أستفسار عن Kane & Lynch و Ratchet & Clank

[HAMLET]

السلام عليكم ورحمة الله وبركاته

بأختصار ياليت اللي جرب الجيمز يعطينا رأيه

هل تستحق الشراء

لأن التقييم متفاوت بنسبه كبيره في المواقع

والديمو يبي له وقت حتى ينزل

الله يهدي شركة الأتصالات السعوديه

DSL 256 وصار لي فتره وأنا كل يوم أتصل أبي 2MB ويقولون المنفذ مايدعم إلا 256

<<<< تعقد

[jsz]

Kane & Lynch والله انا شيتها و تحسفت انصحك لا تقرب منها ابد و الله بالنسبه لي 10 ريال زايد عليها

[theb0ss]

بإختصار شديد .. kane & lynch زبااله .. و ratchet and clank روووعه .. و التقييم كلش مو متفاوت .. شووف المواقع عدل و دش gamerankings.com وشووف

[tobaid]

تبي الصراحه خوش لعبه وطويله وفيها اشياء تطلعها وشي جميل وسهله

[eob717]

حبيبي اخذ kane & lynch وماعليك من هالخرابيط اللي بقيم سبوت وغيره
انا كنت نفسك متردد لاقصى درجة لهاللعبة..لكن لمن اشتريتها وكملت فيها لمراحل عديدة..عجبتني وايد!!
وخاصتاً القصة..اعدادها جيد جداً
والجرافكس هم جيد .. عيبها فقط بالتحكم للأسلحة...

[SUPER HUNTER]

Ratchet عندي الديمو دايما العب وختمته اكثر من 4 مرات

[HAMLET]

جزاكم الله خير ياشباب

مشكورين على ردودكم

بيض الله وجيهكم

[Haseo Terror]

اخوي هاملت انا انصحك بلعبة Ratchet & Clank
انا لعبتها وختمتها والصراحه تستاهل انك تشتريها
وتقييمي لها 10/10
واما بخصوص لعبة Kane & Lynch
بالصراحه ما جربتها بس واحد من اصدقائي يمدحها ويقول حلوه

[HAMLET]

مشكور أخوي Haseo Terror

أنا حالياً بجهز طلب كذا جيم من أمازون البريطاني

ماقصرتم

[البيكهام هام]

شوف انا نهيت اللعبتين راتشيت اند كلانك اذا تحب العاب البلاتفورم اخذها وانت مغمض وكين اند لينش هي حلوه بس عيبها تخلص بسرعه يعني لعبه تحسسك كأنك بفيلم اجنبي تهريب من السجن انا اشوف تحاول انك تحصلها مستعمله احسن شي يعني لاتشتريها جديده

[Sparkster]

اللي ما لعب راتشت آند كلانك = مالعب بلاي ستيشن3

[meshale]

اللي ما لعب راتشت آند كلانك = مالعب بلاي ستيشن3

اشدعوه اخوي لي هل الدرجه اللعبه قويه ؟

انا ما لعبتها ولا نزلت الديمو بس احسها مالت يهال يعني تطمر على الوحش اموت !!؟؟
او اذا اللعبه كانت غير جذي يريت لو تشرحلنا شلون طريقة اللعب ؟؟

[HAMLET]

أنا نزلت الديمو Ratchet & Clank

وبصراحه هي ممتعه

تذكرني بكراش في بعض الأحيان