أخذت PS3 وأبي ادش اون لاين... مساعده الله يرضى عليكم...

[blood_moon]

السلام عليكم
نتمنى من المشرفين إنه
يا ريت لو تحطولنا قسم بخصوص توصيل الجهاز بالانترنت
والاشياء التي نحتاج نعملها من إيميل(إذا يحتاج) وغيره ويكون دايما محدث
بمواضيع التحديث والستوروالجديد فيها وغيره...
وهل يحتاج أكاونت !!! ياريت تعلموني لاني ما أعرف شي عنه

[Grand Marshal]

السـلام عليكم ورحمه الله وبركاته,,,

شباب انا قبل يومين أخذت بلاي ستيشن 3...

وأخذت معااااااهاااااا طبعاً اللعبه الاولى بلا جدال ومنازع Assassin's Creed
(( ترى على فكره انا اخذتها عشان اساسنز كريد))

وأخذت معاها بعد لعبه اشوفكم تمدحونها مدح مو طبيعي Call of Duty 4

المهم ياشباب ...

انا عندي دي اس ال سرعته 1024...

طبعا ركبت البلاي ستيشن واوكي شغاله تمام التمام والحمدلله,,,

ويجي معاها واير له مثل واير التلفون ... الراس الاول تركبه بالبلاي ستيشن ...

والراس الثاني رحت للمودم مالي ابي اركبه مايركب!!!

ورحت للكمبيوتر مالي ابي اركبه هم مايركب !!!

وسألت اشخاص وياي بالايميل اللي يقولي يبيلك مودم وايرلس واللي يقول يبيلك راوتر ...

وانا صراحه جديد على الراوتر ولا اعرف شنو الراوتر ولا اعرف المودم واير لس...

انا اعرف المودم العادي ... والمودم العادي عندي بس له فتحه وحده ... الا وهي فتحت خط التلفون... فـ ياشباب انا احترت مو عارف شسوي ...

راقبت مواضيع المنتدى وماحصلت على جواب ولا عرفت شنو الحل ,,,

فـ ياشباب لا تقصرون ويانا بالحلول الله يطول بأعماركم ... انا بس ابي الحل يعني شنو آخذ راوتر ؟؟؟

اذا باخذ راوتر من وين احصله من الشركه اللي زودتني بالدي اس ال والا من محلات الكمبيوتر ؟؟

أما باقي الشغلات مثل ID وهالشغلات مقدور عليها ومعروف حلها ...

ناطر الاجابه منكم...

[PS Player]

اغلب انواع الراوتر يكون فيها وايرلس اذا مو كلهم

وين تحصلة هذا يعتمد انت من اي ديرة

اذا كنت بالكويت روح حولي

وانصحك تاخذ LINKSYS-N

وهذي صورتة




وشكرا

[Grand Marshal]

انا بالكويت ... ومستعد اروح مو حولي اروح القمر ...

ووين بحولي احصله بالظبط

بس ياليت تقولي كم سعره ؟

[blood_moon]

أهلييييييييييييييييييين
ليش ما في رد,,, أشوف قسم الاكس بوكس بهذي الاشياء واااااااالع نااااار
مو نفس الPS3

[Grand Marshal]

اي والله ياليت ...
مو شرط تحطون لنا قسم عشان توصيل وما توصيل ...

نبي موضوع مثبت لكيفيه شبك البلاي ستيشن للكمبيوتر مع الدي اس ال وهذي الاشياء ...

ياشباب ساعدونا ترى منتدى الاكس بوكس مو مقصرين مع بعضهم

[saha1900]

اخوي بحولي مجمع القيروان محل لينكسس موجود بنفس المجمع من برة
وانواع الراوترات وايد ، انا عندي لينكسس ب 22 دينار ، الرينج ماله 15 متر
===
لكن انا عندي سؤال ، انت تقول ان عندك اشتراك dsl ميغا ، وما عندك راوتر اشلون تشبك ؟

[Grand Marshal]

اخوي بحولي مجمع القيروان محل لينكسس موجود بنفس المجمع من برة
وانواع الراوترات وايد ، انا عندي لينكسس ب 22 دينار ، الرينج ماله 15 متر
===
لكن انا عندي سؤال ، انت تقول ان عندك اشتراك dsl ميغا ، وما عندك راوتر اشلون تشبك ؟

شابك من المودم...

