الخطوط الأفقية الصغيرة ....؟؟

[Gladieator]

السلام عليكم ورحمة الله وبركاته ....


في الحقيقة حبيت أعرف كيفية صنع الخطوط الأفقية الصغيرة في الفوتوشوب مثل الصورة اللي تحت ....

وياليت اللي يعرف كيف لايبخل علي بالطريقة ومشكورين مقدماً ....


ولكم تحياتي ....

[ODIN]

www.motken.com

تجد الدرس هنا

[ODIN]

اوه اخوي جلاديتر سامحني ما انتبه لاسمك ... على العموم الموقع الي عطيتك ايها فيه الدرس بشكل واضح ..

ةاي خدمة انا حاضر .. على فكرو وش صار بالماسنجر؟؟

[Gladieator]

الله يعطيك العافية أخوي أودين ماتقصر والله ....


وبالنسبة للماسنجر أنا أضفتك مرة ثانية بس ماعاد صرت أدخل عليه مثل أول يعني لك علي شوي ....

وإنشالله أقابلك بأقرب وقت ممكن


مشكور مرة ثانية وعساك على القوة إنشالله ...



.....

[Gladieator]

أودين ....

الفزعة يخوك , الصفحة اللي فيها الدرس كل ماأفتحها يطلع لي الكلام خرابيط ولا هو عربي ولا إنجليزي ...

شالسالفة البلا مني ولا من الموقع ....

ياليت تساعدني ....


.....

[S a L e M]

شو هذا الدرس ..

http://www.designsbymark.com/pstips/photo_tvlines.shtml

[Gladieator]

مشكور أخوي Ifrit على اللينك ....


والله يعطيك العافية ...


.....

[Mr.VEGA]

مرحبا .. ..

بصراحة أنا كنت دايخ على هذي الحركة من زمان .. ..
بس ياليت لو تدلوني على واحد عربي لأني بصراحة في الإنجليزي صفر على الشمال ... ..
أو يتكرم واحد من المشرفين و يشرحه .. ..

تحياتي .. ..

[Gladieator]

وأنا بعد أضم صوتي لك ...

لأني بصراحة فهمت نص ونص يعني لك عليه شوي ....

ياليت أحد يعلمنا بالعربي ويريحنا ....


ومشكورين مقدماٌ ...


ولكم تحياتي ....

....

[Gladieator]

أخوي Mr.VEGA ....

خلاص أبشرك عرفت الطريقة ...

تفضل الشرح :


1- أول شي تفتح الصورة اللي تبي تشتغل عليها , طيب , وبعدين تروح لعند File وتفتح ملف جديد تكون أبعاده كالتالي : الطول 400 بيكسل , العرض 2 بيكسل .

2- لما تسوي الملف الجديد راح يكون مثل الخط الطويل , الحين تروح لعند أداة رسم الخطوط , وتلقاها مع أدوات رسم المربعات والمستطيلات وإسمها Line Tool .

3- الحين المطلوب منك إنك ترسم خط أفقي بطول المستطيل اللي عندك ولكن بالقسم العلوي , يعني يكون الخط اللي رسمته في النص اللي فوق من الرسمه ويقسم المستطيل الى قسمين .

4- بعد ماترسم الخط على طول المستطيل , تطبق الخطوات التالية :

Select >> All

وبعدين

Edit >> DefinePattern

وبعد هالخطوة تسكر نافذة هالملف ..

5- الحين لازم تسوي طبقة أو لاير جديده , وبعد ماتسويها تتبع هالخطوات :

Edit>> Fill >> UsePattern

وتفتح الـPattern اللي سويناه وتضغط Ok وراح تضبط معاك إنشالله , بس لما تخلص روح لنافذة الطبقات وخل الطبقة اللي سويتها على الـ Overlay أحسن وأفضل للصورة ...

وإنشالله يكون الشرح مفهوم وإذا مافهمت قولي وأنا أساعدك باللي أقدر عليه إنشالله ...


ولك مني تحيه ....


........

[Mr.VEGA]

وتفتح الـPattern اللي سويناه وتضغط Ok وراح تضبط معاك إنشالله

مرحبا .. ..

أخوي ( Gladieator ) .. ..
ألف شكر على شرحك بس في مشكلة بسيط و هي كيف أفتح الـ( Pattern ) ?? ??
أسف بس أنا مني فاهم و أريدك أن توضح لي هذه النقطة .. ..

تحياتي .. ..

[Gladieator]

هلا والله ....


معليش تأخرت عليك شوي ....


شوف أخوي ,,,

أنت لما تسوي الطبقة الجديدة , تروح لعند Edit وبعدين تختار من هالقائمة Fill لما تضغظ على هالكلمة راح تنفتح لك نافذة صغيرة , من هالنافذة بتلاقي كلمة Use وجنبها قائمة منسدلة تقتحها أنت عن طريق السهم الأسود الصغير , ولما تفتحها تختار كلمة Pattern .

وبعد ماإخترت Pattern , بيطلعلك تحت الكلمة شكل الـ Pattern وجنبه سهم أسود صغير علشان تغيره إذا ماتبيه , أنت إضغط على هالسهم وراح تطلع لك عدة أشكال وبتلاقي الـ Pattern اللي سويناه موجود تحت مع الأشكال , إختاره وبعدين إضغط Ok على النافذة الصغيرة وراح تسكر ويتطبق الـ Pattern على الصورة اللي عندك على طول ...


أتمنى إني قدرت أوصل الشرح بشكل صحيح ...وإعذرني إذا كان الشرح مو مفهوم ...

على العموم إذا مافهمت قولي وأنا معاك لما تقدر تسويها


ولك تحياتي ....


......

[Mr.VEGA]

مرحبا .. ..

أخ ( Gladieator ) :
ألف شكر على هذي المساعدة .. .. بصراحة إنت إنسان رهيب .. ..
على العموم المشكلة ما كانت في شرحك بل في تطبيقي للدرس .. ؟!!!
و أنا قمت بحفظ العمل في هيئة (( أكشن " Actions " )) عشين تقدر تسوي هذا العمل مرة ثانية
بكبسة زر .. ..

تحياتي .. ..

[Gladieator]

العفو أخوي Mr.VEGA ....

هذا واجبي .... والحمدلله إنها ضبطت معاك ....

وأي خدمة أنا حاضر ...


ولك تحياتي ....


.....

[Mr.VEGA]

تسلملي عزيزي على روحك الحلوة هذي .. ..
على فكرة ملف الـ( Actions ) في خطاء و هذي نسخة أفضل منها .. ..

تحياتي .. ..