مشكلة خطيرة جداً في Super Smash Bros. Brawl

[SHINOBI-03]

.
.
.
.
.
.
.
.
.
.
.
.
المشكلة هذه قدمتها في موضوع اللعبة الرسمي بس شكله الجماعة منشغلين وااااااااايد باللعب لدرجة أنهم و لا انتبهوا لمشكلتي و لا أعاروا انتباه some friends they are

المشكلة مثل ما قدمتها، أخوي شرى اللعبة البارحة بس ما اشتغلت، رجعها المحل و بدلها بالنسخة اليابانية بس هي بعد ما اشتغلت

مع العلم أن الجهاز multi-system و يشغل كل الألعاب الباقية من الأمريكي الأصلي للياباني الكوبي ما عدا هاللعبة بالذات.

ليش؟ شو السبب؟ و شو الحل؟

و إياني و إياكم يدخل واحد من خبراء اللعبة و بكل شي فيها و لا يعطيني أي جواب أو استفسار و الله شاهد على قولي.

[Q8_DeVil]

مافيه شي اسمه multisystem بعالم الوي ( التطويرة تخلي بعض الالعاب من region ثاني تشتغل )
لو بتلعب اللعبة الاصلية لازم تشيل التطويرة ووقتها ما تقدر تلعب غير الالعاب الي لها نفس region جهازك
فشوف جهازك امريكي-ياباني بعدين شيل التطويرة واخذ النسخة الي تناسبه

[Super Shadow]

آسفين للأننا نسيناك ><

شوف السبب الرئيسي الي ما خلى اللعبة تشتغل نفس ما قال Q8_DeVil

هو بسبب قطعة الكوبي الي موجودة بداخل الجهاز

اذا اللعبة أصلية ما راح تشتغل عليها

و الحل في هذي الحالة أنك تودي جهازك المحل عشان يشل القطعة هذي نهائيا أو يركب لك زر أو Switch يشغل قطعة الكوبي أو يبندها

أنا صارت وياي هذي المشكلة قبل

شريت اللعبة أصلية و ما اشتغلت

وديت جهازي المحل عشان يشل القطعة و اشتغلت و الحمد الله

و لا تنسى تشوف جهازك أي ريجن هو بالضبط عشان تشوف النسخة المناسبة له

فالويي مش فري ريجين

[SHINOBI-03]

بس مثل ما قلت هاللعبة الوحيدة الي ما تشتغل، عندي ألعاب أصلية أمريكية تشتغل عادي بدون مشاكل

هل لأن اللعبة تدعم الأونلاين؟ ألعابي الثانية ما فيها.

بس بعد، بجرب الي اقترحتوه و مشكورين.

[Q8_DeVil]

لأ مو عن الاونلاين
فيه سببين يخلي اللعبة ما تشتغل بالجهاز المطور :-
1- التطويرة الي بجهازك ما تخلي الجهاز يقرى اي لعبة اصلية dual layer
2- اللعبة عليها حماية مثل حماية mario galaxy واغلب التطويرات ما تشغل نسخة الكوبي مالتها
انصحك تشيل التطويرة وتشوف نوعية جهازك واخذ النسخة الي من نفس region الجهاز

[Super Shadow]

أخوي لو ما كنت غلطان ، الألعاب الأصلية كلها تقريبا بتشتغل عادي على قطعة الكوبي ، بس سوبر سماش بالذات هي الي ما تشتغل ، الأسباب الي ذكرهم الأخ Q8_DeVil

الأون لاين ماله خص نهائيا

[SHINOBI-03]

خلاص عرفت المشكلة و إن شاء الله بودي الجهاز للمحل يعدلونه إذا قدروا

بس عندي سؤال أخير: يستوي ألعب أون لاين بلعبة كوبي؟ ((مع أنه بيتنا ما يتعامل بالـwireless بس حبيت أعرف عشان يوم بيتركب عندنا))

[SHINOBI-03]

bad news

بوي ما رضى يشيلون القطعة من الجهاز

و أيضاً لما قلت لصاحب المحل جهازي يشغل الكوبي، عرف من أولها المشكلة في هاللعبة. و أيضاً لما رحت أرجع اللعبة للمحل الي أخوي خذاها منه، كانوا في شباب واجهوا نفس المشكلة و قعدنا نتناقش شوي عن هالحالة الي واضح أنها منتشرة بشكل كبير.

الواحد لازم يتأكد من نوعية اللعبة قبل ما يشتريها.