بسم الله الرحمن الرحيم
كيف الحال شباب؟انشاء الله بخير…
متلازمة الكيوب اجل؟في حالة صديقنا ننتندو متلازمة داون(مرض المنغوليا)امزح
عموما اهدي موضوعي هذا لصديقي العزيز جدا ننتندو,و احمد كيوب اللي يخلي الواحد يعجب فيه من قلب(صراحه كان هو من دوافع كتابتي للموضوع يوم قال ليش من زمان ما كتبت مواضيع؟)و الدر(في حالة اتذا كنت تقراء)و صديقي اللي لا غنا عنه مسك الختام بوشي(ارجع انت و خشتك بلا دلع يالزين)
الله …من متى ما كتبت موضوع؟مر وقت طوييييل…و زياده على الوقت الطويل ايقاع حياتي الممل و المقلق.
تدرون؟ما حسبت اني راح اكتب مواضيع بعد رحيل الدر المؤقت انشاء الله … بس على أي حال طبيعة الانسان التجاوز احيانا. بالاضافه الى انه يقراء على حد علمي بعض المواضيع و انشاء الله يقراء موضوعي هذا.اخيرا اشتريت الكيوب...و ان كان ما احدث منعطف حقيقي بحياتي
نبداء على بركة الله بدون مقدماتي الممله المعتاده في معظم مواضيعي:
بالبدايه ابغى اقول لكم مقتطفات من قصة شرائي للكيوب…اول شي كنت اقدر اصبر لمده اطول بدون شراء الجهاز…لكن واحد مقرود صديقي يسمونه بوشي هنا اشترى الجهاز فجئه بدون سابق انذارو ارسل لي يقول لي سعد حبيبي بارك لي اشتريت الكيوب و ما ادري ايش و مطرسه انا قعدت اضحك و فرحت كأني اشتريت الجهاز الى ان اكتشفت انه هو اللي اشتراه يوم شفته عنده بعدها ما قدرت اصبر و رحت و تسلفت من اختي مبلغ كبير (شددت على اني ارد المبلغ بعدين لانها غالبا راح تحاول ترفض اني اعيد السلف بأستماته)و ضميته للطفاس اللي عندي على بالي قاعد اجمع للجهاز و كملت سعره(انا ما اضفت الا 70 ريال)و اتصلت على اعز اصدقائي ابن عمي عبد العزيز لانه انسان ذواق و سألته عن اللون المناسب. المهم رحت انا و بوشي للمحل و اشتريناه مع لويجي على اساس ان بوشي عنده ستار ورز عشان نتبادل العاب فيما بعد…رجعت مسطول للبيت متأخر و فرحان بقوه و هربت الجهاز عشان لا يشوفوه اهلي لكن شافه اخوي الكبير و لحقني و ناظر الجهاز و طبعا مثل العاده حاول يندمني على شرائه لكن هيهات مع انه رفع ضغطي. بعد مده الساعه يمكن 2 و نصف بالليل(انا رجعت بعد الساعه 1) اتصلت على صديقي العزيز اسامه…واحد حجازي ظريييييف مره لكن دمه حار اذا عصب ابعد عنه…الثاني على المملكه بالجودو.المكالمه:
انا: الوووه؟(انا اقلد صوت بنت بتغنج و دلع)
اسامه: اففففف سعد و الله ماني فاضي لخرابيطك وش تبي؟
انا: كل تبن طيب…اسمع وش تعتقد احسن شيء ممكن يصير هذي الايام؟
اسامه: أشتريت (الهمزه فوق الالف) الزفت؟(قالها و هو مندهش و فرحان)
انا : زفت بعينك يا متخلف…تبن.
اسامه: طيب أسمع تعالا عندي حالا..و جيب الكيوب معاك.
انا: ما ادري ما اقدر الوقت متأخر(اتغلى عليه)
و حاول معي و تشحذني الى ان اتيت….كل هذا عشان جهاز يا اسامه؟؟؟الله يحميك من مقايضات اللي ما يخافون الله(بخليه يقراء الموضوع بعدين…طبعا و هو بعيد عني في بيتهم)لكن للأسف وصلت بيتهم و نسيت توصيلت الصوت و الصورة في بيتنا و بغى ينهبل علي.
المهم بعد الكيوب جحدت النت كم يوم و يوم دخلت لقيت ننتندو و قال:من شرى احبابه نسي اصحابه.و قعدنا نضحك و قعدت انكت عليه و افشله زي العاده…مسكين
هذي هي صقتي مع الكيوب اللي واجد هنا بالمنتدى تكلمو عن نفس موضوعها...لكن النقطه هي اننا احنا اللي نختلف
الحين بتكلم عن اللي شفته في لويجي..ما راح اكثر ابدا لان الشباب من قبلي كفوا و وفوا:
لويجي لعبه قمه في المتعه بسبب اننا من زمااان و احنا ننتظر لعبه من ننتندو…لكن بعد ان تهداء الاوضاع تكتشف انها لعبه جميله اكثر من رائعه رغم سهولتها و قصرها.افكارها مبتكره جدا و حلوه لكن منفذه و مطروحه من خلال اللعبه بمستوى جيد مع انهم كانوا يقدرون يطرحونها بمستوى ممتاز…لكن الناتج لعبه ممتازه جدا لهذا الوقت…ما فيه احسن منها.ما فيها قصه او عروض كثيره…مهو لازم اف ام في لكن ما فيها كثير و هذي حركه جدا غبيه…جدا غبيه؟غباء مطبق.
