 3 سمعت انها بتنزل هالشهر بس ما ادري اي يوم بالضبط والـ Dual Shock 3 نزلت
باليابان وسمعت انها قريباً بتنزل عندنا يعني بالمختصر المفيد أول الغيث قطرة وأول هالقطرات هي انشارتد ..

برظوه الـ 360 ما يتفوت وعليه العاب قوية ..لكن عيبه الخرابات ..
الوي جيد لكن ما عليه العاب بقوة الأجهزة الثانية ..

[DARK PAST]

أنا عن نفسي انصح الكل ياخذ بلاي ستيشن 3 لأن العاب الاكس بوكس على البي سي وشركة بريطانية عريقة صرحت ان في المستقبل بتلعب بالعاب البي سي على البلاي 3 وكيذا تكسب الجهازين...

[Azzamov]

احم احم هذي اول مشاركه لي بالمنتدى ^_^
المُهم يعتمد في إعتقادي الشخصي
على حسب نوع الألعاب اللي انت تحب تلعبها
اذا تحب العاب ال FPS زي هيلو وكذا فأنصحك ب XBOX360
لأن فيه مكتبه العاب من هذا النوع جيده
واذا تحب الالعاب العائليه (لجميع افراد العائله )
وتحب انك تلعب رياضه وتنقص من وزنك :-)
فأنصحك بال wii

واذا تحب التنوّع في الألعاب وميتل قير وفاينل فانتسي (بتنزل في 2009) اذا فيك حيل تصبر يعني
وتشوف افلام blue-ray فأنصحك ب PS3
وأنا شخصياً كان عندي اثنينPS3
واحد اشتريته ياباني اول مانزل ب4000ريال وبعتو بخساره واشتريت اوروبي ب2499ريال عشان الضمان وبعتو ب1500 ريال
الصراحه طفشت من شي اسمو بلايستيشن وسوني واليابانيين خلاص
دحين اشتريت اكس بوكس ايليت وجيرز اوف وار وجالس العبها3 ساعات باليوم ومبسوط (ادري خرجت عن الموضوع بس من القهر اللي فيني) :-(

ونصيحه لو ماتبغا تخسر كتير بالجهاز
اشتري ابو40 قيقا الاوروبي ب1800 ريال
مع كم لعبه مستعمله ب 200 ريال
يطلع لك 2000 ريال كفايه على الجهاز
اكتر من كدا لاتدفع فيه عيوني
وفي الاخر انت حُر
وعلى قوله المثل (لولا اختلاف الاذواق لَبارَت السِلَع))

*_*