لما تشترك دي اس ال يجيك مودم وياه صغير.. انا شابك منه ...

وله فتحه وحده اللي هي فتحت خط تلفون البيت... بس

[Austin 3:16]

وعليكم السلام ..

اولا : الموضوع عن شبكة البلاي ستيشن .. واستفسار .. فالمفروض انك تضع موضوعك في قسم الاستفسارات لالعاب الشبكة ...انا نقلته هنا .. لكن اقرأ القوانين .. فلولا اهمية السؤال كنت اغلقت الموضوع ..

ثانيا : ملاك البلاي ستيشن 3 اقل بكثير من ملاك الاكس بوكس .. لذلك يمكن تشوفون الفرق في نشاط الشبكة ..

بالنسبة لمشكلتك .. ماتلقى مع البلاي ستيشن كتيب يمكن يعلمك للحاجات هذي .. يمكن تلقى فيه معلومات عن طريقة التشبيك .. وان شاء الله الاعضاء مايقصرون ..

[Grand Marshal]

اتمنى مساعده الاعضاء وعلى فكره ...

انا اشتراكي فاست تلكو... مو اي راوتر يمشي معاه... فـ ابي راوتر يشمل دي اس ال فاست تلكو...

انتظر المساعده.

[Tyler]

عطني أسم المودم اللي تستخدمه. انا اشتراكي فاست تلكو والمودم اللي أستخدمه هو 3Com OfficeConnect وفيه من الخلف 4 فتحات إيثرنت. وما أعتقد في مودم له فتحة واحدة فقط ؟_؟ ..

على العموم الشغلة ما يبغالها فنتكة صدقني .. الحين انت مو شابك DSL من المودم للكمبيوتر؟ بدال ما توصل السلك من المودم للكمبيوتر .. وصله للـPS3 بالفتحة الخاصة فيه. والكمبيوتر اشبكه وايرلس وخلاص.

[PRO~GaMeR]

السلام عليكم ورحمة الله وبركاته

اخى الكريم تقريبا انا فى الاول كان عندى نفس المشكلة
لان كان عندى USB مودم داخل فيه خط تيليفون عادى وخارج usb
على الكومبيوتر

الصراخة الشبااااب قالولى خل حلول كثير فى الموضوع (هنا)
بس انا ريحت دماغى وجبت روتر
بيدخل فيه برده سلك التليفون العادى
ولكن بيخرج اربع منافد بالسلك او بيخرج لاسلكى ايضا
وهتلاقى السلك بتاع البلاى ستيشن يركب فى المنافد با>ن الله
واى استفسار اخر انا موجود
نوع الروتر
speed touch 585i v6

[Grand Marshal]

اخوي تايلر انا نوع الدي اس مالي مو مكتوب عليه اسم وتوني عرفت انه تايواني ...
هذي صورته



وهذي هو مو الخلف




ومثل ماقلت لك له فتحه وحده مع الاسف...

[saha1900]

اخوي خذلك راوتر لينكسس وارتاح ، اول شي اتصل على محلهم وتاكد اذا يشتغل على اشتراكك ، مع اني متأكد انه يشتغل لانها سالفة اعدادات ، عنوانهم حولي - شارع بن خلدون وتليفونهم 2631419 وهذا رقم بياع عندهم اسمه حديفه 7366923

[Grand Marshal]

والله اعتقد هذا اللي راح يصير ياطويل العمر saha1900

انا يوم الجمعه بإذن الله رايح حولي...

واشكرك جزيل الشكر على المساعده الطيبه منه...

وكثر الله من امثالك...