هلا شباب

[uaebandit275]

هلا شباب انا الصراحه محتاج من يعلمني على لعبه warcraft اكثر مثلا الاسعار
وكيف ادفع وكيف اسوي اكونت لان ربيعي كان يلعب ميبل وصل لفل 101 باندت
بس ترك اللعبه وراح warcraft وقال انها احلى من ميبل بكثر فلو سمحتوا ابا فيديو
او شرح مصوور عن اللعبه لاني يوم شفتها في الفيديو عجبتني

[F4bry]

اسم اللعبه : World of Warcraft وفي لعبه اسمها WarCraft كلها من نفس الشركة
بس اللي على الانترنت وكل العالم تلعبها هي ـ World of Warcraft
شرح اللعبه كلها صعبه جدا جدا جدا
اللعبه معقده وتحتاج انك تجربها وتوصل شخصيتك من لفل 1 الى 70 , عشان تكتسب الخبره فيها
وتعرف عنها اكثر واكثر , وكل يوم تكتشف شي جديد , انا لي سنه ونص العبها ومازلت اكتشف كل
يوم شي جديد , وبالنسبة لطريقة الاشتراك انا اللي اعرفه انك تشتري سيديات اللعبه + سيديات التحديث
اللي اسمه The Burning Crusade وما اعرف كم سعرها + اشتراك شهرين بـ 139 ريال سعودي
وبالنسبة لسعر السيديات ما اعرفه لاني من زمان ما سالت عنه واكيد انه رخص . ان شاء الله اني افدتك

[xX JUBA Xx]

السلام عليكم ورمة الله وبركاته

أخوي روح أي محل العاب جيمز وقله ابي اشتري لعبه world of warcraft خذها أوروبيه طبعا لان السيرفرات الاوروبيه أقرب من الامريكيه فبكذا راح يكون مافي لاق او الاتنسي يكون أخف

وهذا كرتونة اللعبه

راح تحصل داخلها خمس(5) سيديات تنزلهم كلهم سعر الكرتونه 70 درهم يابلاش قبل كانت 450 درهم

المهم عشان تلعب اللعبه لازم تشتري كرت أشتراك ابو شهرين 140 درهم بدونه ماتقدر تلعب باللعبه طبعا فيه شهر ببلاش مع اللعبه بس ماتقدر تلعبه الا لما تشترك بأبو الشهرين يصيرون ثلاث شهور.

وهذي كرتونة الكرت طبعا قله أوروبي



بعد ماتشتريهم وترجع البيت نزل السيديات في الكمبيوتر وسو الابديت حقهم وانت شابك بالنت وانت تنزل السيديات راح يسألك عن رقم الكرت أبو الشهرين ورح تعملك اشتراك تحط فيه ايميلك والسيدي كي اللي داخل كرتونة السيديات واحذر تظيع السيدي كي والايميل لانه لو انسرق الاكاونت ماقدر ترجعه الا بالسيدي كي.

طبعا بعد ماتوصل لفل 60 تحتاج تشتري سيديات ثانيه وهذي هي وتنزلهم نفس القبليات



أرجو أني أفدتك ولو بالقليل

[uaebandit275]

اشكركم اخواني على تفاعلكم