السلام عليكم
مثل ماشايفين الوقت ظهر توني راجعه من الجامعه دايخه تعبانه
بس والله في موضوع حرني وقهرني
اول مره بحياتي انقهر من زميله او صديقه بهالشكل !
ماعرف انقهرت منها او عليها بس من جد شيء لايطاق
ايش مفهوم الناس للعين ؟
سوالف البنات كلها عين
تجيكم بنت تقول كنت بيضا وتجتني عين وصرت سمرا
وكنت نحيفه وجتني عين وصرت دبه
وكنت شاطره وجتني عين وصرت كسلانه
وشعري كثير وجتني عير وصار قليل
.... الخ
مابقى غير تقول كنت طويله وجتني عين وصرت قصيره !
من جد كلام غبي
العين حق ايه نعم حق !
والرسول عليه الصلاه والسلام حذر ومنها وهي شيء يقع ويؤذي ولكن
العين لها ملامح ولها تأثيرات
اعرف بنت جتها عين تركت الدراسه مع العلم انها كانت من الاوائل !
بس بنت دخلت الجامعه بالواسطه وكانت متعوده على مناهج المدارس الغبيه فيوم ماجت الجامعه وتورطت حطت سبب جهلها بالعين !
وغير كذا الخوف المقرف من العين
الله سبحانه وتعالى قال (واما بنعمه ربك فحدث )
تطلع بنت من امتحان وتقسم وتحلف انها بترسب بعدين تنجح وبدرجه ممتازه
الواحد يتقي الله بكلامه
مو شرط تطلع وتقول انا مجاوبه وكله صح
ولاتسوي دراما ودموع !
تطلع تقول الحمدلله !
ماعلينا هذا كله يهون
على الي صار لي اليوم !
موضوع تافه
تافه
انا من النوع الي ماسأل على الدرجات والمعدل مابغى افشل نفسي اولا ثانيا مو ناقصه احد بعدين ياخذ من اثري خخخ
المهم الموضوع كان بسيط جدا
البنت تقول انها تحمل افلام
مع العلم هالبنت من شلتي من اول مادخلت بالجامعه سو امون عليها مثل مايقولون !
سألتها سؤال بريء بعيد عن كل حقد وغيره وحسد سؤال من باب الفضول سؤال عااااادي
السؤال هو كم سرعه اتصالك ؟
انصدمت من الرد الي دمع عيوني والله !
قالت مو لازم تعرفين وتراني انقد عليه من فلوسي !
والله كن كف جا على وجهي
تراه اتصال شيء ماله دخل بالعبقريه ولا الجمال ولا الفلوس شيء عادي اي انسان يقدر يسويه مو مستاهل الرد الجارح هذا !
رديت عليها ان خوفك من العين مقزز ورحت
والله هذا الي صار !
هي مثال بسيط على الي يصير يوميا
انا اتجنب الاسئله الي جوابها احتمال يكون محرج
ولا حتى مامدح اخاف احد يفهمني غلط
البنات ايام الامتحانات كلهم مادرسنا مافتحنا المنهج بعد الاختبار ماجاوبنا ماراح ننجح وكم دمعه من دموع التماسيح بعدها اسألهم فلانه نجحتي
ايه ويالله بالدف
والمضحك بالموضوع
ان هالبنت الي خايفه على سرعتها من العين
لو اي احد سألها عن نتايجها كلها مقبول ولا كثرت جيد
بس الترم الي فات
رسبت بماده بالغلط بعدين نجحوها
بس بفتره رسوبها طلعت ابو الفاضيح
لانها كانت منهاره كانت تبكي تقول كيف ارسب وانا السادسه على الدفعه خخخخخخ !!!
الله يوفقها ونجاحاها ورسوبها لها
بس هنا السؤال ليش الكذب وليش القصص المأساويه المقرفه ؟!
ومره بنت سحبنت مني كل درجاتي سألتها عن ماده وحده من باب الفضول والله انها طنشت وغيرت الموضوع !
ناس مريضه نعم مريضه الله يشفيهم
العين حق لكن برضو هي شيء نفسي
مثلا لمن يقول واحد جتني عين وخلتني تعبان
نفسيا بيصير تعبان
بعدين الواحد يحسن الضن بالله في قضاء وقدر , ظروف , مشاكل,عقبات بعدها نفكر بالعين
الله يعين بعد مافضفضت بروح انام
.
