Final Fantasy XII International Zodiac Job System

[yugi motoo]

السلام عليكم ورحمة الله..
كيف حال أضاء منتدى فاينال فانتاسي الكريم؟

من فترة سمعت عن إصدارات جديدة من فاينال فانتاسي 12.. قالوا فيه إصدار رسمي وفيه إصدار عملوه معجبين لفاينال وعدلوا عليه وأضافوا وحوش وأسلحة جديدة..

الموهيم.. رحت جبت الإصدارين.. الإصدار حق المعجبين لعبت فيه ولقيت بالفعل بعض الأسلحة والوحوش الجديدة لكن للأسف ما كانت احترافية.. يعني الوحش عبارة عن نسخة من وحش أصلي موجود وأضافوا له تيكستر جديد وبدلوا السكريبت الأصلي حقه بسكريبت لوحوش أقوى و أصعب..

الموهيم مو هذا موضوعنا.. اللعبة الثانية كان اسمها Final Fantasy XII International Zodiac Job System

وهي الإصدار الرسمي من سكوير إنيكس.. اشتريته لكن لين دحين ما جربته..واللي يخليك تقرف إنه ياباني وتعودت على الإصدار الإنجليزي..

خلني صريح.. لعبت فيه وآخر منطقة وصلتلها حقت صيد الطماطم العفنة قتلتها وبعدها مصدق نفسي نسيت إني لسة لفل 1 ورحت حاربت الديناصور.. وعارفين الباقي..
ما شفت اختلاف كبير -ما شفت أي اختلاف أصلاً- عن اللعبة الأصلية..

بعد أبحاث لقيت إنه من أبرز التعديلات فيه هي لوحة الترخيص.. شوفوا الفيديو:

صراحة استغربت.. هل عملوا إصدار جديد مختلف كلياً حتى يقولوا إنه لوحة الترخيص تطورت؟!
ما قرأت أي شي عن وجود قدرات جديدة في اللعبة خصوصاً إنه حسب الفيديو فقائمة الترخيص أضخم من المعتادة.. لكن الأغلب قالوا إنهم ما شافوا قدرات جديدة..

إيش رأيكم إنتو؟

أنا حابب اسأل لأني ناوي أشتري PS3 (كنت شاري 360 وناوي أشتري فاينال فانتاسي 13 عليه لكن تفاجأت لما سمعت إنه ما حينزل عليه) بس عشان فاينال فانتاسي.. وسمعت إنه يشغل أشرطة PS2 إذا كانت أصلية فناوي أشتري فاينال فانتاسي 12 أصلي ومتردد أشتري هالجزء الجديد ولا القديم..
(طبعاً طلب من الإنترنت.. الأصلي هنا ينباع بسعر غالي جداً إنما في النت تلقاه رخيص -حتى بعد إضافة قيمة الشحن!-)

[I 3RGOOB I]

هذ الاصدار قديم من سنه عندي حق ps2 وصلت مكان بعيد وماعرفت شي

[The Shadow]

هو التغير في الاستدعاءات على ما اظن .... تقدر تخلي لهم جامبيت خاص فيهم ، سامع لطشات كلام زي كذا ....حتى الان ماصدر انجلش ولا كان جربناها وشفنا ....

بالنسبة لأسئلتك عن PS3 ، يفضل ان تضعهم في موضوع msm ، لان الجهاز الاوروبي ما اظن يشغل العاب PS2 حتى لو كانت اصليه ! غير متأكد من هالكلام ، انتظر اللي عارفين في هالمسألة ..........

[Al-RaQmi]

اهلا يوغي ..^^
ااااااااه على الموسيقى الموجودة في المقطع T_T ذكريات لا تنسى ..
ايه بخصوص هذا الجزء المطور فانا نويت اشتريها والعبها لكن انصدمت لما عرفت ان الاصدار ياباني وياباني فقط ..
لانك تعرف نصف اللعب في قراءت الحوارات والخيرات ومهمات الصيد ........ الخ
صدرت مثل ما قال اخوي عرجوب من زمان لها تقريبا السنة
الي عرفت عن الفروق بينه وبين الجزء العادي انك تقدر تلعب بأخو فان (نسيت اسمة >.<) وشفت صور تدل على هذي المعلومة
اما بخصوص هذا المقطع ولوحة الرخص ففعلا شكلها عجيب فأتوقع انهم قسموا السحر لحال والاسلحة لحال والمهارات لحال ... لكن عددها كثير واللوحة كبيرة @,@ فغريب امره
فالمهمة الي وصلت لها مااتوقع انك وصلت الى 1% من اللعبة ..تقدم في اللعبة اكثر من كذا واتوقع راح يبان الفرق وخصوصا عند تفعيل لوحة الرخص واستخدامها

[yugi motoo]

هذ الاصدار قديم من سنه عندي حق ps2 وصلت مكان بعيد وماعرفت شي

أنا كل أسبوع أشوف إذا فيه إصدارات جديدة عندنا بالرياض و هالأسبوع لقيت الإصدار. ما علينا..
بما إنك وصلت لمنطقة بعيدة.. ياريت تتكلم عن هالجزء شوي..

هو التغير في الاستدعاءات على ما اظن .... تقدر تخلي لهم جامبيت خاص فيهم ، سامع لطشات كلام زي كذا ....حتى الان ماصدر انجلش ولا كان جربناها وشفنا ....