خلونا نقرن العروض بالقصه:اسطوانة ميني دي في دي و لا فيها قصه و عروض قويه؟ما فيه احداث ضمن اطار محدد او تمشي على حبكه معينه للعبه.هذا سوء استغلال للامكانيات…مهو بس الجهاز اقصد حتى الامكانيات الابداعيه…اوه(مشتهي كوكاكولا)…يعني البرمجه و الالعاب مهي بس طريقة لعب…الالعاب قصص و احداث…المبرمج مهو بس يبغى يلعب عليك و يخليك تضحك...المبرمج يخليك تندمج من خلال قصه محبوكه و تتأثر…و يقرن القصه بأسلوب اللعب و الاحداث و حتى تصوير اللعبه*(راجع موضوعي اللي قبل قبل الاخير اسمه اعادة نظر…اسهبت بشرح هذي النقطه هناك…عارف انه و لا واحد منكم راح يروح بس مجرد تذكير)ما راح اطول لسبب اللي بين القوسين.
نجي لستار ورز اللي اخيرا اختذها من بوشي غصب و تحت تهديد السلاح(و الله ما ينعطى وجه هالبوشي…قلنا له خلص اللعبه و عطنا اياها و قعد يتمطط بها كم يوم و يتدلع على باله يقهرني…قلت ما لي الا القوه…على الطاري بوشي يطلبكم الحل مات اثناء مقاومته لي(امزح))…نرجع لموضوعنا:ستار ورز احسن لعبة لعبتها حتى الان على الكيوب(ملاحظه ما لعبت بيكمن حتى الان)
رسومها بعد ما شفتها ايقنت ان الكيوب ما عليه خوف ابدا…هذا و هي شغل امريكيين و هم غالبا فاشلين اجل كيف شغل اليابانيين؟ اللعبه افكارها جمييييله جدا و التحكم خيالي و الرسوم حدث و لا حرج ما توقعت مميزات اللعبه كذا…لكن لا تخلو من صعوبه كونها شفل امريكيين…تتذكرون المقاطع اللي في جوراسيك بارك 1؟ اللي يجيبون ديناصورات كثيره تتحرك بوقت واحد و تجري مع بعض؟و حتى في لاين كنق 1 لحظه البقر الوحشي ينزل الوادي؟كلها حركات منفذه بالكمبيوتر راح تتذكرونها رغم شبهها البعيد (مجرد قرن بخيالكم بين الاعداد الكبيره و دمجها في شاشه وحده)اقول تتذكرونها اذا شفتوا الجنود الكثيرين او المخلوقات الشارده في مرحلة التدريب اللي عجزت عن تقدير عددها.و هنا اكتشفت خدعه لتخفيض المضلعات:اذا جيت من فوق و الميت بأشكال المخلوقات بشكل كامل بطبيعة الحال لانهم بعيدين بتشوفهم نقط و لا راح تشك انها مجرد نقط ثنائية الابعاد او على الاقل مضلعات صغيره غير اللي تشوفها من قريب...لكنها كذلك
الجزء الاخير من الموضوع : بتكلم هنا عن الاشياء العامه اللي نشوفها و نغفلها بالالعاب:
تلاحظون ملابس بعض شخصيات الالعاب الانثويه ملابسها و تصميمها غريب مثل اللي في ستار فوكس...ملابسها مثيره و لا بيها جمال ابدا و لا حتى ذوق في التصميم يعني ما لها معنى ... انا الان ماني قاعد انتقد و الا اقول لكم لا تناظرون او اطالب بملابس اكثر حشمه...اصلا من نطالب؟الغرب و الشرق الحشمه مهي طبعهم...لكن الفت الانتباه الى الذوق الرديء بالتصميم...يعني الملابس مهي عمليه اذا كانت كذا و لا تناسب لعبه حتى الافلام الجيده استغنت عن هذا الاسلوب.اتذكر المبالغات كانت في بداية التحرر عند الغرب او اوقات الستينات على الاغلب يوم كان كل ذوق سيء يعني ابتكار.هذي نقطه.
النقطه الثانيه هي القصص للالعاب...تلاحظون بداء الجيل الجديد و لا فيه اي نوع جديد من القصص...على الاقل حتى الان الا متل قير اللي واجهت بعض النقد و لا زلت تواق الى تجربتها. اذا تكلمنا عن العاب البلات فورم او المغامرات او الهزليه سميها اللي تبي نلقى ما فيه احد ابدع بالقصه الا سونك تيم بنظري لعدم وجود منافس...انا كنت اتوقع ان لويجي راح تكون رد على قصص سونك بكثرة التفاصيل و انعطافات الحبكه لكن للاسف حتى قصص الاطفال اللي تقراء لهم مثل الكعكه الهاربه(الى الان و انا احب هذي القصه
شكرا لحسن استماعكم
اخوكم سعد و السلام عليكم
