والله زمان يا dremecast

[خالد المنهالي]

كنت قاعد أرتب غرفتي القديمة اللي مادخلتها من سنين(لأن أخوكم تزوج وصار بوسعيد) ولقيت كرتونة قديمة,لما فتحتها شوتتوقعون لقيت فيها؟؟ dremecast.... لحظة صمت000 تصورو احساسي وقتها!!! من جد خنقتني العبرة000 تذكرت اوقات كأنها من 20 سنة مع أنها فترة ما بين 1999و2002 فعلا غريبة!! كيف مرت الأيام الحلوة بسرعة كأنها مقطع من حياتي نسيتها؟ تذكرت أول ما اشتريت الجهاز(كلفني 500درهم مع لعبة رزدينت ايفل كود فورينكا)أيامها أدمنت ألعب سول كاليبر,Shenmue,وغيرها وتذكرت لما سيجا أعلنت وقفها عن صناعة الجهاز وأكتفأها ببرمجة الالعاب على منصات أخرىويومها صابني الأحباط...بالذات أني متحمس أكمل بقية الأجزاءمن shenmue لأني ماكملت
الا الجزء الأول فهل ممكن تساعدوني وتخبروني أذا كانت الشركة المنتجة كملت او أعادت أصدار السلسلة على جهاز أخر؟ أي معلومة ممكن تفيدني
أرجوكم ساعدو لاعب قديم

[youcef1983]

انا ايضا من محبي سيقا بصفة عامة و دريم كاست بصفة خاصة وعندي الايملاتور يعني العب العاب الدريم كاست على البي سي والله زمان.........

[خالد المنهالي]

مافهمتك.... يعني ممكن ألعب شينمو على pc??

[Mr.Xbox]

لعبه شينمو 2 نزلت على الاكس بوكس القديم .. كانت لعبه روعه روعه فعلاً وممتعه , للأسف ماقدرت العب الجزء الاول لأني ماشريت الدريم كاست -_-"

على العموم سيجا الحين تطور العاب للأكس بوكس 360 والبي اس 3 والبي سي وغيرهم من الاجهزه , بس مستواها نزل عن السابق بكثير

[FARES360]

سول كاليبور الجديد راح ينزل على كل من الxbox360 والps3
resident evil 5 راح ينزل على كل من الxbox360 والps3 ايضا..
لعبة sonic متواجده عال360 والبلاي 3 ..
اما shenmue 2 فهي موجوده عالxbox 1 ..

مافي اخبار عن shenmue 3 للأسف.....
اما عن الpc لها جزء شينمو مخصص للonline أعتقد ؟

[The_source]

مافهمتك.... يعني ممكن ألعب شينمو على pc??

أيوه هذا صحيح.........والعفو من الأخ صاحب الموضوع

[md_na_m_aj]

يعني هل هناك محاكي للدريم كاست على البي سي وإن وجد اتمنى تعطوني البرنامج او على الأقل اسمه

[°¤ RoOo7 ¤°]

عاد تدري لما قريت الموضوع .. من جد حسيت كيف الايام مرت بسرعه ...
انا مستحيل انسى الدريم كاست ..
خصوصا اني شريته عشان رزدنت و شين مو ...
وسول كلايبر ادمنت عليها فتره مو طبيعيه ...
بس شين مو ولا لعبه توصل لمستواها .. اخذت شهور العبها ..
لدرجه ان جدتي تقعد دايم معي لما اشغلها .. وكانت ونااااااااااسه ..
وانا مثلك انصدمت لما وقفوا الجهاز ..
لان معناته مافي اللعاب راح تنزل عليه ..
اذكر الخبر لما اعلنت سيجا انها ماتقدر تنافس الشركات الكبيره للالعاب ..
خصوصا
لما دخل غيبس في اللعبه .. ونزل اكس بوكس ...
هنا عاد شين مو 2 نزلت عليه ..
ولاشريت الاكس بوكس يومها لان مافي اشرطه منسوخه ..
وكنت مخططه اشتري
الجهاز عشانها و عشان "ايب" طبعا هذي لعبه قديمه مره ..

هذا غلاف الجزء الثاني...



ولو تبي صور او تشوف الفيديو للعبه ..

تفضل هـــنـــــــا

اما عن ريزدنت فمثل ماقالو الاخوان ..
اخر اصدار بينزل على الps3 واكيد تعرف
ان الجزء الرابع نزل على السوني 2 ...

اما عن المحاكي لدريم كاست ..
فانا اظن سمعت عن برنامج يشغل سيديات الجهاز ..
على البي سي .. بس مو متاكده ... بس حتى لو كان فيه ..
اشرطة الجهاز انقرضت
ودايم اسال عن شين مو لان ودي اللعبه مره ثانيه ..
لكن ما القى ولاسي دي للجهاز ..


والله ذكرتني بأيام حلوه .. وذكريات احلى ..
امتى اكون جاوبت ولو عن تساؤل من الي في بالك ..



تحياتي

[SN!PER WOLF]

والله ذكريات

انا الي تيب لي العبره السيجا ساترن ذكرياااات من الخاطر




ايام اول كان ما عندنا غير شريطين بس ههههه كورة قدم و ضرابه مساكين يهال واخوانا الكبار ما يشترون لنا شرايط زط هههههه

وعقبها ظهرت البلي ستيشن واحلا وظهر معاها الشرايط الكوبي وهذا احلا مافيها وغطت على السيجا ساترن

===

بخصوص الدريم كاست ,, اذكر قبل حصلت موقع تقدر تنزل منه اللعاب الدريم كاست

ولد اخوي يبغي لعبة سونك ع الدريم كاست وما اعرف اذا بحصله فالموقع او لا وبروحي ناسي شو هذا الموقع

سلمت ع الموضوع ومشكور عليه

[الهيلم]

اما عن المحاكي لدريم كاست ..
فانا اظن سمعت عن برنامج يشغل سيديات الجهاز ..
على البي سي .. بس مو متاكده ... بس حتى لو كان فيه ..
اشرطة الجهاز انقرضت
ودايم اسال عن شين مو لان ودي اللعبه مره ثانيه ..
لكن ما القى ولاسي دي للجهاز

قبل كم يوم كنت قاعد احوس بالغرفه وبالصدفه لقيت اشرطة شينمو الثلاثه موجوده عندي

عموما انا حاليا قاعد احملها تورنت واول ما تخلص بحمل محاكي الدريم كاست واجرب اشغلها

ياليت اذا عندك البرنامج اللي يشغل السيديات او اذا تعرفين اسمه تكتبينه لأن بتختصرين علي وقت التحميل خصوصا ان حجمها 2.5 جيجا

ان شاء الله تكون السيديات بحالة تسمح لها انها تشتغل