حسب كلام أعضاء اليوتيوب ما راح ينزل أصلاً هالجزء بالإنجليزي.. كانوا معصبين ويقولوا "ليه سموها عالمية لو كانت في اليابان فقط؟" طبعاً فيه سب وشتم وحش كثير !

لكن جامبيت لوحوش الاستدعاء؟ يعني ينفع نحدد هجمات الوحش بنفسنا؟!
يمكن هالشي يستحق التجربة.. لكن لو كان هو التغير الوحيد في اللعبة فما بشتريها.. يعني مو معقول استغني عن فهم اللعبة بالإنجليزي وأشتري الياباني عشان نظام جامبيت مع وحوش الاستدعاء (خصوصاً إني ما ألعب فيها كثير!)

بالنسبة لأسئلتك عن PS3 ، يفضل ان تضعهم في موضوع msm ، لان الجهاز الاوروبي ما اظن يشغل العاب PS2 حتى لو كانت اصليه ! غير متأكد من هالكلام ، انتظر اللي عارفين في هالمسألة ..........

@,@!
إذا هالكلام كان صحيح وتغيبت لمدة أكثر من أسبوع.. فتوقعوا الأسوأ!
أعرف واحد عنده الــPS3 وشاريه من السعودية.. فأكيد بيكون أوروبي.. بسأله بخصوص هالشي.. ونتمنى إنه يكون غلط !

اهلا يوغي ..^^

أهلين بيك أخوي ^^..

ااااااااه على الموسيقى الموجودة في المقطع T_T ذكريات لا تنسى

وأنا لسة أنهيت قصة اللعبة (كنت ألعب مهمات الصيد) الأسبوع الماضي !

ايه بخصوص هذا الجزء المطور فانا نويت اشتريها والعبها لكن انصدمت لما عرفت ان الاصدار ياباني وياباني فقط ..
لانك تعرف نصف اللعب في قراءت الحوارات والخيرات ومهمات الصيد ........ الخ

واسم اللعبة "International".. ليه :@ ؟!

الي عرفت عن الفروق بينه وبين الجزء العادي انك تقدر تلعب بأخو فان (نسيت اسمة >.<) وشفت صور تدل على هذي المعلومة

ريكس؟
ما أظن.. لأنه زي الإصدار الأصلي راح يموت في بداية اللعبة..

اما بخصوص هذا المقطع ولوحة الرخص ففعلا شكلها عجيب فأتوقع انهم قسموا السحر لحال والاسلحة لحال والمهارات لحال ... لكن عددها كثير واللوحة كبيرة @,@ فغريب امره

حسب اللي قرأته إنه اللوحة مقسمة حسب الأبراج (الميزان العقرب.. تعرف!) وكل برج له خواصه وإنت لازم تختار برج لشخصيتك.. ماني فاكر بالضبط لكن العقرب راح يكون قوي من ناحية المسدسات و كل برج له ميزاته.. لكن اللي استغربت منه فعلاً لما شفت إنه فيه خانات ترخيص منفصلة وبعيدة عن اللوحة.. كيف نوصللها؟!

فالمهمة الي وصلت لها مااتوقع انك وصلت الى 1% من اللعبة ..تقدم في اللعبة اكثر من كذا واتوقع راح يبان الفرق وخصوصا عند تفعيل لوحة الرخص واستخدامها

وقفت عند منطقة الممر المائي لما تنضم لنا آش.. وكل الفرق اللي لاحظته المذكور سابقاً بخصوص لوحة الترخيص إضافة لأنه أشكال اللوحات ثنائية الأبعاد صارت مختلفة من ناحية الألوان.. بس!

[Al-RaQmi]

هذي شخصية فان

وهذي صورة من الشخصية الجديدة تلاحظ الدرع الموجود على كتف الشخصية
الصورة معروضة في المنتدى من زمان بس ماذكر في اي موضوع بالضبط

[DARK PAST]

كيف الحال ؟ <<< خاش عرض

المهم .. الي اعرفه هو ان الاستدعاء بكون مستقل لحالة .. يعني انت تتحكم فيه وتسوي اتاك وماجيك ..

من الإضافات تقدر تلعب بريكس + اسلحة ودروع جديدة + ماجيك جديد + لوحات تطوير مختلفة + موحوش جديدة وقوية + وحش أقوى من أقوى وحش باللعبة + مو متأكد لكن في عروض وإضافات جديدة + وبس

اللعبة شريتها لكن المشكلة ان لغة الشخصيات مثل العادة انجلز لكن الكتابة ياباني x ياباني وللأسف رجعته لأني كنت اتوقع تنزل نسخة انجليزية لكن للأسف خسارة على الفاضي

[kingx11]

الصورة معروضة في المنتدى من زمان بس ماذكر في اي موضوع بالضبط

هذي الصوره انا ماذخها من اول ماشريت اللعبه , للأسف رميتها فالزباله

[VAAAN]

السلام عليكم شكرا على الموضوع انا اشتريت هذا الجزء ومثلكم انصدمت
انا اشتريتها بس عشان سبب واحد هو ان الجزء العادي اخترب ولسا
ما ختمت اللعبة بس

واشكرك

[VAAAN]

حرام ليش فريت اللعبة في الزبالة

علشان اللغة يابانية ولا لا

انا مايهمين ياباني ولا صيني المهم العب

الشيء المجنون انا الكتابة ياباني اما في القصص

يتكلمون انجليزي شو هذ التخريف