PS3 في الكويت .. وين أفضل العروض ..؟؟

[Gentleman]

السلام عليكم ..

كيف حالكم جميعا ..؟؟

قريبا راح اشتري جهاز بي اس 3 .. وبصراحة متردد وماني عارف افضل عرض للجهاز بأفضل سعر ..

يعني هل الرحاب أضمن ان اسعاره هي الأقل ..؟؟

او مثلا محل فيرجن في السالمية يقدم الأفضل ..؟؟

وممكن الأسعار اذا أمكن ..

أخيرا .. سؤال ما لقيت له اجابة .. منو الأفضل الأوروبي او الأمريكي وليش ..؟؟

وشكرا مقدما ..

[PS Player]

السلام عليكم ..

وعليكم السلام ورحمة الله وبركاتة

كيف حالكم جميعا ..؟؟

بخير الحمد لله

قريبا راح اشتري جهاز بي اس 3 .. وبصراحة متردد وماني عارف افضل عرض للجهاز بأفضل سعر ..

يعني هل الرحاب أضمن ان اسعاره هي الأقل ..؟؟

لا ابتعد عن الرحاب ولاتقرب صوبة لان انواع الغش والنصب هناك

او مثلا محل فيرجن في السالمية يقدم الأفضل ..؟؟

الرحاب ارحم منه نصاب لدرجة مو طبيعية

_______

نصيحتي لك اخوي اذا ناوي تشتري الجهاز

روح شركة سوني

موجود لهم فرع بالمطار وبمرينا مول وبالمباركية

او روح الكترونيات الغانم عندهم تلاقي السعر ارخص من الرحاب وفيرجن

وممكن الأسعار اذا أمكن ..

على ما اذكر
PS3 + 2 sixaxis + 2 games = 185 KD
PS3 + 1 sixaxis + 1 game = 159 KD

أخيرا .. سؤال ما لقيت له اجابة .. منو الأفضل الأوروبي او الأمريكي وليش ..؟؟

الافضل بالنسبة للشرق الاوسط الجهاز الاوربي

ليش.. لان الاوربي عليه ضمان سنة

اما بالنسبة للفروق بينهم ما اعتقد فيه فرق كلهم نفس الشي

وشكرا مقدما ..

وعفوا مؤخرا

[Gentleman]

الله يعطيك العافية ما قصرت .. بس الأجهزة الي وضعتها هي 60 ولا 80 جيجا ..؟؟

وشكرا جزيلا ..

[ShinGundam]

^
^
أخوي أذكر أني شفت منشور لمحل Yoshi برحاب مسوي تنزيلات PS3 سعرها 142 و هي 80 غيغا أو 60 ما
أذكر و بعض أشرطة سعرها 10 دنانير ما أدري إذا العرض ساري المفعول لكن شوف

أخيرا .. سؤال ما لقيت له اجابة .. منو الأفضل الأوروبي او الأمريكي وليش ..؟؟

ما في فرق غير أن الأول يشغل أفلام أوروبية سواء بلو راي أو ديفيدي أصلي و كوبي المهم أوروبي أما الأمريكي يشغل أفلام أمريكية و أعتقد اليابانية من ناحية البلو راي أما ديفيديات فيشغل أمريكي

[Gentleman]

العروض الرخيصة شاهدتها لكنها للياباني فقط ..

للأسف امس رحت الرحاب وكثير ما عندهم 60 جيجا ..

الأغلب عندهم 80 جيجا بس .. ولازم اختار لعبة وحدة لانه لعبة موتو ستورم مرفوقة بالجهاز ..

عموما شرايك بالكفالة ..؟؟ ضرورية للجهاز عند الشراء ..؟؟

وشكرا ..

[PS Player]

الاسعار اللي قلت لك عنها لنسخة 60GB اوربي

[Gentleman]

ممتاز .. سعة الهاردسك مو مهمة وايد ..

عموما لاحظت في بعض الأجهزة مكتوب عليها ريجن 1 او يكون مثلا امريكي لكن صناعة يابانية وبعضها صيني .. كيف يعني ..؟؟ ومنو الأفضل ..؟؟

والله يعطيك العافية ..

وشكرا ..

