عندي مشكلة سيكولوجيه لول

[FARES360]

طبعا مع ال360 كان لي اول دخول في عالم اللعب بالأون لاين بشكل مباشر ويومي.. , اول مره كان بلعبة كويك على ايام الدريم كاست , المهم مشكلتي انه ما عاد العب العاب ثانيه او اكملها.. والسبب في اعتقادي هو الonline gaming , وخصوصا gears of war ..يعني مع اني حصلت كل الأشيفمنتس.. في الأون لاين والسينجل..صار مافي هدف معين " أشيمفنتس" فالعب في جيرز الا اني مازلت العبها بأستمرار..ولحظت انها بعدتني عن العاب وايد... مثلا شريت skate , saint row , bioshock ,eldress , dmc4
عندي 22 لعبة لي يومكم وما خلصت منها غير 5 العاب..
فمبدئيا اقط فلوسي عالفاضي ولا احلل الألعاب او حتى اكمل 5% من القصه !
ووايد العاب ما طلعت فيها غير 10g .. من هالألعاب اكون مخلص بس المرحله الأولى لول واقط اللعبة بالدرج الى مادري متى !؟ ...

فمن هذا السبب.. بما انه اشتراكي الذهبي يخلص اخر هالشهر.. ماني شاري اشتراك
يديد لغاية نوفمبر مع صدور جيرز 2 قلت برجع اشتراك ذهبي.. , عشان اعتزل عن الأون لاين وابدأ اشتغل في السينجل بلاير...

بغيت أسأل الحين فيه احد منكم يواجه هالمشكلة انه يعلق بلعبة وما يلعب غيرها؟
وما هي اسبابك؟ ..

[Nemesis Zone]

والله يافارس قضيتك مع جيرز مشكله

عندي عادي العب العاب Single Player بمجرد اني اطفش ادخل Online

وفي العاده لدي لبه معنيه مثلا العب بها ثم اشتيري لعبه اخرى اترك الأولى وانتقل للثانيه ولكن بأتي يوم ارجع العب الألعاب الي تركتها من جديد

بالعربي اعلب اونلاين لكنه مايلهيني عن الـSingle Player

ولعبك وممارستك لجيرز لايعتبر ضياعا لأشتراكك بل مايسمى بنية احتراف اللعبة والأستمتاع بها>>>>>لكن بيني وبينك انت تجاوزت الحدود

[Nemesis Zone]

اعتذر رد مكرر

[S a R iVi e D]

بالفعل ، مو بس انا الوحيد اللي أواجه هالمشكلة ! انا مثلك وأكثر منك العب جيرز مع اني دايما ادش للبروفايل مالك واحصلك تلعب جيرز . شبابي في الـ FL يعرفوني دايما Gears العب .ولو شافوني العب لعبة ثانية فهذي معجزة .

انا جهازي توفى للأسف من شهر تقريبا ، والجديد بشتريه مع Gears 2 أنشاءالله ، لكن الشي اللي مستغرب منه يا فارس ليش ما اشوفك لما العب مع الشباب الكويتيين ؟ ماشاءالله كثر اللي يلعبون عندك Q8KINGKILLER و SpyQ8 وبو يعقوب وبو فاروق . يمكن لعبت معاك 3 مرات او 5 لكن نادرا احصلك موجود ان كان مع القطريين او الكويتيين او السعوديين ألا ما ندر .

ياريت نشوفك بعدين في جيرز 2 ، وخلك من الـ Ranked وانا انصحك تتجه لمباريات السنايبر 1V1 في جيرز او 2v2 ، ربعك الكويتيين يلعبونها دايما .

[cantona222]

انا عكسك تقريبا. أمل بسرعة من الاونلاين "Multiplayer".......... أحس انه تكرار. فأفضل اني العب لعبة single Player و أخلصها، و اجرب الاونلاين فيها عالسريع......... و يمكن يصير عالبطيئ مثل ألعاب: Gow, Halo 3, COD4.

و بعدين يا أخ فارس انت ليش معور قلبك، حط ببالك ان الـGames للتسلية. و عندك ساعات محدودة بالأسبوع للعب. فإذا كانت متعتك بالـOnline MultiPlayer فكان بها. مو لازم تلعب ألعاب وايد. العب اللي يونسك............ بس ها، اذا انت من هالنوع، فلا تشتري لعبة يديدة و تقط فلوسك عليها الا وانت على يقين انك مليت من اللعبة القديمة و راح تخلص اللعبة اليديدة.
فلا تشتري اللعبة بس لأنك سمعت عنها و قريت عنها و حسيت انها راح تعجبك و تكون حلوة، اشترها لأنك مليت من الالعاب اللي عندك و راح تنتقل الى اللعبة اليديدة.

[SN!PER WOLF]

انصحك تجدد الاشتراك لن بتنزل لعبة gat4

وبخصوص اللعب ,, انا دايما كل ما ايب لعبه يديده اللعب فيها تقيم وانهي اللعبه عقب اللعب اون لاين ,, واذا اللعبه ممله اعقها ع صووب لن خلاص انتهاء عمرها

مثل RBO6 2 لعبه ممله بمعنا الكلمه ويالس اللعبها وانا اتريا متى تخلص وحتى الاون لاين ممل وتركتها على جنب

والحين عندي ناروتوو فالاون لاين عجيييييييييييييييييييب احلا من DOA

وفالنهاية يعطيك العافيه ع الموضوع

[S a R iVi e D]

اذا انت من هالنوع، فلا تشتري لعبة يديدة و تقط فلوسك عليها الا وانت على يقين انك مليت من اللعبة القديمة و راح تخلص اللعبة اليديدة.
فلا تشتري اللعبة بس لأنك سمعت عنها و قريت عنها و حسيت انها راح تعجبك و تكون حلوة، اشترها لأنك مليت من الالعاب اللي عندك و راح تنتقل الى اللعبة اليديدة.

اللي دخل في جو الاونلاين حق Gears فمستحيل يتركها ويمل منها ، اذا على كذا فمعناه ما يشتري ولا لعبة جديدة .

[Schowj]

لول نفس المشكله عندي.. بس مع لعبة WoW

خخخ XD

[GHOST 360]

والله انا مثلك يافارس.. مع اني احب الاتشيفمنت لاكن ما اقدر اصبر على جيرز اونلاين

[فوق المستحيل]

نعم واجهتني هالمشكله

والسبب هو صعوبه اعجابي بالالعاب..بالعاميه ..مو اي لعبه تدش مزاجي...

اما بخصوص اللايف فاانا اؤيدك وبشده..انصحك ماتشترك باللايف الا لما تشوف لعبه تسوى تلعبها بالاون لاين

والا غيره خلك اوف لاين احسن

[eob717]

نفس حالتي مع Team Fortress 2 قبل فترة..كنت أطقطق عالجهاز مرتين باليوم..بس أما الحين..قمت أطقطق عليه فوق ال4 مرات..وبساعات متواصلة..والسبب كله من هاللعبه الي ماتنمل.


لكن الحين..وقفت شوي..وسحبت عليها..وبلشت بالسينقل بلاير لـ Condemned 2 Bloodshot

[ايوب الحسن]

والله يا فارس نفس المسكلة عنيدي .. !!

والمشكلة عندك هي انك تصبحت مدمنا على الاون لاين ..!!

ونصيحة ابتعد عن الاون لاين لفترة وجوزة .. !!

واستمتع باللعب السنيغل قليلا !!

[البيكهام هام]

مرت فيني الفتره هذه كان عندي ضغط العاب وقت ادماني وير هاوك وحلها بسيط وهي انك تحط ببالك انه الاونلاين ماله وجود يعني لاتفكر فيه كلش وخلص كل العابك واذا خلصتهم عاد ارجع لجيرزكانت عندي7 العاب وقتها كل ماجيت العب وحده منهم اقول العب وير هاوك شوي.. احسن شي انك تنسى الاونلاين بشكل مؤقت

[Max Kane]

بالنسبة لي انا ما العب اونلاين بالعبة الا ان ختمتها وبعض الاحيان ما اجدد اشتراك الين اختمها

اما بالنسبة لضياع النقود فهذا يعود لنوعية اللعبة بعض الاحيان اخذ العاب ما لها داعي واتفاجا فيها

بس اشتري الاشتراك بس حلل اللعبة بعدين العب لايف

p.s
your GOW points are incredble

[عاشقOnimosha]

ياخي لاتعب نفسك إلعب يلي تحبه أكثر
بس لوتعرف إنني أتمنى أن العب بالايف بس الأهل مو راضين يجيبولي dsl لأنه غالي
أأأأأأأأأأأأأأأأه لو ألعب بالايف