[Mkntosh]

حبيبي أنا خبير واخذها مني نصيحه ويقولك اسئل مجرب لا تسئل دكتور شووف لا تقرب صووب الأوربي ولا الأمريكي لأنه الأشرطه الي بالكويت اقلبهم ياباني وامريكي فأذا أخذت الأوربي ما يشغل ياباني وامريكي بس اوربي والكفاله ما راح تهمك بس المهم يكوون الجهاز يديد والرحاب ارخص الأسعار لأن المحلات الي بالخارج كله امريكي واوربي وبخصوص الأسعار أحسن عرض وعلشان لا يغشونك 180 ويا يدتني وايرلس وشريطين من أختيارك وإذا لف وياك خله يولي لأنه بقص عليك
موفق حبيب قلبي ونسيت شغله الهاردسك مايهمك يبيلك اربع سنين علشان تترس هاردسك 20 جيجيا أنا انصحك 60 متواضع ورخيص وكويس وبالتوفيق إنشاء الله

[ShinGundam]

حبيبي أنا خبير واخذها مني نصيحه ويقولك اسئل مجرب لا تسئل دكتور شووف لا تقرب صووب الأوربي ولا الأمريكي لأنه الأشرطه الي بالكويت اقلبهم ياباني وامريكي فأذا أخذت الأوربي ما يشغل ياباني وامريكي بس اوربي والكفاله ما راح تهمك بس المهم يكوون الجهاز يديد والرحاب ارخص الأسعار لأن المحلات الي بالخارج كله امريكي واوربي وبخصوص الأسعار أحسن عرض وعلشان لا يغشونك 180 ويا يدتني وايرلس وشريطين من أختيارك وإذا لف وياك خله يولي لأنه بقص عليك
موفق حبيب قلبي ونسيت شغله الهاردسك مايهمك يبيلك اربع سنين علشان تترس هاردسك 20 جيجيا أنا انصحك 60 متواضع ورخيص وكويس وبالتوفيق إنشاء الله

حبيبي إنت من المريخ الألعاب Free region تقدر تشغل الألعاب كلها
و المسألة مسألة أفلام هذي الواحد يحاتيها و أنصح بجهاز أمريكي -يشغل أفلام
أمريكية و يابانية - أما العروض فاللعبتين واحدة من إختيارك فقط الثانية تكون
مع الجهاز - Bundle - و ياليت تراجع معلوماتك أخوي الخبير أو على الأقل
تكون واضحة

[Mkntosh]

شكو ياي من المريخ هذي المعلومات مو طايف عليها اسبوع ويكون بعلمك الأمريكي يعلق وايد وانا عندي الأمريكي والياباني والله كيفك المهم موفق انت ويا

[Lavi]

Mkntosh

هع غلطان اخوي

انا جهازي اوروبي وجربت عليه الالعاب اليابانيه والامريكيه وكلهم اشتغلوا

شلون تقول مايشتغلون؟؟

Gentleman

انصحك بالاوروبي لانه عليه ضمان

[Gentleman]

اهلا مرة ثانية ..

رحت للرحاب وبصراحة هناك عروض جيدة لكن مو ممتازة .. لكن المحلات ينخاف منهم بصراحة ..

يعني مثلا احد المحلات يقولي الكفالة غير مهمة نهائيا .. وأحد المحلات يقولي اهم شيء الكفالة .. وفي محلات تقول الأوروبي أفضل ومحلات تقول الأمريكي ..

عموما الوكالة عندهم عرض ممتاز .. طبعا الجهاز أوروبي 60 جيجا .. يدتين مع لعبتين ( موتو ستورم و رسستنس ) مع كفالة سنة بـ 175 .. بصراحة عرض جميل لكن للأسف ان اللعبتين من اختيارهم .. ولو كانوا من اختيار العميل لكان افضل عرض بالكويت ..

اخوي Mkntosh .. تسلم على المداخلة .. لكن من المعروف ان جهاز البي اس 3 يشغل جميع الألعاب وبجميع أنظمتها سواء كانت أمريكية او اوروبية او يابانية .. يمكن إلتبس عليك الأمر بينه وبين جهاز الاكس بوكس 360 ..

وشكرا جميعا ..

[المدارده]

أخواني بيوريكا ألقا 60 جيجا ولا وكالة سوني اللي بالمثنى وهل أقدر أشيل لعبة يعني بس شريطين ويدة
وما هي عروض 40 جيجا

[Madridy4ever]

يالغالي نصيحة اخذهــا مع كفالة .. علشان لا تتوهق اذا صار شي بالجهاز

انا توني شاريها من الغانم اوروبية 60جيجا مع يدتين و لعبتين و كفالة سنة ابـ 175 دينار،،
ما صارلي شهــر اليووم قعد احط الالعااب مو راضية تشغل كللش جنه مو حااط لعبة فيهاا

اخووي الصغيير مادري شمسوي عافس الدنيا ..

عااد قالولي ييبها السبت ورشة الغانم و ما يصير خاطرك الا طيب..

يعني لو تاخذ من الرحــاب بتتوهق اذا صار شي بالجهااز ..

فأنصحك يا وكالة سوني يا الغانم .. اوروبية 60 جيجــا ،، لان الكفالة مهمة

والps3 جهااز رووعه ما ينمل منه ..
موفق ..

[المدارده]

سؤال أخي ما هي الألعاب وهل أقدر أختار وهل يمكنني إلغاء يدة يعني يدة 1 ولعبة 2
وهل الكفالة سارية فقط للغانم ولا لكل وكالة سوني يعني لو وديتها لسوني يصلحونها